講真la,有好多人都一直以為自己係好快樂(包括我自己在內)
但其實唔係架,佢地只係用笑去遮掩自己既傷心.

mv裡面既主角,拎住一個牌:講笑話,一次50元.有好人聽到佢講之後都笑左,但有一個女仔,聽左之後佢係冇笑到,反而係即刻離開,而且面露傷感.
中間果段,之前聽過主角講笑話既人笑笑下既時候,歡笑既表情都已經從佢地既面部消失, 係因為佢地終於知道左呢個笑話真正既意思.
最後有個好有錢既人坐住架車,去請主角同佢講個笑話,佢起初都係笑得好開心,但其實佢唔係笑,佢係喊,因為佢同之前果班人一樣,知道呢個唔係笑話,而係知道自己而家所擁有既快樂係唔屬於自己真正既快樂.

其實每一個人唔快樂係有好多原因,最常見既係親情,愛情,友情.
呢3樣野如果是但1樣出現左問題都可以令人好傷:親人既逝去,伴侶既離去,朋友既離別.

歌詞最後果段:
你值得真正的快樂   你應該脫下你穿的保護色
為什麼失去了   還要被懲罰呢
能不能就讓悲傷全部結束在此刻   重新開始活著


呢句的確係值得我地人類去反思一下.
其實任何人都係可以擁有屬於自己真正的快樂,真正的快樂係用最真誠既一面去表露出黎.
既然張會失去既野都已經失去左,但點解自己要繼續傷心落去.
如果將失去而換取到既悲傷在同一個時候全部結忘掉,重新開始生活過來的話.
我相信之後所擁有既快樂就係屬於自己真正的快樂.

P.S:
1. 其實我都唔知自己講緊咩,請見諒,呵呵
2. 聽日羽毛球選拔,一定係對方被人選入隊,本人就被人拔出局^^