好耐都冇同返一班小學一齊畢業既同學聚會了,今晚我地係去細清bbq.原本約左係2點鐘系寶琳地鐵站等,但因為整人有事要2:30先到.見到佢地個樣冇變到,真係好令人懷念的面孔(幾時搞返個同學會ar??要叫哂全6E班既人ar......)之後分批去買野.男士就去新都城三期惠康買野,女士們就去二期樓下個街市買.好笑的說女士們竟然買到唔夠$$$,車人(carman)自己出住先....買完野之後就去踏16號小巴去細清.去到細清冇哂爐,要租爐,我暫時幫佢地比住先,遲d camp返.租完之後就去游水lu.全部冇帶游鏡,就咁游,包括本人,不過我係後期先落.不過水中睇返會好蒙,下次都係帶返.玩沙灘排球就......唔理3721,就咁玩,因為我地係唔識控制個球差唔多7點幾就開始起爐燒野食lu.我可以肯定佢地全部都係餓鬼,三包腸仔,轉眼間得返一包半都唔夠,得十個人出席......咁快冇左一大半.大家一路燒,一路講下佢地e家既出路.系到順便恭喜埋順利升到中6既同學先.好好咁加油la,考好埋個AL佢就入U la(即係大學).其餘成績欠佳既人唔好灰心ar.好好把握現在.燒到9點幾時本人因為有要事要早走.

咁多位,中秋再見la.

相片:

個海幾靚~~~~~^^


3位出席既女士(做咩小羊對眼會望向另一邊??)


大佬來的,唔好得罪佢.....


有出席既人士(本人不在,因為當時本人已回家了)