星期三阿Sam同我講佢星期六會去廣州，問我去唔去
咁我當然去啦
星期四返黎check回鄉証，先知過左期
問阿kay，佢話可以整張臨時証
咁我星期五就拿拿聲整
用左lunch既時間去影証件相
一放實習就即刻去MK中旅社~~
整特快臨時証要420~加埋普通回鄉証390~~咁就$810
仲要第二日六點有先有得拎
星期六訓到三點幾，起身食左d粥
執靚仔就出mk拎証
我專登早半個鐘以為會有，點知唔係
真係成六點先有
跟住就搭火車上深圳
經過幫Sam買左兩條煙
我過中國果邊要去中國公民條隊囉，勁樣衰
一個人去到深圳
搭地鐵去大劇院站轉的士
第一次搭深圳地鐵，幾得意，唔係用票用代幣
出左地鐵，搵左好耐先知邊個出口
又等左三架車先去到紅桂大酒店
(第一架唔識去，第二架唔識聽.........=o=)
去到酒店，見到阿Sam~^^
阿kay同Kelvin一早到左，仲見到個新人，Jason
同阿Kay佢地串下咁~~
之後等埋Simon黎
６個人就搭的士去食飯，食上海菜，食到好飽tim
大陸無咩好，好在可以一邊食煙一邊食飯~~
hk真係唔得
食完返左酒店一陣
１０點半就去disco~~~WHY NOT
不過........唔知點解深圳D Disco既人唱慢歌不特之，仲要係舊歌
勁勁勁無奈......
玩到２點左右，我地返酒店
沖完涼，傾陣計，玩下咁
玩到第二日朝早，我地訓左陣
到左中午就起身沖涼 check out
跟住去左萬象食野
本來想食王子酒樓，點知太遲，無開
唯有食泰國菜，不過空肚食搞到我個肚唔舒服....
最後我地搭的士去羅湖(原來咁都係$14.5，我尋日都搭左12.5，早知羅湖搭的士算)
同阿Sam分別，我地就返HK啦 |
