「我都唔想架......係佢迫我架,你死咗都唔關我事架......」
大家唔好咁快就打999,請睇埋我今日發生嘅事先......
今天一大早,我去咗教會,上咗主日學嘅班房後,房裏空無一人,房裡冇開燈,房裡好靜,剩係聽到隔離牧師講道嘅聲音,我攞咗張椅,坐底,等待主日學老師同同學嘅來到......
佢地終於嚟到啦!我正在諗緊點解佢地會咁遲嚟,再睇睇個鐘,原來我早到咗半個鐘呀!唔怪得知啦,差d嚇死我啦!
呢一堂主日學,我地剩係討論吓嚟緊嘅聖誔劇,當我地仲諗緊應該點樣嘅情節時,主日學老師向我們俾咗d貼士,我地就開始講我地嘅意見。
大概一個半鐘頭後,主日學結束,我攞住啱啱抄完我有份諗嘅劇本嘅紙張,心諗點解d情節會咁荒謬走出課室,準備參加一陣間嘅生日會。雖然我唔係壽星仔,但我係生日會到都食到好飽,食完後,我同媽咪返屋企,媽咪話要去聽講座,佢聽完講座後,就要帶我去剪頭髮,我只好獨自咁留係屋企睇書,睇到媽咪打電話返嚟叫我攞去剪頭髮。
等咗兩個鐘頭後,媽咪打電話叫我落去剪頭髮,其實我一生人之中最討厭剪頭髮,不過我d頭髮己經好長,冇藉口再話唔剪。髮型師問我媽咪剪短剩係剪長,我媽話剪短,其實我心裡面好清楚髮型師想剪長的,因為剪長嘅話,我地好快就會再上呢間髮型屋剪。
我剪完後,媽咪要剪,所以我自己返去先,我不知道我點解會行一條平時好少行嘅路,條街空無一人,好似成條街都好似我咁的。
返到屋企,又係無人係屋企,我受夠了冇人係屋企,剩返自已孤零零了,屋企好似俾咗我一種前所未有嘅壓縮感咁,屋企響起一d「竊竊」聲,由於我返到去已經六點幾,天以經黑啦,所以當我關咗門之後,屋企連唯一嘅光線都冇埋......都係唔好講d咁嘅野啦!
「我都唔想架......係佢迫我架,你死咗都唔關我事架......」呢句話就係我洗緊頭時對d頭髮講嘅說話,「佢」就係媽咪,唔好誤會呀!!!!!!
