今日如常咁番工~冇咩事發生~

只係今日同d同事一齊去飲茶食lunch,仲講左Mandy同Sandy d嘢,又唔算係壞嘅~只係講個事實~

一個就咩都差隻過嚟,一個就心情會180度大轉變~後者我都領教過喇~

食完之後,我就派尋日放工o係馬莎買嘅糖比佢哋~o個個Sandy我都有派~本身都唔想比佢~不過其他同事叫我比埋我先比兩粒佢(通常個個都有4粒),不過原先我想同佢哋講多謝佢哋嘅照顧最後都冇講~因為我講唔出=///=哈~

放工o個時我哋仲交換電話,佢哋個個都叫我比心機讀書~~雖然唔感動,但係我都好多謝佢哋同我講lee一句!!

感謝大家~~~

今日我都有O.T.,因為其實我覺得冇所謂之外係因為覺得我第一日嚟已經O.T,所以我走o個都O.T先至算畫上完美嘅句號。哈哈~我好似好奇怪咁樣添,不過我覺得我咁樣,我個感覺先會覺得好D~

原來EMBY姐以前都走過,但最後都番番去距明做嘢~唔知我之後會唔會好似佢咁,搵唔番,又番去做呢??

今日,C.C打過比我,叫我拎番O個時嘅2000蚊留位費,佢問我寄比我定我自己去,我話自己去~我怕佢唔知寄左去邊~去左之前順便去埋柏麗先聽日~

又可以順便睇下有冇工做都好~

不過點都要打下嘅~

要講番下工作上...其實我23號左右已經同蘇菲亞講左我唔做~做都尊重我決定,不過叫我下次諗清楚先決定係唔係做嘢。

其實佢都講得啱,我咁樣做得好哋哋就話唔做,真係帶比公司唔少麻煩...sorry~!

尋日同Hedy講開嚟...講開公積金方面d嘢,短視d,我其實係少左錢老o個時,而家眼前就會多278蚊洗,之後蘇菲亞行過,我又同佢商量,之後佢同Judy講,Judy比我揀,因為其實lee個月嘅29跪我就番左整整60日,到左60日就要供強積金喇~我又嫌麻煩要填表,冇諗過長遠係對自己晚年好...所以就決定左聽日會係我o係距明嘅最後一日。

聽日會同佢哋咁多位一齊lunch去飲茶，唔知會去邊間，到佢哋就會帶我去~

係喎,頭先番屋企o係德福經過馬莎,於是入左去買左兩包分別20蚊同22蚊嘅糖，聽日拎番去派，不過到而家我都諗緊...究竟咩時侯派好呀。Judy(老闆娘)同老闆亞jim唔o係到時間當然最好，但係一朝頭早就派會唔會好怪?到左下班時間有d人好快就會走人...又派唔曬...定係我唔派...就咁等o係到?但係咁樣又好似冇咩誠意...

頭先同cary(我上司)講開公司問題，其實公司真係好變態，佢話我未嚟之前係公司最最最最最忙嘅時侯，除左做採購嘅嘢,仲要做埋sourcing，一個人跟本就做唔到，講真我自己做埋做埋咁多林林沉沉嘢都花好多功夫,更何況佢當時咩都要做?但公司最初o個時話唔請人!!!為慳錢!!講真一個員工做到死左o係到都唔會做到好多嘢,d功夫愈積愈多,最終都係公司失信於客唧!!最後cary日日做到發難渣，因為佢當時都讀緊書而且仲要考試,基本上頭先聽佢咁講,我已經feel到佢當時有幾辛苦,係辛苦到唔想再做同有少少精神崩潰...佢同左蘇菲亞反映,又直接同judy先肯人,而且係請我lee個唔熟手,一張白紙嘅人...唉,頭先又聽講,我走左,公司亦都唔會請人補我個位,cary,辛苦曬喇...

佢話佢拎完個花紅,大約一年左右佢都會走,因為lee間公司太變態...遲早d人全部走曬佢都唔知點死呀....

距明~再見喇~~~~

今日就照常咁番工啦~但係今日就決定左會辭職,番埋lee個月。聽日同佢哋講。為自己嘅讀書日子而奮鬥!!

約左飄飄,介同肥溫食飯,食飯之後就去番市填公園到坐,吹水。但係以下一件事估唔到發生o係我身上。

我玩緊阿介個psp同飄飄對戰,見到有一個人跑步,隔離仲有一隻黑色嘅狗陪跑,lee下都不以為然,主人同隻狗一齊運動好多時都有...

但係當個男人繼續跑o個時,隻狗突然停低,o係我哋附近行左一陣,之後竟然仲伏左阿介身邊,冇咩動作,亦都冇吠,十分安靜，只係久唔久望下我哋咁,佢個眼神好可憐呀...

之後又發現隻狗狗對耳上面好似生有真菌,一粒粒咁生o係耳仔表面,相信lee個係佢比人遺棄嘅一個原因。

我哋冇理到佢繼續玩我哋嘅,傾我哋嘅阿介仲貪玩叫過佢一聲「小白」,佢真係認!!唔通lee個真係佢個名?但係過左好幾個字之後發覺有d唔妥....隻狗可能係想跟住我哋....我哋嘗試行遠少少睇下佢會唔會跟住我哋行,結果係會!!但係發覺佢好似係跟死一個咁,就係阿介。之後我哋咁多個行開,等阿介自己一個啦,點知狗狗又望住我哋,好似話「你哋做咩唔行埋嚟呀?」咁...到左十一點幾十二點,我哋都要走喇,番屋企,屋企唔養得狗,而且都冇負擔能力,於是都諗辦法甩左狗狗。

但係佢一直一直咁跟住我哋,佢哋兩個男仔就負責引開狗狗,我哋就o係第二條路走先,但係走唔甩呀!佢又再次等我哋...等我哋4個人一齊行,冇辦法喇....一齊行啦~到左輕鐵店上面d樓梯,佢有好幾次行得快過我哋,o係唔同嘅落梯位轉彎...唔理佢又好慘咁....但最終我哋都係襯住佢o係轉角位時就落樓梯走人...個心其實一d都唔好過...見住佢因為唔見我哋而向我哋嘅各方向跑去,睇住佢背影唔見...

但我哋未落完樓梯,佢原來以經落到樓下巴士總站搵緊我哋,佢四周圍咁望,四周圍咁跑....

遠剖睇住佢嘅我哋亦都只好繼續走我嘅路。我哋各自返家,佢哋3個去搭車,我就行路番。

諗番起，佢真係好乖.....同我哋一齊雖然時間少,但係睇得出佢其實真係好純同好聽話....

見佢唔係好污糟,又唔係好瘦,佢可能都係比人遺棄左唔係好耐,佢依然好信人類,但係數埋數埋,我哋可能已經唔知第幾多百個唔要佢嘅人嚟喇...

買得「小白」養嘅人應該一早就要預左負責lee d問題!!點解到左lee d時候要唔要佢??唔健康就唔要佢,對佢真係好唔公平!!有冇諗佢嘅下一步會係點??比人去人道毀滅??比人收養??餓死街頭?定係病死街頭呢?不過唔要得佢嘅人....一早都預左佢有好壞嘅下場,「小白」比人遺棄都已經係一件好傷嘅事...

唔知點講...唉,估唔到lee d咁觸動人心嘅事都會比我遇到....

差唔多番到屋企先醒起我有張入數紙唔記得比飄飄幫我拎番學校....打電話比飄飄啦,之後飄飄同我講,原來隻狗狗o係佢哋上左車之後跟埋上車,唔知係唔係見到佢哋呢?

之後狗狗比人趕走左.....趕左落車喇....之後嘅事有關狗狗嘅,我哋都唔知喇...

但係我希望想養狗狗嘅人唔該諗清楚先做下一步嘅事,要有責任人!!狗狗唔係玩具嚟ga!!

有養狗狗嘅人,一定要有愛心,要對佢好,到到佢最後嘅生命階段!!錫佢哋多d啦!!

唉~唔知第幾年過一個冇街出,有人約又唔想出嘅中秋~

唔出係因為出面行嚟行去都市中心,都冇嘢行,所以亦係冇街出~

無聊死人喇!!!

今日係追月,都好似唔多見個月亮出嚟咁~=.=

聽日,又係一個無聊嘅番工日子,冇嘢同隔離個阿姐講嘢,唔講嘢我又好悶。

頭先睇搜查線,個旁白話o個個被查嘅人一日生活番工、午飯、放工好無聊,好聽d嚟講係「規律」，

冇錯...真係好有規律...=.=佢講d嘢真係正中我意呀.....

唉...已經唔想番工喇....應該係話...lee d工好似唔啱我...

我覺得我一d都唔enjoy份工呀~個feel好有問題，好似成日都鬱下鬱下咁~唉...

不過留o係到都係睇在去份糧同埋佢d節日金份上咋.....

不過今日真係唔錯...lee個補假比我做到我想做嘅嘢,唔似好似星期6咁,番半日其實番到屋企都冇左大半日,星期日又要專登早少少為學琴準備,基本上都冇十足嘅「歎」。

不過比起我媽、我爸、飄飄同星期一至日都有嘢做嘅各位好好多....

我要比心機先得喇~~

背景音樂---宋岳庭 - Life's a surggle

好現實嘅一首歌~我鐘意~

唉...冇咩好寫...

日日都千篇一律.....過住d冇咩意義嘅日子,為嘅都係錢...

唉~冇心機番工喇....又攰...d嘢又多到成日都有咁...

冇做錯都比人話錯....

少少嘢都嘈之敝敝....

噢雪!什麼是福!!

冇錯...究竟咩先係福?

唔開心的話,就算有福都唔知,更加享唔到啦!

lee d生活真係好乏味!好無聊!

人嘅一生就係咁?為兩餐就做到成隻嘢咁~

一世唔停咁工作,死左都係對世界嚟講都係唔會變...亦都冇人會記得自己...

做人其實真係有咩意思呢?

為理想?吥!講真,有幾多個人真係可實現到理想先得ga,冇錢,就要馬死落地行!

為錢,幾辛苦都會做...做做下..自己有咩理想都會唔記得....

理想只不過係空談~

唉~

無啦啦講左一埋唔知咩道理嘅道理添~