暑假最後 1 天啦 ! 聽日就返學 la...有點期待, 但也有點害怕 ~
不過我會努力咁讀嫁 ! 但今日都仍然係暑假, 所以仲可以玩曬佢 !
今日約左做野果間教會, 即係係救主堂一齊合作左成個暑期既年青人去踏單車
因為我地約左係大埔踏, 所以朝早我就出去接佢地一齊先返大埔堂崇拜
雖然大家唔會堂會, 不過都係循道衛理人...所以係大埔堂都算係自己人
重點我地都係基督徒, 所以星期日既早上就緊係要先返教會啦, 之後先再去玩
不過崇拜既時候大家都好多野傾, 可能係因為我地未試過一齊坐係到崇拜 la
但我地係聽道既時候係冇傾嫁, 我地有好專心咁聽上帝既道嫁 !
崇拜之後一齊同林姑娘傾左陣 <- 因為林姑娘之前係係救主堂做, 所以我地大家都識佢
傾完...我地就開始我地今日玩既行程 la ! 先係去食個 Lunch...
我個餐都好快就黎到, 不過佢地個 '' 快 A '' 餐就一點也不快了 ~
食完 2 點左右就租左單車 la...感恩我地冇係第一間問既單車鋪租...
因為我地之後問第 2 間, 發現比第 1 間每人足足平左 $ 10 !
5 架單人車, 1 架雙人車 (我有份踏雙人車) 起行啦 ! 起初大家都踏得有點慢...
不過踏踏下之後又快返 wo, 不過因為我地停落黎休息左幾次, 所以比原定用多左時間
但唔緊要, 慢左係冇問題嫁 ! 因為最緊要既係大家都踏得舒服 + 開心 !
去到大美督, 我地緊係有上壩啦 ! 仲係水壩停留左好一段時間...
係 e 段時間我地有休息, 有踏曬全程水壩 12 Km, 之後仲係壩既另一面坐下來休息 + 傾計
吹住風, 曬住太陽, 睇住眼前9同人既唔同動作, 再傾下計, 都真係幾寫意嫁 !
正當我同翠兒係雙人車上踏回程時, 比個漁農署人影左我地相...
果刻我即時想起既就係...死啦 ~ 死啦 ~ 比人照快相呀 ~ <- 哈哈, 好好笑
之後我地一行 7 人就係壩上合照了, 之後那個漁農署人又黎照我地 la !
除左照相之外, 仲同我地講左好多關於周圍睇得到既山叫咩名、有咩特別...
e 個漁農署人真係好 nice and talkative ! 佢仲話會 sd 返 D 相比我地, 真係好 !
我地要回程啦 ! 回程比走黎既時候真係踏得快左好多 ! 仲可以邊踏邊傾計 ! 好勁呀 !
搞笑既就係傾既時候一齊講 '' 但係... '', 之後大定都靜左, 但接著大家都唔記得左想講咩 ~
交車之後, 唔夠時間食糖水 ~ 不過我地都係 7-11 買左野飲, 之後仲係門口傾左好耐
大家都好似講極都仲有野講野...所以係 7-11 門口都唔知企左幾耐...
就連下一次再出黎玩既時間都講埋, 雖然未落實...不過就咁講下, 都已經開心 ^^
因為聽日開學既關係, 我地都要早一點回家了 ! 我地就咁就一齊玩左一日 lu !
ps 我個樣似火柴人咩 ~? 真係似 ~?
| 
