星期六,唔洗講又係開工嘅開始~lee間好得意,星期亦都要番全日~亦係話,我只有星期一日有假~學埋琴的話其實根本就冇假~可能我懶嘅關,所以有lee d想法啦~久唔久又望下個鐘咁...真係好難過d時間~不過又做做下嘢...唔覺唔覺又放工~o係番工期間,因為坐附近d人都差唔多年紀~突然Bowie就話之前佢同d fd無啦啦玩一個叫「扯開話題」嘅遊戲，咁我啦、tony同jimmy都覺得幾好笑,所以都玩下~首先tony同bowie就開聲先啦~之後bowie問我「Ada,你係唔係玩ga?」我冇應佢,諗左一陣講d咩好呢~之後講左「咦~做咩d人開曬燈又唔熄番呀?」咁,咁我又乘樽問埋jimmy,jimmy係由頭到尾都冇出聲,只係成日傻笑嘅人,之後佢都笑笑口咁走開左,冇應我哋~之後我諗左個好計,因為tong係師兄,我又跟緊單,咋家而問佢d問題單嘅問題~「喂,tony,lee個係咩嚟ga?」,佢個樣好搞笑,似笑非笑咁,我見佢唔認,咁就拎番轉頭~~哈哈~佢之後玩玩第一個話唔玩~佢話玩到就嚟short,都唔知答唔答你好~哈哈~之後就冇人再玩喇~

星期日,又要9點起身番阿婆到...因為重陽有盤菜食~吃完之後就諗住同媽去洗頭啦,點知個洗頭妹以為我要cut埋hair,叫左個師傅嚟,咁既然係咁,我就又問下個頭點整先好睇d啦,初初佢都話咁樣已經ok,不過佢話可以試下電下佢。又電髮,又染髮,搞到成6點咁制先ok~最後我哋6點7就返家。到左香港,一心打個電話去問佢哋食唔食嘢,一個二個成日都話問下先,爸又唔想出去食貴嘢,搞到媽鬼死咁嬲，講真,比在我都興啦!一日唔番工,都係等於冇假期=.=頻頻撲撲,一個二個都好似好難委咁!o係落馬洲打比ming,之後因為收唔到而cut左線,媽又以為係ming佢cut線,搞到佢興到眼濕濕，見佢抹左抹眼。唉.......真係好媽難做...最後都係番左去買埋外賣比佢哋....

今日，又一日嘅開始,lee 一日冇咩特別~只係o.t左個半鐘~同bowie同tony一齊走~就係咁~~呵呵

成日十二點一點先去訓...黑眼圈又好勁喇~

唔上lee樣勁~我肥左好多...但又唔戒口喎~而家坐o個到覺得 個肚突左出嚟咁呀....死未吖你哋話...

不過唔打緊~我下星期同同事一齊減下肥,係唔係真係減到...真係唔知喇..=.=

o係lee個「興業製品廠」做嘢嘅第一日~

數下數下...原來都好似有7個boy,6個girl加埋自己。終於都陰陽平衡d喇~

都算幾開心，我覺得lee份工可能會做得長過距明~一嚟,想去旅行,二嚟，經理佢話公司第時會向歐洲發展，做得好的話可能帶我哋去開會~有時都會出trip~又有可能去做show~好似見下世面嘅機會比距明多!!

距明正係老闆先去~

原來o個日見工o個個女仔都有請到呀~不過佢個樣真係有d串柒柒...講嘢都係...=.=死人頭...o個個幾好樣嘅boy今日竟然係last day!!而且將所有嘢都交左比o個個girl!!!>o<不要啦~~~~~我同佢冇講過嘢~~~~~~

原來公司有個往返中港囓司機好勁呀!!聽經理講，佢以前真係就咁一個司機咋~但係而家做做仲做埋我哋公司嘅sales,成日去唔同公司sales我哋d嘢!!好勁呀!!

lee間公司好多嘢學,日日都有新產品或改良品~而且經理話如果做熟左就要學埋shipping、業務等工序,第時就唔會比人問到口啞啞喎~

今日一早就比人叫左去介紹d祗品,一講就講到lunch~不過都好~好過佢咩都唔講,正係叫我做,唔明又真係做得上手...

食lunch本身得我同Bowie(o個個girl)去食飯~點知司機大叔---阿東同教我哋產品嘅steven就過嚟搭「木台」,之後又到經理~最後就到運貨同記錄嘅同事---Jimmy又嚟埋....最後我哋竟然一路食一路講鬼故!!!真人真事!!係佢哋故事呀~~~好恐怖!!!!從未聽過呀~

大家o係公司都做嘢還做嘢，不過有時都好free~有時講下笑啦,有電話響又可以事無忌旦咁講~不過都要去茶水間傾嘅~公司入面又有3格廁所~~不錯不錯,唔洗出去o個d咁恐怖嘅廁所~

到左5點!!竟然有下午茶!!好happy!!!!本身經理諗住請~後尾就變左靚仔---阿威比錢~有西餅~又有嘢飲~~~hea下hea下又一日~~~輕鬆~呵呵呵

整體上幾好~不過我今日有少少自閉~因為講得多嘢都未必個個喜歡~而且我今日做嘢嘅時候都幾專注~~

話咁快聽日又番工喇~

頭先同過以前上司傾電話~話比佢知我搵到工,做番採購部,同以前差唔多。佢仲話我同採購有緣~

如果唔係自己識嘢少,我都打算轉下行~而家終於都明白d人點解話轉行難lu~因為你跟本對其他嘢一竅不通,講咩轉行??一轉行,自己都冇左對工作嘅安全感~><

同佢傾開電話講開話報名讀書,因為我以兩日執「木台」,所以一路傾電話,一路搵form,但最後cut左線後都一張紙都搵唔到=.=

跟住立即就上網,皇天不負有心人,終於比我搵到。不過print出嚟...冇黑墨.....超淺色...有d仲睇唔到=.=

唔理咁多喇!填左先算~聽日番去交一交表!

明日!!7點起身~~~加油!!!

原因一：今日見工，即請我

原因二：見到朋友們

我先敍述番今日見工嘅事先，今日早上9點15分左右突然有個未見過嘅number打左過嚟~都心知係可能有關見工，一聽左之後,原來係一間o係元朗嘅廠叫「興業製品廠」搵我12點去見工。咁就即刻起身啦，上網啦,搵地圖點樣去啦~就係咁，我十一點半就到左o個到lu~

入左去,黃小姐就叫我打字同出信。見到隔離都有個女仔，唔知佢係唔係見工呢~我用左大約4個字左右就做曬lee嘢，不過封信就唔係好知點打,格式同打嘢方法就用番距明o個時d格式打。o係我打打下嘅情況之下，突然有個電話，係togo打比我,我就同佢講因為見緊工而遲d再打比佢。

等到12點左右，隔離o個個女仔先入左經理房，原來佢真係嚟見工~見左成幾個字出番嚟，到十二點半就in我...不過佢睇左封信話我d英文麻麻，不過第時打多d就會好d應該。心諗：下...英文差!?我跟番以前咁打咋喎....以前都覺得距明d人打得怪怪哋ga喇....不過打慣左又當冇嘢啦...。佢又話我做過好似轉過工都好密，好彩事前我有同佢講其中一間公司係我「daddy」,所以先覺得冇事。

到左後來~真係請左我~好彩~失業唔夠一個月又番到lu~!

好~而家講番原因二先。咁我見完工，打番比togo啦。我同佢講我o係元朗，朗屏邨o個邊，原來佢就住朗屏!所以我哋就約左o係朗屏o個邊等喇。因為togo放假,所以就約埋阿mo、飄飄、肥溫同介。但約左佢哋係分別6點，7點同8點=.=大把時間下就去左元朗個大和風食lunch，再番凱都睇<<電車男>>。睇完先得個4點幾近5點。之後我就番左屋企換套衫，佢就去燉奶佬飲嘢，6點o係置樂m記等。等到齊人,我哋就去左利寶o個邊，togo話想買psp。成個鐘頭就o係o個到過=.=悶死我。之後去番市中心等飄飄同肥溫啦，之後去左睇旅行社d嘢。跟住又話暑假去日本玩~不過好似要好多錢錢錢咁~由於呢~我搵到工....本身約左21號去哈囉喂嘅...咁我就去唔到喇...先後等埋介諗住出發啦,點知介又話要等埋佢個fd=.=又要等!!仲話要去機舖，咁鬼遠，我又唔想玩，o係到唔做乜咁。雖然飄飄同togo都有問我玩唔玩但我最後都係冇玩。等到介個fd嚟，玩太鼓玩到9點先去食飯。諗下諗下，想去目黑同漢陽苑，目黑要等，之後就去睇下漢陽苑有冇人排隊喇，係冇嘅。之後就落左去喇。食食下蕭亮又嚟左，仲個靚女fd飲醉左咁,亂講嘢(大家都有飲,我冇飲,我怕個身又痕。介同mo都好似wing wing哋)。咁一路食食食食就食到十一點半~食完，togo走先，之後又去市填公園，玩鋤大弟、psp、吹水。玩玩下，蕭亮條女又嚟埋啦。之後到2點半先走。

就係咁又一日喇~~~