今日教心肺復甦法,呼吸系統及窒息,人事不省,體溫失調...

包紮個陣俾人五花大綁,好慘呀>.<''

lunch既時候我第一次帶飯呀!!!因為天水圍食野太貴啦!!

聽日要做心肺復甦法啦..我驚好難呀!!!

要加油呀!!努力!!

 今日阿sir教創傷,軟組織受傷,骨折...

仲學左點樣為骨折既人包紮...

我驚到時考試唔記得哂點包紮呀!!因為有好多呀!!

12月15日就會考急救試啦!!希望會pass啦!!

 今日係第一日正式上堂啦!!初時我以為會好悶...

但好在阿sir教得好好咋..講下笑咁...

今日學左d急救既常識&學點樣包紮...

都幾好玩呀!!我地12月15定17日就要考試呀!!所以要加油呀!!!

呢間中心最衰既野做係行去商場好遠呀!!仲要得1h食lunch!!行得出去都唔知食乜啦!!!

 今日我去天水圍個陣係西鐵撞到貞貞呀!!^^

我10點去到間中心,點知有個社工話[我地唔開架喎!!]

我心諗:死啦!!又上唔到堂呀!!超無奈呀!!!

因為佢話人數唔夠25人喎,所以就唔會開班...

點知佢地同勞工處有d誤會..搞到好多展翅既同學都去左中心到!!!勁無奈呀''''

好彩個社工話聽日可以上堂...唔係我又唔知點算啦!!!

佢仲話有2個星期可能要到沙田既仁安醫院上堂喎...

如果上堂表現好既,醫院可能會請人架!!!

嘩!!我諗起都開心呀!!!因為做護士都係我既願望黎架!!哈哈

 yeah!!我等左咁耐,終於聽日就可以上堂啦!!yeah!!!

我係天水圍近景湖居附近既香港聖公會福利協會上堂呀!!

番3個星期..10點至6點..希望唔會咁悶啦!!!^^