想係咁2搵人呻下，點知講完之後仲衰多兩錢重!好似比人踩多兩腳咁!

如果真係咁想得開呀，我而家都唔會咁愁啦…比人鬧嘅又唔係佢!好賤囉d人，我同佢講嘢佢仲笑!lee個人真係交唔過囉!話人哋唔諗佢感覺，佢有諗過人點諗咩?佢次次都係咁!!

新天倫鬧我，我都知有部份係我問題，另一個問題我覺得唔係我到囉!同佢咁講，佢又串我「你有冇講我就唔知喇!」「諗咁多做乜春!唔係你問題根本就唔洗驚!同catherine都一樣!」我知呀!我點會唔知!我諗佢係唔會知覺得對唔住個客嘅感受囉!佢一定冇!lee種感覺就好似以前做groupproject咁,我出左咩問題，累到同組組員的feel一樣囉!!咁又係嘅!佢只係讀到中五!冇咁多group project經驗嘅…

真係q想小佢!搵唔到人呻搵著佢!如果有下次都唔知同邊個呻呀!討厭!!!

番乜鬼嘢工呀…個個都放假，係我哋要番!!番到嚟都係HEA!

唉，一咁得閒又諗起經理要我做嘅嘢....橫死掂死，不如而家去做!不過真係唔想搞LEE D嘢囉…

又要問番3月有幾多盒出左，淨賺幾多，又要計番供應商比左幾多我哋有冇計多，好煩呀…

坐左O係到咁耐，而家先9點8個字，一個無聊的一天不如比我O係屋企訓啦…

討厭勞工假…

而家咩時代呀…文員冇紅假放…人工同人哋O個D一樣，這是什麼福利呀!

頭重重，仍然諗起尋日單煩嘢…我個頭就嚟變化石喇…

有冇人可以安慰下我?=.=哈哈

心情而家勁擔心、勁灰…

因為一間「新天倫」嘅公司又有單落，但係佢訂單有成20種色，做貨要時間唔係問題，問題係佢嘅訂量根本就唔夠我哋公司的規定「每色每款7200粒，即300打」，而且佢仲要o係單到打要退番色辦費…(色辦費意思係佢之前比左一d布我哋,要我哋跟色做上d貨到，每隻色100蚊)上次佢做左20隻色咁濟，本身要收佢1700蚊，但係佢竟然打折比自己囉...98%。好衰唔衰我又口快快話色辦費有單就會退...其實我唔對退費嘅事有d混亂，點知原來有單對色辦費，只係對鐵料貨品，並唔係膠…

佢一直問嘅就係膠嘅貨品…

而家死啦!!數量又唔夠，話左佢知佢又話我冇講，咁點解vicky(佢同事)知，佢唔知??佢話我冇講…搞到我都有d懷疑自己…芬姐話，辦簿上都有講要7200粒先得，冇理由唔知喎，不過問心o個句，d字咁細粒，真係唔留心,就咁立下眼就算，根本就咩都睇唔到...

而家個色辦費點算好??點都要覆一覆人哋ga...好頭暈呀…

難得兩日假期嘛....但係我兩日都冇出街囉~

有嘢想買ga，但係唔想出街~真係太熱喇~~~熱到我塊面勁多多粒囉~~~

o係屋企係咁煲碟!一套韓劇叫<<宮>>改編自一部韓國出名嘅漫畫~個故事係講如果而家韓國仲係有皇室，仲係由一個皇族統治會係點~

故事仲講一個平民女仔同一個皇太子結為夫婦嘅故事，由互相唔喜歡大家但要結為夫婦到個女仔對皇太子有好感，之後到皇太子表白~咁當然套套劇都唔會好平淡咁過啦~

幾好睇ga~男女主角都幾掂~哈哈~

由朝睇到晏4點幾，跟住走去訓一陣~因為冰番左嚟用左手提電腦，明明佢又玩電腦，我就冇嘢做~訓到5點幾,頂唔順，太熱!!就到而家喇~

但係我訓o個時，問左自己一個問題~ 但係個問題我都冇答案，答唔到…不過算啦!好多時都係船到橋頭自然直!!我係天下無敵的!!

哈哈~~唔知點解~~今日有幾間麻煩嘢都搵我，但係煩完之後個心情仍然幾靚~

而家距離放工仲有一個小時左右~希望快d可以離開~咁就有兩日假期~~呵呵呵呵~

啱啱聽到老細o個佢房打乞嚏~~好想笑~~因為閂房門都聽到咁清楚!!真係超勁!!而且佢個細女打乞嚏同佢一樣咁大聲!!好好笑~~佢哋一齊打我諗成個office都會震~因為佢個細女一打乞嚏我個耳膜都feel到空氣嘅震動~嘩哈哈哈~~~真好誇呀~~~

今日係4月嘅最後一個工作日~時間真係過得好快~~

不過...點解acc同BE嘅成績咁耐都仲未有??一個月喇喎~成績好唔好都比我知下吖~無奈地等...

仲有，有個問題...我唔識整背景音樂，邊個可以教下我?>o<