冇錯!如題所說!不過呢~~~兩位朋友都好似冇咩點嚟咁喎~=.=

大家都太忙喇~哈哈~

今日...冇咩事發生,只係學琴o個時d表現我覺得唔太好囉...但係miss就成日都話「ok啦」,其實佢再嚴格d的話我都可以ga,咁可能至少會努力少少掛....不過....真係好攰,日日番工,一星期得一日假都要學嘢,眼又攰~我知道唔可以用lee d咁爛嘅0口,但係真係連睇音符都唔願意再睇清楚d...

之後有一樣嘢,我之前都會估到會發生...就係miss佢話唔教喇....佢話因為有時做嘢好攰,又O.T.,所以怕教唔到我D咩...唉....有D唔捨得一嚟,二嚟,我請左驚我父母反問番我其實係唔係我做得唔好搞到MISS要走嘅問題。

之後,食晚飯,我同佢哋講左!好好彩!佢哋冇問,咁我就進一步話不如搵番表姐教我,我鑣都AGREE左,太好喇!

減肥減肥~我唔要個PAT大呀~><

其實都唔知自己係唔係搭錯呀,上次o係公司明明就話258D係去到市中心嘅~

但係今日搭就唔見佢有去到,唔知係唔係我落左車嘅關係呢~

但係我落車嘅地方本身已經係大興O個邊,冇理由到O個到都唔到市中心=.=

所以到左青雲路見唔到路就落左車,之後辛辛苦苦咁行去搭輕鐵又轉車搭507去番市中心買嘢~

其實想買嘅都係頭文字D嘅VCD,幾經辛苦終於去到LU~47蚊,之後又去利寶買燒碟,79蚊仲有可以套住燒碟嘅紙PACKAGE, 6蚊

(之前又O係九龍灣食嘢$26)今日就咁洗左成一百蚊,我媽比我嘅最後一次零用就咁冇左4份3=.=

唉~又慳,如果唔係第時份糧都比我洗淨喇!

番到屋企,見屋企開左冷氣,超舒服呀~不過都係冇去訓覺,因為覺得唔想曬時間住,趁屋企冇咩人O係到就玩電腦啦~

之後就睇左頭文字D~栗來佢入面有一張可以分為4份嘅閃紙卡,每一份都唔同主角---阿JAY，陳小春，EDISON同阿樂~超有型~仲有一張抽獎刷刷卡,刷左之後都覺得...唉...呃人嘅!

啱啱沖完個涼,吹埋個頭,醒起未睇惡魔人就諗住拎嚟睇啦~之後一下醒唔起我之放左隻燒碟落去幫我細佬燒嘢,兩隻碟疊埋一齊!之後個ROM就「卡卡卡」聲,嚇死人呀!之後拎番隻惡魔人出嚟....噢....慘喇....花左加開唔到.....

SORRY呀，肥溫....

又就嚟可以訂MASK喇~~~呵呵呵~~

一起身就醒起是日係9月1號,大家嘅番學日子。

屋企,我最細個妹同細佬番學。

外面，朋友們都上c.c。

番到公司之後等到差唔多9點,我就sms比飄飄、之後到阿mo,叫佢哋加油,比心機之類嘅嘢。不過，唔洗講人哋都會啦.....唉...不過剛才先醒起...我唔記得左sms比peggie,sorry呀~哈。你都要加油呀! :>

諗起冇得同各位做番同學真係有d灰灰哋,錯就錯在我運氣不嬲麻麻同埋我當時冇計住d分啦!

不過!我不久之後一定會東山再起!!至起碼我要搞掂個pre a.d.先!

至於A.D. ...我真係唔知點好,我唔想問屋企D錢去讀,想自己O個D,又冇咁多=.=

我今日放左工,坐邨巴..不禁諗起讀書嘅事.....又同阿冰比起嚟...

阿冰話要讀,佢哋會比,唔會出咁多聲...而對我就一樣唔出聲,但係會覺得我曬錢...

究竟係唔係佢哋偏心.....

就係因為佢哋覺得佢讀得好過我所以就唔講嘢...我成績冇咁好就懶得理你...

究竟係唔係咁呢....

諗到自己都有D想喊呀....眼濕濕.....我諗暫時未必有人理解到我個心情....

大家都可以朝住自己諗叉去做,但我永遠就原地踏步;究竟為左D咩....

如題所說~係第三個,但係lee次係一週一篇!因為呢,我8月1日起就開始做嘢lu~

而家最多對住自己屋企個電腦都唔夠3小時,所以唯有一星期一次!

暫時嚟講,個日記只係得飄飄知ga咋~

飄飄,你要成日嚟呀~

講番尋日,9點8左右就約左飄飄同肥溫一齊去食嘢,之後就去左市填公園影相同傾計~

傾傾下亞冰又打嚟,又嚟開togo d錢未還,講真,我lee d嘢唔洗佢理咁多,我都自然有分數囉~=.=

之後就打左比togo,點知佢放2點半!唉!

之後就傾計傾到1點就又去食糖水,整整下成2點幾先放呀,所以今日好眼訓!

而家係晚上9:43,我去放lu ~88