今日早上,我要返學校上「劍橋英語」,但我卻瞓過龍,原本要八點半去到學校的,我卻八點半先起身,結果要呀媽「三催四請」,我先起到身。我馬上梳洗,喝了杯牛奶,匆匆忙忙拾好要上課的東西便返學校了,我知道c九點要上舞蹈班,所以,我必須在九點前回到學校,以免見到佢。

我跑到胃都痛埋,終於跑到學校了,幸好c還未到學校,我急忙衝上2a課室上「劍橋英語」,一個半小時後,即是十點正,終於放學了,但劍橋老師還未捨得放人走。十點一刻,如果快不走的話,c十點半就會放學,而我就會見到佢個衰樣啦!

十點五,終於肯放學啦,我立即奔往家裡,以免見到不想見到嘅人。回到家後,媽媽提醒我,要和她一齊去香港仔做義工,係喎,我差d醒唔起!

我沖咗過涼後,便匆匆帶了手提電話同八逹通,就同呀媽一齊出門。

這次車程真係好唔順利,西鐵啱啱走咗架車,巴士又塞車,船又走咗一班,等到我死死吓!

好唔容易才到逹我要做義工嘅地點,今次嘅義工係要到老人院,同公公婆婆玩遊戲。同公公婆婆玩遊戲嘅優點就係,即使你玩遊戲時出咗貓,他們都不會見到。

義工活動完結後,我和媽媽和一班義工一齊去食下午茶,其間,我識到一兩個女仔,我們在餐廳玩了很久,最後,我們交換咗電話號碼。而家想返,老師不是教過我們,不要亂交換電話號碼嗎?

食完下午茶,我要到天耀社區中心上課,但我食完下午茶後,己經七點了,上課時間係七點半,要從香港仔那裡到天耀,也要很久的,所以我一去到社區中心嘅課室,己經是八點半,足足遲了一個鐘,所以我就被老師罵了一頓點解要遲到,但後來同學告訴我,老師也遲了半小時才來上課,哼,簡直不公平!~