辛苦左一年,終於可以讀law了(三年行政及法律事務高級文憑),返左學都已經有1個星期了,同班同學都已經開始熟絡......初初得我自己一個人入讀屯門ive既時候真係好唔習慣.
班上既同學真係幾搞笑下,有風趣的,有失散多年的兄弟(異父異母的^^)......任何類型既人都有,仲有樣野值得一講的是,班上既所有男仔都已經係可以玩埋一堆的,講起呢樣野,岩岩諗起下星期一原本係可以放早的(12:30就放,但因為上次8號風球而令到marketing上唔到,下星期一要補返(3:30-4:30)),中間個3個鐘唔知做咩好,有人話去唱k lunch,都有人話去玩桌球,結果最終決定都係睇睇星期一時投票吧.

e家返學同放學都係我最痛苦既一刻,因為要坐足2粒鐘既車程,識得我既人都知道我住清水灣,但唔好彩既係我間院校在屯門,先要行一段山路去等小巴,之後坐小巴去到將軍澳既時間就坐地鐵,去到調景嶺又要轉一次車,之後一直坐~~~坐到去太子又要再轉一次車,等去到美孚時就要去轉西鐵,之後就一直係西鐵到訓~~~~訓到去[笑]康站落車出閘去坐輕鐵(有時訓過龍,好慘],最後坐輕鐵去到青雲站就....終於到學校了~~~~(感謝主喔^^).時間同車錢就.......(自己得閒計一計)

我讀緊既科分別有:英文, 市場學,經濟學,會計學,基礎法律,電腦,全人發展
英文就由一個外籍老師教,應該跟到進度掛,市場+會計+經濟我真係要問問讀過既人先得,基礎法律最忙碌,一邊複習,一邊查字典先明解到,電腦就彷彿回到上年的電腦分流既I.T.A....不過係用office07的,最後的sao...我一定要drop左佢,因為唔drop的會好痛苦....

近排真係愈來愈鐘意睇聖魔之血,佢既故事,人物都寫得好掂,可惜作者(吉田.直)已經於04年病逝,作者生平既r.o.m系統既小說1-6已經全部睇哂了,r.a.m就儲緊錢買....