lee排可能係黑仔日~尋日晚唔小心整到阿標個眼拗左少少,今日諗住同佢整番,點知唔小心仲整爛埋...最後用a a超力膠痴住先,希望唔捱多一陣啦。

成個星期喇，心情都有跌比人踢左落谷入面咁,怪怪哋咁，可能又到左「無啦啦灰到痺周期」~=.=唉...我講嘢係唔係好無聊呀...算啦...唔打喇...

星期五...無啦啦冇嘢做比叫左去幫手搬行李....搬到死死下咁...仲要去到珠海咁遠。7點半鐘就比人叫醒左準備一天的辛勞嘅開始喇~跟住又好似自閉咁冇同過冰講嘢咁濟咁幫佢拎d輕d嘅嘢,之後仲要去到深圳o個邊同阿姨集合搬埋電腦,一整天都在珠海忙碌。成晚上7點先番到婆婆到。成日只要理佢d行李,自己個死人背囊(借ming的)又重到死,原來佢有個護背嘅膠板,但係中間竟然仲有一條鐵!!!!一條鐵至加幾套衫仲日用品,是以令我lee幾兩日個肩膀都酸酸痛...唉...

今日,一早9點又要起身...因為要拜山...點知比婆婆話我要叫人呀,要禮貌呀,如果唔係比人話呀...佢話一年幾前同姨媽仲媽咪去飲茶,我媽就比左200蚊佢話比佢老豆,即係我叔公用,我諗住開下玩笑話「唔好落格呀~」,點知佢記到而家!!怒火有少少比佢喚醒左....=.=#不過...或者佢份人可能同我差唔多掛(我並不了解她，而且我不太喜歡她!她對我外婆很差)....成日MIND人哋點睇佢,所以演變成而家咁啦....算把啦...一d玩笑都開唔到。

拜山o個時...本來都冇乜嘢...令人氣憤嘅事抹左佢。但最後拜到我公公時...眼濕濕...諗起公公以前成日買禮物,又好錫我哋，成日對住我哋笑嘅樣。中一ｏ個年佢走左，但最後一程我冇去到．．．因為ｏ個日我要去考科學統測，好掛住佢呀...最後我只係佢講「公公，我係鈴鈴呀。我而家開始做嘢喇，諗住一路做嘢一路讀書，多多保祐呀!」斟完茶酒就起身，企多一陣就準備走lu。

啱啱,有人MSN我,話我有時講D嘢無聊...之後我就SAY SORRY,話如果覺得唔啱睇就當冇睇過.....佢叫我唔好咁認真,只係講下;佢講左,我明白。但係...令我勾起以前細至小學，大至中學都有幾個人好直接咁話我係一個怪人....「怪」嘅意思我唔係好明,但總之都唔係好嘢。所以我從頭先佢咁講開始...我就諗....唔通我講嘢有時都講到好無聊而比覺得係一個怪人?絕對有可能。中學有個同學，佢叫MO LING，有一次我同佢講左一堆唔知咩,唔記得左係咩,但係最後佢笑住指住我咁同我講「Ada，你...哈...你有時講嘢好怪呀。」....聽左....冇乜嘢;不過唔知點解總係一種難受嘅感覺...唉...

今日沉思左好多嘢呢~不過大家唔好介意...我只係打個日記渲洩一下。^.^

今日本來約左介同肥溫先生,一齊去睇下兼讀制d嘢~但之後肥溫要陪hidy拎書,所以要遲d~

阿介本身話如果等唔到肥溫就同佢d fd食lunch，冇所謂,反正我都要去見下工~

最後都係食住等肥溫去茶軒，點知見到肥溫嚟左餘飄飄都嚟左呀~8(>v<)8

點知飄飄第一句就話我同阿介「燦」「木台」腳....=.=|||唔好反啦~>"<

差唔多食完嘅時候，飄飄話玩psp,同阿介對戰左幾次~跟住飄飄叫我玩,次次都「失敗~~」,可能屎得濟,飄飄話各自各玩lu~

跟住仲話去華都間機舖玩太鼓，唔我係好掂就無謂獻醜啦~哈哈~

之後差唔多4點左右mo打電話比介,原來佢都o係市中心，mo話我哋做咩咁齊人唔叫埋佢。之後本身想飄飄同肥溫同我一齊去安定見工的,因為我唔識路,擾攘左好一陣子都係自己一個人行算喇~雖然唔捨得大家~~><

去到安定範圍,問左成3個人,再加埋自己係咁行,終於搵到喇!!!!不過去到...佢竟然話唔接受毅進學生....一定中五full先得....行番轉頭...原來對丌馬路就係梁球踞!!同我屋企的確好近呀!!!!!

番到屋企(唔想番其實，不過冇地方行)，講番比爸媽聽,佢哋都話其實政府只係呃我哋錢比d老師,養佢哋。冇人會認同毅進學生....唉...想點唧~人哋冇中學運,冇讀書運,係唔係就一世掃街呀.....

不過諗諗下...自己笨左,做咩唔講埋自己係副學士先修學生....但我媽又話後果都一樣冇人理....唉~

1萬蚊....見財化水喇~~~

快d搵到工啦!如果唔係我好難會有錢去玩同去韓國ga喇!!

lee個題曲唔係第一次用...不過lee次件事唔關我事,係我細佬。

我細佬份人不嬲都做嘢好慢,屋企人成日都話佢，但係今次好唔同,做功課佢做得慢,成日都做到好夜，撞啱佢唔識,走嚟問我,我又唔識,之後等到我最細個妹番嚟問,我個妹又嫌煩,唔幫佢。就係咁,就惹起一件事...令我心情不隱嘅事。

冇耐,我細佬就做好功課,我老豆又以為佢咋家而唔做，鬧佢,又話佢蠢,又話佢做嘢慢,又話佢唔留心上課，鬧到佢喊。我細佬不嬲都眼淺,喊左出嚟,但係將事實講曬出嚟,話自己做曬功課,有專心上堂。點知仲鬧得勁d,仲郁埋手,我阿爸把佢個後腦,仲好似話打左幾次好大力。佢阿細佬坐底做功課,我細佬喊住咁話「我都話做曬囉!!」我老豆「仲駁嘴!!」又打左佢一巴!!我細佬喊住咁話佢,話佢唔信細佬，佢仲大條道理咁話細佬因為見佢成日做嘢做成咁,所以唔信。仲話再係咁就扔佢落街。由頭到尾冇人敢同細佬聲援...只係到最後阿媽行左去細佬側邊，叫佢唔好喊,我就只係同我爸講「你唔好咁啦!!爸b!!」,其實我好想講,「你再係咁,我就報警告你打細路!!」又或者係「唔準打我細佬!!」...但係我唔夠膽...

有時我o係到諗,點解由頭到尾都知道件事點解會發生嘅阿媽點解o係lee幾分鐘內只係企o係遠處,見住個仔比人打只係講左句「你洗唔洗咁呀?」點解唔去阻止佢?由頭到尾如果唔係阿媽o係佢哋兩個面前講我細佬個班主任點睇我細佬的話,跟本我細佬就唔會比人打!

件事完左之後,我番左入房打我嘅嘢,但係我不斷諗起番件事,搞到我眼淚又係咁流出嚟... 而且仲好想成日發脾氣，好奇任咁好想整爛任何嘢!!點解屋企人冇一個肯耐心了解每一個人?係唔係工作攰就可以任意做自己覺得啱嘅嘢??唔信其中一個屋企人就等於唔信所有人，對細佬都好唔公平。佢做嘢係慢d,lee個唔係一個近期嘅事,點解就唔可以比d時間佢又或者再睇定d先?一發火就亂話人亂打人,咁只係會令大家嘅關係更差，係唔係?但係點解明知道都要咁做?

做人真係好煩呀!!

不過o係lee件上面先知道,原來標標比我哋屋企任何一個人都勇敢!至起碼有委屈會伸訴，但係我哋遇到lee d嘢通常都係啞忍...啞忍...其實可能都係因為喊得太西利講唔到嘢...=.=

其實爸b打完細佬又鬧完細佬,心理上其實都唔好受...我知道...但係我始終都係覺得佢打人好唔啱!!點解唔肯聽人哋講嘢!

唉....有時真係好想搬出去呀。就好似尋日一齊去吹水講起咁樣,搵朋友夾錢供屋一齊住...但係走左出嚟都只係逃避唧...又幫唔到任何一個人...唉...

睇左<<童夢奇緣>>喇~~~真係好好睇,好感人呀~~

主角:光仔(長大後)---劉德華

爸爸---黃日華

媽媽---莫文蔚

故事內容：自從十二歲的光仔生母死後便沒有長高過,爸爸亦帶他到新的家庭裡從新生活,生活當中光仔不斷找爸媽麻煩，時常離家出走又設下惡作劇作弄「狐狸精」媽媽。

偶爾的機會下遇上一個奇怪的露宿者大叔，大叔擁有一種可以令任何東西快速長大的葯水，光仔把葯水偷下為己用。一夜間，思想還停留於十二歲的光仔已是外表二十歲的成人，回到學校與好友「肥仔」巧妙地互相相認，並於肥仔家中留宿。

在冒認是肥仔哥哥的身份下與爸爸聊天並一起回到「狐狸精」媽媽的家作客,與同父異母的弟弟相認，後來因「狐狸精」媽媽找到藏在抽屜內爸爸與生母和自己的合照而大發雷霆，嚷著要離開這個家，後來更得知原來生母才是一家裡的第三者，對自己以往的所作所為感到漸愧，在公園內對爸爸說「你應該告訴你兒子，他媽媽才是第三者。我想他現在知錯了，他真的知錯了。」然後又跑到公園找那位怪大叔，希望可以回復原形，他駛著腳踏車圍著公園走了好幾遍，每撓一圈，外表也老好幾年。找到了大叔，大叔的答案是「不」。光仔不可能再回到十二歲的模樣了，知道錯也不能再回頭。那時，光仔的模樣已是65至70歲了。

早上，他以電話短訊相約爸爸在以前和媽媽的家前見面，短訊還貼上了從十二歲到他80時的模樣。才再相見的爸爸一把掌賞光仔一記，對光仔說教(很感人的>o<)後把80歲的光仔帶回家，繼母不相信，決意離家，在離家的最後弟弟還是認出光仔，大叫80歲的光仔「哥哥」，最後80歲的光仔帶繼母到一棵他感到不開心時常去的大樹上，大樹可以直接看到家裡的情形，叫繼母不要走，最後繼母留下了，可是光仔....

================================================

打完內容~~但係呢~其實光仔有個情人ga,係佢個中學miss,我冇打到~

套戲入面笑位都幾好~唔錯嘅一套戲~

爸爸打80歲嘅光仔時,場內d人都嘩一聲,因為「啪!」一聲真係好應下。跟住爸爸鬧佢大至上講「爸爸真係好錫你!你離家出走，我搵你!你要錢，我都比你!....」之後o個d仲感人呀,不過真係唔記得左...

到最後光仔帶左繼母去棵樹到講左一句都令我想喊:「我唔想我個個阿媽都唔開心呀!」因為前因後果嘅關係,所以覺得好感人!!

大家一定要去睇呀~~~>o<

唔知第時買碟,o係屋企睇會唔會咁感人呢~~

===========================================================

e....日記主題係咁嘅樣,其實係因為唔想等介放工先去睇,太夜,所以最後得幾個人睇左先,冇同佢講,就話我哋冇睇戲而去食飯就算~哈哈~希望阿介睇唔到lee篇嘢....