尋日有個網友仔搵我減肥 (佢真係好細個只係讀五年班)。
佢同我講佢想減肥，我問佢你覺得自己好肥咩？佢話：係。
我問佢咁你有幾多磅？想減幾多磅？佢話：唔知。
佢話見到飲 shake 減肥咁有效好想試下，問我可唔可以幫佢。
我話幫佢當然冇問題喇！但我見佢連自己有幾重？想減幾多磅都唔知，所以問佢：你屋企人知唔知你想減肥？佢地贊唔贊成你減肥？
佢話佢地知佢想減肥。
我同佢講：不如你同你屋企人一齊上我公司，再幫你做個脂肪測試，順便幫你度埋高量埋體重，同身體做個評估先幫你度身訂做一個啱你嘅控制體重計劃喇！
但佢話唔想同屋企人講，佢地好煩喎！
仲問我 shake 嘅價錢？
我話左俾佢知，佢就問我可唔可以寄貨俾佢。
我同佢講：如果你係用開我地嘅產品，我可以寄貨俾你，甚至約佢出黎交收都冇問題，但而家我連見都未見過佢，單憑佢話自己好肥就寄貨俾佢，而佢對產品又一d都唔了解，只係知道可以一個月幫佢減到大約 5 - 8 磅就飲，我係絕對唔建議佢咁樣囉！
我問佢：你對產品一d都唔了解，就話要用黎減肥，你唔覺得有問題咩？你唔驚架咩？
佢話：唔驚，我覺得你好好人，我信你架！
我同佢講，好多謝佢咁信我，雖然隻產品真係好有效，一定可以幫到佢，但我唔會就咁幫佢減肥，我都有我嘅責任去了解客戶嘅需要，同令客戶清楚了解整個減重計劃係點，先至可以真正幫到佢，希望佢理解。
我建議因為佢年紀細，同埋真係未知自己需要d咩，如果佢真心想減肥，先同屋企人商量，再同我約個時間會面，起碼佢屋企人知道佢用緊咩方法減肥？是否健康？相信當佢屋企人了解過公司背景、產品效果同點樣用一個改善健康嘅減重計劃去減肥之後，會更加支持佢減重。
結果最後我都係拒絕左就咁賣產品俾佢，雖然如果我賣俾佢我係可以賺到錢，但我覺得賺錢真係唔重要，最重要係可以真正幫到佢。
|
