去蝴蝶灣bbq，係班會活動，
1點幾果陣打比李賢健，問佢幾時出門口，佢就話2點就出。(5點先開始)
我就梗係話佢痴線啦，咁早出去，想曬死咩。
佢就話佢去霸爐，又叫左阿七，勁駒，garfield去鋤dee。
見佢地咁人齊，我都早d 出囉。
一出門口就覺得想死，好鬼熱。
去到蝴蝶灣，搵倒佢地，真係係度鋤dee。
真係好興，我企係度係咁撥件衫黎吹風。
佢地問我跟唔跟，我就答唔跟，因為唔想坐，會比個sun射住。
撥左好耐~~~~~~~都好熱
睇住佢地係咁輪住坐，輸左就讓位......週而復始
啊! 終於見倒雲姐姐的出現，我祈望佢快d 黎擋住個太陽伯伯。
終於都把太陽伯伯遮住了，整個環境都變涼了，還有一陣微微的風送過來。
但遺憾的是，雲姐姐太短小了，不消一會，陽光又照到地上。
真的不捨得.......
之後我地見個太陽西下了，就去個爐到坐，陰d
我就表演用40分鐘玩完隻幽遊白書3，梁家輝話打唔贏的仙水都比我三兩下手勢搞掂左。
之後拎另一隻帶，阿七就玩tennis，全輸了。
d 人終於陸續咁到 佢地好遲呢!!!!成6點先到。
透爐.......
d 炭濕既，好難先點得倒。
點知望望隔離阿james個爐咁快就起哂火，我地都話佢勁，
我就問佢:「你練成左草薙京既大蛇薙?」
完來佢係帶左枝電油黎，唔怪得一灑落去就有料到。
咦~~~原來james件衫係巴士阿叔金句的衫，黑底白字。
心口有好多句大細不同既字句:「你有壓力，隻dup就隨時，渣渣手先.....」
背面最抵死:「唔好拍我博頭」
佢係網上訂造，去旺角拎貨，$73
阿朱sir就嘩佢:「你咁著實比人打。」
之後又嘩:「你做乜野呀! 又jel頭，睇住甩哂d 頭髮呀。成日淨係拍拖，搞衰哂d 成績。」
james:「邊關事?」
朱sir:「我果陣因為無拖拍先讀得成書。」
james:「你無女溝姐!」
朱sir:「我細個果陣靚仔過你十倍，你簡直無得同我比。不過你家下都無得同我比。」
佢地就一路咁爭論下去。
之後我地班男仔無端端講起邊個最咸濕，阿七就成日都話係濕彭。
我地為公平起見，就叫左d 女仔黎問我地果圍邊個個樣最咸濕。
好好笑地，6個訪問人士入面，有5個都話係阿七最咸濕。
好唔好彩，我就係有一票。
真係無得好講，好公平，無串通...............
唔知邊個突然發表:「有個專家話如果你第一眼睇倒個女仔就有性幻想，你就唔係鐘意佢。」
我地大多數都應同呢個言論，因為我地都認為如果係鐘意，就應該係想同佢傾下計先......
林sir走埋黎，都嘩阿james件衫實比人打，尤其係元朗大馬路。
講講下無端端講果度d 人好核突，成日問價............
一路燒，一路聽james部新手機的歌。
食左好多野，飽到頂住左個肚。
咁咪同阿賢健踢下毽先。
玩無可玩，玩番鋤dee。
之後就走loooooo，都成11點半。
成12點先番到屋企，媽錄左電車男比我睇。
估唔到網友的力量係咁強，把一個人成功改造了。
我都覺得，表白左先，真係唔得先放棄。
之後睇「異度空間」，由林嘉欣and張國榮演。
其實都無乜野，唔係嘩真係好恐怖 |
