２６／１０／２００７
今日好乖咁上堂，第一堂真開心，竟然可以重演出類似中二既時候ＭＩＳＳ ＨＯ唔記得上堂，整到成堂冇老師睇，哈哈！！！不過ＭＯ ＳＩＲ都話左佢要開會，上唔到堂，但係佢好似話有人代，不過都冇出現到。呢個第一堂真充實，因為我地班好多人都未做中文功課，個個都互抄，雖然係打開住門嘈，而且今日成層總共只係得番五班，中三全部去晒禮堂統測，前左右都有人上堂，加上剛上完週會佢都對全校斥責過類似呢方面既野，不過佢罵完我地咪又係咁∼∼∼
之後又到左中文堂了，對剛辛苦抄完既問答（我當然唔係抄啦），對完要我地即時改正，真巧人記憶力，等我下次錄低佢先，哈哈！！之後藍彩鳳叫左ＭＩＳＳ ＨＯ出去講Ｄ野，跟住佢地就入黎宣佈左一個大壞消息，就係我地班原本既三次中文口語練習全部都因為同中一、二、三既口語考試撞晒時間，因而被迫引起大暴動，整到要重新揀日子練，一係就星期六，一係就星期五加時做兩日，一係就取消全班冇得做，後來有人提出２個星期五正常時間＋一個星期六，最後投票得出２個星期五正常時間＋一個星期六，再諮詢，跟住知道左個方案可行，但後來科長寫低詳情在黑板後，我地發現原來星期五既正常時間同加時只相差半小時，加上星期六原本係要９－１２，整到好多人都不滿了...
之後小息完既時候，林ＳＩＲ仲未黎，等左差唔多一個字先到，呢段期間，其他班都開始上堂，只係得我地班嘈，跟住徐ＳＩＲ經過，就伸個頭入黎話我地嘈到連在走廊尾既廁所度都聽到，跟住傾左幾句就走左，跟住上化學堂兩堂，中間既時候我終於支撐唔住扒左桌上了，不過扒那段時間我知道好短，後來俾ＭＯＮＫＥＹ拋Ｄ野還番俾我整醒左我，跟住就超精神了，訓左應該唔夠五分鐘...今次扒在桌上訓應該唔過第５次，因為我好少，大多都係打瞌睡。。。
ＬＵＮＣＨ之後就英文堂，之後綜合活動課，５Ａ－５Ｃ都要去文化博物館參觀，全級只係剩番我地班，今次綜合活動課係生命教育，胡ＳＩＲ帶埋教會Ｄ人黎上，不過我地班好特別，因為人地入到黎會仲嘈過冇入黎，而且我地班都可能有Ｄ問題，佢地入黎諗住ＳＥＴ電腦用，點知ＳＨＯＷ唔到，可能係條線有問題掛，之後佢地帶黎諗住用既咪冇聲，應該係接駁調較錯誤既問題，同埋演奏既吉他又趺左落地，整到要重新較過Ｄ音，跟住發生左Ｄ超好笑既事件，佢地調音既時候胡龍輝無啦啦講彈得好好聽，整到全班笑左半至一分鐘，之後過左一陣仲未調完個音，蘇國仲專登講多次胡龍輝既說話，仲點明胡龍輝講既，跟住住班又再笑過，哈哈！！！
放學我好乖留在學校做功課，做到五點同薇＆芳走，一齊去左天天見麵食麵，之後薇薇去現代交錢，我＆芳就去英皇補習，我地次次去到都有椒例蜂野會做，就係打瞌睡／伏睡，今日芳冇帶書，我地兩個人一齊用，我地好合拍，一個精神既就抄，另一個就訓覺，跟住另一個精神既時候第一個就眼訓喇，二人就交換左次序做，哈哈！！！
返到屋企，我家姐早我少少返，佢問我做咩咁遲，我就話我去補習，跟住問我邊度補，我話太子，跟住我問番佢轉頭，原來佢又在太子補呀！不過我早過佢放，而我係經過佢補那裡附近的，所以要小心Ｄ先得。。。
我的ｘａｎｇａ：http://www.xanga.com/fatfat0824/ |
