一回到學校,我又想到琴日仲未派晒卷,今日仲會派埋中文三科、英文兩科同埋常識。

第二堂時,是英文,英文我勁dd,所以我比較有信心,果然不出我所料,英文G.E 攞咗94分,不錯哩!英文聆聽攞到100分喲!都幾好,唔算太差。

一個漫長嘅小息過咗後,又到中文堂,即是會派晒三份中文卷。當我睇到我份閱讀卷時,我就開始後悔琴日口口聲聲希望今日派中文卷了,攞到75分,雖然啱啱好攞到B,但係只不過是僥倖,老師講咗成堂之後,就到數學堂。

幸好數學老師冇返,因為自從派咗數學卷後,我就對數學堂失去興趣。因此,當我知道數學老師冇返之後,我都幾開心。

整個數學堂我做D野都好無聊,因為又冇功課,又冇帶書,所以,我就無無聊聊地度過這一堂。數學堂之後係中文默書堂,但因為冇默書,所以就變咗改卷堂。

寫作卷......一講起寫作卷我就"把鬼火",我從來未試過咁衰仔攞到C的──73,當我同其他女同學比較時,個個都攞到80幾分,但男仔卻得70幾分,老師係咪偏幫女仔?咁我就唔清楚啦!聆聽卷也是如此,84分,差一分就攞到A啦,真可惜......

食完午飯後又係小息,小息完後,係兩堂常識堂,常識我幾條時事題我都唔識做,我今次攞到100分就真係死俾你睇呀!結果我攞到87分,還不錯啦!

總括來說,以下就是我的成績:

中文(閱讀):75(B)

中文(寫作):73(C)

中文(聆聽):84(B)

英文(G.E):94(A)

英文(聆聽):100(A)

數學:85(A)

常識:87(A)

普通話:91(A)

75+73+84+94+100+85+87+91除8

等於86(還不錯哩!)