今日6點幾就起左身啦！咁就返學啦！點知在樓下等左陳媽佢地5分鐘都未到（由夠鐘開始計），
之後我同毛毛就返去啦！咁返到去就落hall試啦！
之後d人黎！我地在台上面，好樣衰！
之後表演完就返上去音樂室放返好d野就又落過去聽，
之後返課室，我收到好多張聖誕卡，當然我都派左好多張！
之後就食野啦！個個都話我整果d雞翼好食呀！哈哈！
之後就交換禮物啦！原來係呀彤抽到我呀！多謝你份禮物呀！

之後到Miss果份啦！真係Oh my God！
份禮物一d都唔啱我用，之後就影班相，真係.....
要除冷衫wo~佢無野呀？A,B班就要除，C,D,E班就唔洗除，
搞到我地比E班d人笑！好嬲囉！
之後落到去個個都黑口黑面！
之後放學我地就去左何里活睇哈利波特啦！
點知條龍勁長，又full哂，
之後就同小堅堅、棠棠、64、姍、排骨、ling ling一齊去左九龍城睇，
50蚊呀！大出血呀！
睇完我同ling ling就去左擰蛋，咁多個都要，
淨係得一個唔鐘意，就係擰到果個！
救命呀！今日好黑呀！之後我就同ling ling返屋企啦！

聽日返大陸呀！肯定悶足一個星期呀！