俊俊日記 - QOOZA 網上日誌

frankymok

暱稱：俊一郎
性別：男
國家：香港

最新日誌

•	07年2月15日星期四朝...
•	07年2月14日星期三情...
•	07年2月13日星期二等...
•	07年2月12日星期一 s...
•	07年2月11日星期日朝...

日誌分類

•

全部 (86)

訪客留言

最近三個月尚無任何留言
最近三個月尚無任何留言

BB 狗

由於BB狗插件的供應商已終止此項服務，由即日起此插件將停止運作，請用戶將其從日誌版面中移除。不便之處，敬請原諒。

搜尋

2007 年 2 月 5 日星期一

07年2月5日星期一放工等老婆仔係灣仔整左d野食同老婆仔去左新鴻基食

朝早6點18分起身~攪惦硒野就出門口啦~約左通係佢樓下等坐車返工~點知去到見到佢我發現左自己無散銀坐車架@@跟住叫通唔好等我~我自己去左間包店買左盒芒果汁~
咁岩見到788走左....再望一望巴士站仲有架789...哈~真係好彩~上到車~通比訊息黎話無等我~我打比通同佢傾係邊~佢上左788...慢左佢小小~
跟住落車佢係巴士站等我~一齊行返公司換衫做野~到7點25分我有時間打比老婆仔打到7點37分先有人聽咋!因為我去左新鴻基幫公司拿野~咁岩老婆仔又話行左去油站~
所以我就行快兩步過去巴士站撞一撞佢~最後我地都見到一見丫~跟住我就返公司做野到10點10分打比老婆仔打到10點20分無人聽...跟住放食飯~
後來睇返電話先見到老婆仔係10點25分打左黎比我~呢餐飯阿通請食丫...我食左個油雞鵝飯丫~食完飯繼續做野開工~到2點鍾見都無地方去~繼續做野€
到4點先收工丫~老婆仔4點15分打黎話放學而家坐車黎~跟住我就話一陣打比佢我岩岩放工換衫先~跟住我地約左係我公司附近間sleven等~我就拿左個菇湯~
整左個薯仔拿左兩個三文治走~好快見到老婆仔啦~勁開心丫....同老婆仔行左去新鴻基~佢飲湯~我入左KFC拿左d湯匙,叉,我就食薯仔~老婆仔飲完湯~
佢就餵我食薯仔>~<超甜在心丫.....正!跟住就我地行左去新鴻基附近體育館個泳池上面有d位可以坐到~我地坐左係果度~攬住老婆仔好滿足丫~
之後坐到5點半多d啦~就送老婆仔返屋企啦~無散銀€老婆仔比左10蚊我去左報紙灘換銀~一行開無耐~老婆仔打黎同我傾電話傾到佢返到屋企樓下先收線丫~
我係車訓著左到柴灣落車~返到屋企無耐老婆仔打黎啦~佢同我講佢要落街買蛋糕...佢行左去佢跳舞附近d蛋糕店買€買左芝士蛋糕丫.!!買比佢家姐架喎@@
今晚佢地慶祝佢家姐生日~舊歷<<--跟住老婆仔返到屋企樓下收線無耐~過左一陣~老婆仔再打黎佢話又出街啦~今次去惠康買野飲~行到去惠康收線~
佢話買完會打比我@@不過無打到€我諗佢拿住d野飲太重吧...!辛苦死老婆仔@@"跟住我就去左沖涼啦~打比媽話買飯食買左油雞鵝~沖完涼出黎佢地都返到黎啦~
7點幾到~跟住我就食飯啦~飲左罐雪碧~之後睇陣電視~就去左打日記~跟住玩下電腦~打比老婆仔傾下電話~一路到玩陣電腦咁~到夜晚打埋比老婆仔傾電話~
之後都差唔多訓覺啦!

刊登時間︰2007-02-06 10:52 PM [ 訪客留言(0) ] [ 編輯日誌 ] [ 分享至FACEBOOK ]

2007 年 2 月 4 日星期日

07年2月4日星期日朝早學車等老婆仔放工嬲左老婆仔一段時間夜晚同我屋企人食火鍋

朝早8點半鍾起身~同老婆仔傾電話~佢返工坐車時無打比我~咁岩8點半我打比佢佢食緊野先聽到我電話咋~話唔想嘈住我訓覺先唔打比我...@@"但我寧願你打比我!
同老婆仔渣住個電話講左陣大家都無乜點出聲啦~8點40分收線~我就去左換衫刷牙攪惦就出門口啦~去到9點45分先開始學~遲左到呀我!一路學到11點完~
老婆仔放工放1點鍾攪到我都唔知去邊度好~去左中央還書~再行左上世貿玩左5蚊~玩完11點半都無~咁就慢慢行左去返super公司坐陣~到12點半到~
慢慢開始行返世貿等老婆仔啦~1點到老婆仔打黎話佢放左工啦~咁我就行左係1F等佢~見面後我地一路都無乜點講野~佢都知我嬲佢既啦~其實我好想入去m記搵佢~
但係我自己又怕羞囉...最後都係無入到...跟住同老婆仔行左去車記食野~我叫左個米線冬菇牛丸雪菜肉絲飲豆漿~老婆仔就食左個碗仔翅~佢飲芬達m記拿既~
我地一路食野都比較小講野~老婆仔都好想哄返我既~不過我都唔太想講野...一路到去左坐8P巴士上車~我訓著左係老婆仔度啦~好快我地就無咩事了~
返到屋企~媽舅父爸哥佢地都撿緊屋~都撿到差唔多攪惦硒架啦~老婆仔就返到黎係咁玩勁舞團...!不過算啦...我跟住過左陣奐幫下手撿下野~最後撿埋電腦桌~
同老婆仔3點幾入左房睇電視~睇魔怪屋~睇到一半訓著左丫我...!一路到5點幾起身~媽咪話今晚不如去舅父屋企食火鍋~所以佢同阿爸就落街買野~
我就同老婆仔玩電腦打陣機啦~一路差唔多到7點15分啦~過左去格離舅父屋企食野~都有好多海鮮食既~老婆仔就飲左一罐半既芬達汽水~剩左一半比我飲埋~
我就飲左一罐可樂啦~一路食到8點20分到~我地過返黎屋企換衫攪惦硒就撿齊野走人~今日剩係送老婆仔去到788巴士站上車咋~因為我都未食飽野丫~~
好彩老婆仔都識體諒@@今日比我放假唔使送佢返屋企~不過佢上車我地就一路傾電話既啦~我上左樓又打返比老婆仔傾電話傾到佢返到屋企樓下先收線既~
咁我就返到樓繼續食埋野~食完撿野~9點到就返屋企沖涼~9點半有電視睇盜墓迷城2~睇到10點忍唔住打比老婆仔無人聽~10點幾又打~11點又打~打左勁多次~
無一次有聽...=.=差唔多到12點打比老婆仔佢先聽電話咋...佢話去左睇電視睇大話妹喎~跟住收左線格10分鍾再傾~12點10分傾左陣再收左線~12點21分我地再傾電話~
到12點40分到啦我地就傾完收線啦~因為佢都要訓覺啦聽日仲要返學嘛~之後我都訓著左覺了!

刊登時間︰2007-02-06 10:52 PM [ 訪客留言(0) ] [ 編輯日誌 ] [ 分享至FACEBOOK ]

2007 年 2 月 3 日星期六

07年2月3日星期六同老婆仔一齊返工等佢~佢遲到落樓放工去左我屋企ＸＸ　ＹＹ

朝早6點16分先起身刷牙洗面換衫即刻就出門口啦~老婆仔打黎叫醒我架...佢話做咩唔打比佢喎@@因為我自己都晏左囉=.=跟住照舊去左坐788巴士到灣仔落車~
行到老婆仔樓下等佢~打比佢佢話差唔多落得~跟住等左兩個字=.=7點先落到黎...我都知遲左到...不過算了~攬住老婆仔拖住佢返公司換衫做野~
一路做野到10點到同老婆仔一齊食野啦~正丫!食完繼續做野到1點10分就收工啦~換埋衫1點半先打卡~!之後同老婆仔行左去坐788巴士~勁多人...
位都無得坐得個企...好快就落車啦~同老婆仔行左去屈臣氏買野,買左朱古力餅餅~一筒能得利~跟住同老婆仔返屋企啦~返到屋企舅父係度~
阿寶仲有表妹~跟住舅父返屋企~打左比媽問佢係邊~格左一陣媽就返黎啦~之後媽咪再出過去~舅父整左d火腿奄烈比我地食!好味~媽格左一陣又返黎~
跟住3點幾又出去飲茶丫同阿爸~我同老婆仔阿寶表妹入左表姐房睇超人特工隊~睇到4點幾~我有段睇睇下訓著左= =太累~因為訓左係老婆仔度~勁舒服~
4點半阿爸返黎睇住阿寶~表妹出街~我同老婆仔入左房房睇電視訓著左～醒都6點幾啦~都唔係幾想郁~一路訓同老婆仔傾陣咁~跟住聞到天拿水味~阿爸係廁所髹緊油~老婆仔仲諗住去洗頭沖涼添~一路等到7點幾先去左沖涼~
媽話煮野食~煮左個米粉比老婆仔加兩條腸仔~我就食左個新出既撈麵~食左d魚旦~阿寶都食出前一丁同埋魚旦~跟住食飽啦~睇電視~一路到8點40分我去沖涼~
8點50分沖完出黎就換衫衫同老婆仔走人啦~撿齊野~通佢地約左賢同埋軒一齊夜晚黎柴灣食糖水~跟住我同老婆仔去巴士站坐788巴士返到灣仔落車~
送佢返到屋企樓下我就走啦~經過super公司見到同事阿達~跟住繼續走~坐780巴士返柴灣~約左係郵局度等軒通賢~佢地到硒我落車一齊行左去老地方食野~
我叫左個炮冰食~幾凍下~~今日食唔係幾凍我而反覺得凍-o-!跟住食飽傾計~過左去格離間旺記食雞翼同埋爻子~食完傾陣計~埋單完~11點20分打比老婆仔傾陣
過左馬路唔知咩原因咁...個個發起跑步熱潮=.=玩跑追我三追我一個玩左成半個鍾~佢地都追唔到我=.=因為我都話三追一~追到請飲野~哈哈~最後佢地都失敗左囉~~
跟住佢地就買完野飲各自返屋企啦~行返屋企時打比老婆仔傾電話~到樓下收線~返到屋企即刻打返比老婆仔啦~傾到佢訓覺收線~跟住我就換衫打日記~
打完就差唔多去左訓覺!

刊登時間︰2007-02-06 10:51 PM [ 訪客留言(0) ] [ 編輯日誌 ] [ 分享至FACEBOOK ]

2007 年 2 月 2 日星期五

07年2月2日星期五放工係灣仔等老婆仔要我行左好長路... 食M記換公仔三隻

朝早6點18分就起身刷牙洗面換衫攪惦硒就出門口啦~去到通樓下一齊去左坐788巴士好快咁兩個字到灣仔啦~返到公司換衫做野~老婆仔係7點40分打黎~
無聽到~勁掛住佢~比左三個訊息佢連續~佢都回左我幾個~好比心機做野!一路到10點10分~我同通一齊放過左格離間燒肉店買飯食~我叫左個油雞燒肉飯~
通叫左個雞~燒肉飯!通請既~跟住買完返到公司食野~打比老婆仔傾電話~傾到10點半佢就上堂啦~真係好掛住佢...!做野一路到2點鍾通就收工啦~
我今日做到4點鍾先收工~換完衫老婆仔打黎~4點08分左右~一路傾電話本來約左係灣仔等~老婆仔又叫左我上去灣仔街市果邊玩具街直入轉右~點知話唔係呢度落車~
再叫我行返轉頭再上山坡=.=再行到巴士站果邊等佢~4點半到就見到老婆仔啦...~行經有條樓梯位攬住左老婆仔一陣間~跟住我地行左陣街~睇下衫睇下鞋咁~
之後就去左灣仔m記食野~老婆仔想換公仔~一換就換左三款~佢話佢自己下午都換左隻架啦喎= =!跟住我地有既食物...開心樂園餐既...三包薯條~二麥樂雞~
一個包~三杯細既芬達~另外我地叫左盒4件雞食~仲有買多兩杯朱古力新地添~不過朱古力新地係買完我地話食完先返黎拿既!所以唔會溶囉~買完坐返去既時候~
因為有三個男仔都無位坐迫左落我同老婆仔果邊咁~坐到好似圍住左老婆仔咁囉~老婆仔都知我唔開心架啦~都有算係哄返我啦~不過佢都話我咁都嬲既~
我就解釋返比佢聽點解會咁...原因就係我自己都唔鍾意有其他女仔坐係格離~所以對呢方面自己都成日會介懷~老婆仔都好明白既^.^!跟住食完硒5點幾我地換埋個新地~
老婆仔拿返屋企先食~我就食左個~勁小朱古力....!!!食完就同老婆仔走啦~佢今日送我去8P站坐車~上到車佢就打比我傾到佢返到屋企樓下收線~
之後我就係車訓著左一陣間~到柴灣落車返到屋企訓左係床休息睇陣電視~7點幾就去左沖涼~沖完就8點到玩陣電腦~媽煮左個麵食~8點幾~9點~10點都有打比老婆仔~
成10點先聽我電話丫...!睇電視10點幾完~跟住就去左打日記~入相去電腦度~11點幾打完日記就打比老婆仔傾陣電話仔啦~玩陣電腦就差唔多去訓覺啦!

刊登時間︰2007-02-06 10:50 PM [ 訪客留言(0) ] [ 編輯日誌 ] [ 分享至FACEBOOK ]

2007 年 2 月 1 日星期四

07年2月1日星期四接老婆仔放學去左會展睇野,係呢一日都將會改變左好多野

朝早7點半老婆仔返學時打比我傾電話傾到佢返到學校就收線啦~跟住我就再訓過~到10點幾佢放小息再打比我~我同佢再傾左幾個字後佢就上堂啦~
我訓多左陣~11點到起身~開左電腦睇陣~食左兩塊排包塗花生醬~之後表姐阿寶都起身~表姐去左沖涼~佢出黎到我12點鍾沖涼~到12點15分換好硒衫攪惦硒~
12點半諗住出門口時~表姐話等埋佢同阿寶一齊出~因為佢地都坐8P喎~攪到我落車1點鍾~遲左小小添!落車打比老婆仔傾電話傾左一陣間我就學車啦
1點學到2點半完左~行左去世貿換左5蚊玩陣~3點鍾行返去sogo對面個巴士站坐23號巴士上老婆仔學校附近~一落車上左個天橋望住佢間學校等佢出黎~
見到佢就落天橋搵佢~跟住行左陣媽打黎話叫我飲茶~不過我係中環..去唔到了!同老婆仔去左杏花樓食野~不過我麻麻地鍾意食...因為價錢方面比較貴~
同埋唔係幾夠我飽!之後食完埋單啦~同老婆仔影左一相張~跟住我地就行左去坐5B巴士返灣仔落車~行去會展~老婆仔行行下仲行錯路=.=兜左個圈返轉頭囉...
跟住我地入左去會展度啦~好多野睇好多人下~拿左勁多宣傳單睇~報左個名留位係傳穎~老婆仔仲報左名免費即試整d手指甲添~我自己就一個行左成個鍾等佢...
我手上拿住兩袋野~一袋係老婆仔個袋~另一袋裝滿勁多紙書既袋啦...一路到6點50分老婆仔先整完....係度諗左好多野...好多唔開心...唔知點樣打入去日記入面~
但係我知道將會有好多野會改變...好多野只要一進行左就會即刻唔同...我真係好辛苦~而家係10點鍾了~我知道自己將會變成另一個我...好認真講句...
老婆仔已經有一段時間無黎睇我個日記同埋留言,不過我仍然係會繼續每一日打日記~因為我要記念著同老婆仔小琪既每一日~即使第日有需要面見小左~
我起碼都會可以有d字比返自己睇下~至小...我會比而家更加愛佢...更加鍾意佢...我希望比而家更加更加錫佢...老婆仔,請願諒老公BB有時對你有咩唔好...
每一次對你既執著,有時候有的冷漠..所有野都只因我太在乎你...緊張你!點解我要咁樣講..因為我怕第時唔係無機會講~只因為我而家真係好怕第日無左你~
我真係想比你知道我每一日有幾掛住你...曾經有好多成日講...第日出黎做野識既人多左~大家諗既野就會唔同~好容易會唔鍾意對方!但至小而家我可以講一句~
我真係唔會!一定會答返我講:第日既野你又知?你唔變姐~你另一個唔一定會唔變架!我第一時間答佢:我知佢唔會!人地會繼續講:你愛得深....深得傷!
我會答:我知佢唔會!我傷好過佢傷!雖然我唔可以100%肯定將會佢會點諗!但我可以99%肯定自己係唔會變!有1個%去左邊?就係留返第日結婚時加入去既1個%~
就好似一個愛的咖鎖~1%就係一個鎖!將我地既愛情鎖定~老婆仔...我愛你!
夜晚坐車返到屋企8點鍾~同媽爸舅父一齊上左漁灣樓上去食飯啦~食完返黎9點幾打日記~到10點幾完~夜晚會打比老婆仔傾電話同埋沖涼~訓覺!

刊登時間︰2007-02-01 10:35 PM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 18 | »