話咁快就到左暑期託管結業禮啦 ! 正因為咁, 今日都要返工...
其實大致上都同上年一樣...小朋友既就係表演唱歌, 話劇...
而我地年青 D 既同工既就同 D 義工打成一片 !
我同 e 班義工唔覺唔覺已經合作左成 2 個暑假...
同佢地都已經有左一定既認識 and 集體回憶 ^^
真係多謝你地既幫忙呀 ! 你地真係幫左我好多 !
平時既上堂、外出、仲有買野...好在有你地, 如果唔係都幾狼狽 ~
暑假之後大家都要繼續各自既學業...所以就要玩埋餘下的暑假 !
雖然平時一齊做野時都有玩...不過完全咁玩應該會更開心 ! Yeah !
完曬結業禮崇拜之後, 都好似上年咁去左 Pizza Hat…
但明顯的今年依得比上年安靜 ~ 仲少左好多野食 ~
食野大部份時間都好靜 ~ 個氣氛好怪 ~ 加上我又唔想講野 ~
食完好似冇食過野一樣 ~ 12 個人竟然埋單只需三百三十幾蚊 ~ 三百三十幾蚊, 12 個人, 每人平均食左 27 個幾 ~ 可以食得幾飽呢 ~
不過臨走之前, 我地年青既一群開始多野講返 D 啦 !
真係咁先似我地平時嫁 ma ! 其實我地係講緊下星期去玩既野 ! 走之後同幾個人去左睇 我的機械女友...又真係唔錯, 都 OK 好睇
睇完都已經 7 點幾 lu…最後就 3 人行去左食日本野...
叫到成枱都係野左好多野食, 都只係 141 蚊, 好飽呀 !
E D 先叫有食過野嫁 ma ! 下午果 D 真係好似冇食過野一樣 ~
食完之後仲係 MK 行左一陣到 10 點左右先搭車返屋企 !
Ps 今日同小朋友、義工、同工都影左 OK 多相 !
睇下 e 張...3 個同工冇夾過咁襯左 紅、黃、綠 吠出黎 <- 交通燈
仲有仲有 1 個 1 個咁可愛既小朋友, 你地真係比我我好多回憶 !
最後緊係唔少得一班辛勤既義工啦 ! 冇你地真係會少左好多色彩 !
最後黎張合照啦 ! 就咁大家就合作了整整一個暑假 !
 | 
