下晝約左阿權出尖沙咀, 首先著畢業袍起尖東海旁同埋星光大道一帶同佢一齊影相, 帶埋miffy出黎影埋全家福

著住件袍影相惹黎唔少目光 =.="

之後起河內打一陣機, 就行下加連威老道~跟住進行大家既第一次...去大家樂試下個鐵板香蕉船, 我當然係食巴西燒春雞啦, 好好味呀...

食完飯7點鬆d就去紅館lu~睇下出面賣軟硬紀念品既攤位嘛, 軟硬既紅黃機械人卡通版出場搞到好多人排隊認購...排左成半粒鐘先到我地呀~於是我地一人買左件黑色軟硬紅黃機械人卡通版tee, 好得意呀, 睇落個style有d似Ape, 不過件野當然靚過Ape既tee好多啦 係買呢兩樣啦, 大家身上已經冇錢買其他野喇

跟住入場啦, 每人獲派一個面具~阿權同我都係有阿Jan既面具, 好想拎埋Eric既面具草埋一套呀

海峰: 「阿葛, 我地成十幾年冇傾過偈啦...」

今晚係黎明做嘉賓

個演唱會11點就完, 比我地預期既短, 不過都係good show黎

之後起館內坐位四圍望下有冇d俾人拋棄左既黃色面具, 靠阿權既好眼力+好彩俾佢搵到兩個黃面具喇, 咁樣大家都有一套面具啦, 好野~!!