唉，人嘅感覺真係會成日變!!當對方做左一d嘢之後，你就好可能由like變得唔like，由反感到好感。由同情到討厭!!!!
其實我係講緊我細佬，早排佢塊臉搞到就爛咁濟都覺得好激氣，做咩會有人咁cheap推人落樓梯，佢仲要同人講好說話，覺得佢太好蝦，太「林」。但係佢一方面又好令人討厭，佢可以避免嘅嘢佢竟然都做唔到!!
交功課成日欠交!就算冇做呀，番到學校點都有時間比你抄下吖，做都唔做，抄都唔抄!又唔帶書!我媽都已經日日都叫佢執，但係都唔明佢仲可以冇帶幾次，一個月冇交十次功課，真係我哋屋企都前所未有!!早前佢miss先打嚟同我媽講，如果再咁落去就踢佢出校!lee個死仔包仲日日打機!又懶，咩都唔想做!
miss將d「家長通訊」釘o係手冊到，佢竟然就咁撕左佢!d頁數又唔整，佢次次都係咁撕，而家手冊都冇得用咁濟!佢撕得，miss就直頭黏住佢，等佢冇得撕!佢真係當佢自己阿媽傻!撕左就得ga喇咩，正係識得逃避，自以為好醒!真係白痴到加零一!呃到一時都呃唔得耐啦!我以前都冇試過咁蠢!有嘢唔比得人知，緊要諗個十全十美到預防方法ga啦!佢都唔諗得詳細嘅。真係好蠢好蠢呀!!!
正一係蛀米大虫，一d功勞都冇。
為左唔比佢玩咁多電腦，我哋決定實行碗腦密碼制!!其實都行左一段時間，點知我媽成日企得唔硬，行左lee個制度冇兩日，我媽就放寬左，話比佢玩一兩個鐘!頂!放假就兩、三點鐘比佢玩，咁佢咪一樣玩都唔知時間!
而家仲衰!!set左密碼之後，佢第二次將我哋個mouse拆左去喇!!咁cheap嘅嘢都做得出!!早知道就將膠索索所有電線，睇佢點拆!!(因為之前整過部電腦，所以冇整番d膠索!)
不過咁，我食鹽多過佢食米!佢萬萬都估唔到…我唔用mouse都有鍵盤用!!哈哈!!
實行谷到你嘔血!!
講真吖，如果唔係佢自己玩得多呀，邊會搞到如斯田地?點解佢又唔諗下我哋要做埋d無聊嘢?佢個腦真係唔諗咩!
|
