琴晚終於有時間睇世界盃直播，
唔知點解好想睇，
於是裝左d 程式就可以loooo，happy
估唔到厄瓜多爾咁勁，3比0
我其實仲想睇埋12:00果場英格蘭，因為有碧咸，應該會好好睇，
但係要番學，所以無睇......
今日淨係番學考oral，所以我番到去唔知排唔排隊好，
不過諗諗下都係唔排，無乜自己人係度，廢是排。
走去上樓梯的時候，見倒個little girl，咪同佢打聲招呼，
我問佢:「你個全班頭五名計劃進行成點?」
佢就shake shake個頭話:「唉~~炒左....唔得。」
我一見倒佢個頭就覺得好好笑，於是我細細聲同佢講:「你個頭真係好正!」
佢就傻笑走左，
我都上去四樓等.........
今日個狀態唔係咁好，所以個人發表比林伯嘩內容差，discuss果度仲話我「點到即止」
唉~~~~
最慘係鄭司律，出得最多聲，但又係最低分......
阿john好勁，discuss拎7分，我都要寫個「服」字。
番到home，梗係sleep啦!!
食完lunch之後就幫手執屋，因為個業主會在幾日之內番黎睇下間屋。
陪阿媽去樓梯捉蟲蟲，捉左好多，然後拎佢地去人道毀滅。
將d 野搬黎搬去，就係咁就過左3個鐘。
因為無買送，又出街食，去左羊城。
搭輕鐵果陣，係天水圍站見倒有個伊湯中的小妹妹同一個人kiss，
我睇到眼都突埋，「唔係嗎? 係公眾場所做d 咁既野。乜原來伊湯中的人咁猴禽，好彩伊中中果d 好d.....」
到左ginza，我去左圖書館借書，為左做讀書報告，搵左15分鐘就搵倒。
去羊城同媽會合，佢同我講又見倒李局長---李少光
我就估佢係唔係住係天水圍，
但係佢穿西裝，應該唔係。
最深刻是係9:00pm，開波啦
阿根廷vs塞克
我一定估阿根廷win硬，果然不出所料，4分鐘就有入波，
一入果下，全個酒樓的人舉哂手哎，好熱鬧
之後，半個鍾之內又有另外2粒入左。
埋單，走人，番到home睇tvb重播，
原來阿根廷6:0完場，好勁!!
睇番tvb個重播，英格蘭，其實幾好睇。
碧咸d 傳球落點好靚，不過唔知點解d teamates全部都蝕哂d 黃金機會。
真係唔抵，不過最後都2:0
打住呢度先 |
