哈哈 ! 鸚鵡為我地帶來了一日額外的假期 ^^

不過其實今日 11 點前既時間真係一點也不像打風...

因為我 6 點左右起身既時候都仲見出面既天氣好似平時咁

又冇雨, 又冇風, 仲好似幾好天咁...果時我仲諗係唔係未掛風 ? 要返工 ?

開電話之後收到個天氣提示...天文台原來會係 8 點前掛 8 號...

知道之後就緊係訓返啦 ^^" 不過其實都有少少訓唔著 ~ 始終都習慣了早起 ~

但最後我都訓都成 11 點先起身...之後仲睇住個天氣由完全平靜, 突轉大風大雨...

事實上我覺得 e 個時候個風先打到黎...而由 8 - 11 am 相信都係天文台送比我地既假

因為出面唔算太大風既關係, 我 a 媽落左街買早餐比我地食...

而我就係屋企對住一份而一份學校早幾日比我既 Orientation information

仲有就係係 E-Protal 裡面行黎行去, 了解下個 system, 之後仲比我 find 到個 wed-mail

所以今日打風其實都係好事, 因為可以比我有時間係下星期 3 返去聽 talk 之前睇左 D 野 !

睇完之後我同屋企人就睇電視, 仲有就係食薯片 <- 就係琴日估今日會打風先買 ^^

食完又訓教...起身之後就一家人出去一個教友屋企同 2 家人一齊食飯...

我地出去既時候應該係係風眼裡...因為出面風平浪靜...

真係好似咩事都冇發生過咁...一點也不像 9 號風球的天氣...

不過當食完走既時候, 我就完全感受到 9 號風球的強勁 ! 好大風呀 !

ps  e 個月冇啦啦多左 2 日假期, 都係因為打球, 其實都打得幾密下 !

pps  係我印象中, 好似都未見過香港掛 9 號風球...10 號就記得有 1 次

今早起身見到電視新聞有個 T1 既 logo...

原來有個幾勁既風暴正慢慢咁移近香港 ~ 聽日仲會幾接近香港 wo...

我即刻諗...如果聽日真係打風既...我地未冇得同 D 小朋友做總採排 ~

所以一返到去, 我就提出要用今日既時間先做一次採排...

除左採排之後, 我地各同工都仲要做埋聽日要做既野, 大家就好似都認為聽日唔駛返 ~

其實又因為星期日就係小朋友既表演 + 佈道崇拜 la, 真係有好多野要預備

如果聽日唔駛返工既, 星期日就肯定會手忙腳亂 ~ 仲會有好多野都未出到 ~

所以大家都快快手咁係今日既時間做埋本黎聽日先要完成既工作...

最後我地都成 9 點先收工, 因為真係好想做埋 D 野 ! 唔想比個風影響 !

但如果聽日打唔成風既...我地真係 only 坐係到 ~ 因為今日已經做埋聽日要做既野

其實話就話 9 點先收工, 不過其實由 8 點開始我地已經係係 office 吹水 + 研究個風 ^^''

一睇先知...原來個風係好勁嫁 ! 聽日仲好可能會正正咁吹襲香港 ~

我地仲聽到 D 江湖傳聞話...聽朝會掛 8 號, 下午會改掛 9 號 wo <- 只是傳言, 未經證實

收工之後同同事行左一陣附近既 super market, 我地都想去買 D 野聽日打風食

真係搞到聽日好似一定打得成風咁 ~ 就當是個盼望吧 !

ps  我再次感覺到自我保護的影響 ~ 真的只是很少的事也會十分在意 ~

      辦公室裡真的是有辦公室政治 !? 我討厭行政混亂 ~

PPS  今日同左 D 小朋友影相, 佢地真係好可愛 ^^

今日 6 點半就要出門口 la...因為我約左 D 同事食早餐...

不過要咁早既原因...是今天上午要 8 點半出去參觀...

比正常既返工時間足足早左 45mins ~ 但不要緊 ! 皆因同小朋友去玩係開心嫁 !

今次我地去山頂...車程雖然唔係好耐...不過都有 2 個小朋友頂唔住...嘔左出黎 ~

其實我地幾個同工都怕 e D 野嫁 ~ 幸好都仲有 1 個唔驚...如果唔係就大件事 la...

落車之後...我地係大自然下行左個多小時, 實行親親大自然...

最開心既就係同 D 小朋友一路行一路唱返 e 個同上個暑假教過佢地唱既歌

當然 9 成 9 既都係詩歌啦 ! 係大自然下唱詩讚美神, 真係好開心 ! Yeah !

下午返返教會就食飯啦 ! 仲有凍冰冰既糖水食 ! 好正呀 !

食完之後上多左陣堂 (45 mins) 就閃 人 lu...因為要返 CITY 搞 D 手續...

e 個手續真係快, 快到 5 mins 都唔知有冇就完成了 ~

見有時間...就同個 fd 去左睇 " 特務 S 嘜 " <- 真係好好笑呀 ! 好睇 !

睇完之後經過見到個好令既 lego 展覽...有鳥巢 + 水立方...

睇完就行左去間書室睇野...之後就返大埔, 會合返屋企人食飯...

ps  早左放工, 但仲 late 左平時返到大埔 ^^"

pps  就係咁就一日啦 ! 終於都知道 Semester A 既 time-table !