今朝一返到課室,老師就話調我去c前面嘅隔離嘅坐位,其實對於我嚟講,呢個係一個幾好嘅消息,因為我唔駛日日見到條廁所繩,不過同時,我又唔能夠享受一邊上堂,一邊踢佢張椅。

 調完位後嘅第一堂,都過得幾好,不過我覺得幾無聊,始終前面冇野擱腳,心中都冇咩滋味。

 第二堂係英文堂,但係英文老師冇返,所以呢堂就係自修,但係因為冇功課做,我就和我隔離個人玩,呀!未同你地介紹我隔離位添,佢係一個矮矮地嘅男仔,佢大致上都冇乜問題,個人都幾好,除了佢個人有d白痴之外,其他都冇咩問題,不過呢一日之中,我最記得就係呢堂啦!

 我同隔離位玩彈擦膠時,玩玩吓,佢不斷將我舊擦膠掃落地,我只好好無奈咁一次又一次拾膠擦,又唔知係幾時起,隔離位嗰個同學將我舊擦膠交俾佢後面嗰個c,c點會咁容易就俾返我,我不停咁威脅佢俾返舊擦膠我。

 c當然唔咁就犯,就係咁樣,佢一直拖延到打鐘,當老師叫我們排隊落去小息時,我走到c張枱,準備落佢d野進行「人質交換」時,c開始有d驚,佢放低我舊擦膠就走咗出課室做風紀,我就咁踢咗佢個書包一下就算了。 

 跟著下午都冇乜特別嘅野,只不過偶爾同c發生一兩次口角,都冇乜特別呀!