今日11點先起身~開左電腦睇野跟住阿爸今日放假11點40分帶左阿寶返學~無人係屋企~我自己整左個杯麵食~跟住就沖涼換衫~帶埋本地圖同埋一本書仔同眼鏡入細紙袋仔出街~
1點幾出門口去左坐106~係馬路見住架106走左~等左兩個字有106黎~點知得我一個等106啦個站果度~而架106前面又有一架巴士阻住我~個巴士佬以為我唔係上車囉....
唉~結.果..架車梗係走左啦= =之後差唔多等到2點再有車黎~上車後睇下書仔...累...勁訓勁訓咁去到隧道~出到隧道過左第二,三個站落車~又唔識路~睇下地圖~
咁岩又見到警察行過~問佢點去高山劇場~問完行完無耐又唔知點行~跟住又有警察企係度~問埋佢點行~跟住搵搵下就搵到高山劇場有路牌啦~行到上去樓梯~
見到老婆仔練舞同埋佢d舞隊既衫衫既人...就知係老婆仔啦~經過見過不過見佢唔到~佢都話唔知我經過丫~我又唔想企係佢面前阻住佢練舞比壓力佢~
所以自己行埋左一邊坐係度~加上自己又怕羞~大約4點多d~老婆仔同佢d舞人都唔見左人~我就知佢入左劇場啦~跟住我就入劇場~去左簽名~4點25分左右就入左去開始睇~
坐左最前排第四個行第一個位勁近個台丫...之後到4點50分到老婆仔出場~見到佢丫~呵呵~令令女~佢地仲拿埋優級添~我大約5點幾就走左先啦~去左搵車點返去~
比左訊息老婆仔~最後好快咁搵到106巴士站~坐到返銅鑼灣落車~行左上世貿玩左4蚊~6點幾老婆仔打黎話而家坐校車返緊灣仔果邊跳舞學校~叫我玩多陣先~
不過我玩完啦我根本都唔想玩...剩係想見老婆仔咋嘛~之後6點50分同老婆仔傾左陣電話佢返到跳舞學校收線~我就自己四圍行下街~老婆仔話比半個鍾佢~大約7點20分去接佢~
我行到7點30分一路企係佢樓下等到成8點10分左右老婆仔打黎~佢問我係邊~我話你樓下囉= =其實等到真係有d唔開心既~不過一見到老婆仔就無乜野了~
佢話咁耐係因為睇埋自己係台上表演果d喎...我話佢...你真係捨得架姐...個老公係樓下等你咁耐吹風吹成粒鍾...!哈~跟住我地行左去食明將~
食左好多丫~影左幾張相相~食完9點幾我地行左去Garcy Room度睇野~老婆仔買左幾樣野~仲有九折卡添~之後我地再行左去新鴻基~去埋廁所~行左去游泳池果邊~無人游-0-
再行左去海旁度~坐左一陣~真係好開心...好耐無同老婆仔兩個人坐係海旁啦~到左10點半多d啦~同老婆仔去左seven~佢本來話想食雪糕~點知佢又買左支烏龍茶飲~
不過雪糕都賣硒想食都無~同老婆仔送佢返到屋企樓下~唔捨得走攬左陣丫~跟住我就去左坐8P巴士返柴灣~返到屋企比訊息佢~比埋訊息通聽日幾點一齊返工~
返到屋企就沖涼出黎11點35分打比老婆仔~不過佢話整緊野晏d打比我~跟住收左線~打完日記玩陣電腦~之後夜晚傾左一陣就訓覺~!

朝早6點鍾起身~跟住洗面刷牙換衫返工~跟住我就去左坐8P巴士返工~比訊息老婆仔~返到公司換衫做野~到左10點10分開始打比老婆仔~不過差唔多一路打到10點25分都無人聽=_=
跟住10點27分老婆仔打返比我~佢話佢岩岩做緊功課趕住交~跟住我地傾左陣先收線~我繼續做野~到左11點20分我放食野~一路都有同老婆仔玩下訊息咁~跟住做野到2點~本來收工架啦~
不過想收晏d所以收3點先走~不過仲未想收工架~經理話收工咁就收啦~不過係公司坐同傾計傾到4點幾先走~行左去世貿換左8蚊玩...跟住行左去駱克道圖書館~睇左陣書書~
睇到7點圖書館都收啦....跟住就去左油站對面我鍾意食果間包店買左個朱古力忌廉包~跟住一邊行一邊食行左返super公司~入返去坐左陣~等老婆仔~
到8點鍾打比佢仲未放丫...打左好多次比佢/.\到8點半老婆仔打比我話放左跳舞啦~跟住我地傾電話~佢屋企打比佢~再到我屋企打比我~老婆仔佢收左我線丫~
打返比佢傾電話~最後我地係駱克道街市8P站附近見面~一齊行左返super公司~佢去廁所~同老婆仔一人飲左一杯菇湯~正!跟住老婆仔拿左本地圖整野比我~
佢聽日就要比賽啦~驚我唔識去...不過我自己衰啦~老婆仔咁有心機怕我唔識去我自己講左句唔使咁無聊整都得啦~口快快?無謂再解釋~因為...不用繼續追究~
老婆仔好嬲丫~行左出去~跟住我放返本地圖~過左陣先追出去~老婆仔都嬲我呢樣無即刻去搵佢囉~老公仔下次唔會~跟住佢去左seven睇書~我係seven搵到佢~
佢開始唔理我啦~嬲到我爆炸=_=一路走一路哄佢咁佢返到屋企樓下附近我無再追佢~因為唔知點樣繼續哄..佢就行左入樓度~我就行返去佢屋企樓下~咁岩佢出返黎~
不過佢望一望我就繼續走~我就一路哄佢佢一路唔理我咁行左去新鴻基果邊行左幾個圈~最後係新鴻基度哄返老婆仔~真係哄得好辛苦既~比老婆仔攪到流左淚添~
攬住佢~到10點幾同老婆仔送佢返屋企樓下都唔捨得走~之後我就去左坐8P巴士返柴灣~返到去10點幾啦~阿爸係舅父屋企食緊火?~媽係屋企同阿寶一齊~
打比老婆仔先跟住去左沖涼我就去左沖涼~沖完涼我地係屋企呢邊都食火鍋~佢地係舅父屋企食完架啦~本來有我份一齊食~不過我晏左返去~媽留左d野比我地咁解~食完都成12點啦~
打比老婆仔12點打到12點半無人聽~跟住過左一陣老婆仔打返比我~我地傾左一陣之後收線啦~我都好眼訓了~打日記打左尋日同今日既一半就去左訓著左~電腦都未熄-0-"!

朝早6點鍾起身~洗面刷牙換衫返工~坐8P巴士到灣仔油站落車~返到公司換衫做野~今日做野比較開心輕鬆~7點40分同老婆仔傾左陣電話收線~佢比訊息我~
好快做野到11點就放食野~食完做野到lunch~比較忙~好快到2點收工~老婆仔2點幾打黎~話佢有兩堂唔使上有得傾下電話~跟住我話換完衫出公司打比佢~
通今日返2點咁岩佢又要出去拿野~所以陪佢一齊行過去新鴻基~我就打比老婆仔同佢傾電話仔啦~傾到到左新鴻基天橋收線~陪埋通拿野我就走啦~
自己行左陣去埋世貿睇下野一路打比老婆仔傾電話~傾到3點15分左右先收線~我就上左世貿換左12蚊玩下~有時一個人係街都唔知做乜....!不過今日我有想決定可以知道下次去邊~
又唔會用錢錢既地方~呵呵~就係圖書館=.=!到左4點05分老婆仔放學打比我~我就行返灣仔去佢屋企附近等佢~因為佢2點幾先同我講話佢要跳舞喎...
好突然話今日要跳既~所以我諗住等到4點幾見完佢先返屋企~點知老婆仔又話唔返屋企拿衫啦...直去跳舞果度練舞~咁我就呆左= =自己行左去新鴻基食左個kfc~
一個雞皇飯兩個雞~食完就5點走~行左去大家樂吹吹個頭=.=@@跟住行左去駱克道圖書館上左去搵下書睇~認真不錯....!一路睇到6點幾~睇睇下訓著左呀= =
哈哈~因為好累啦都...到7點圖書館都收啦...老婆仔又比左個訊息話7點差唔多完~跟住7點05分話都係唔得...要晏d...咁我就行到老婆仔跳舞樓下~
行左去格離個公園仔坐陣~到7點35分~行左去街市果邊四圍行陣~7點52分返到老婆仔跳舞樓下企係度等佢落黎~用訊息呃佢話我返左屋企丫~呵呵~
老婆仔肯定好唔開心架~不過佢落到黎唔開心丫~話我玩佢丫~豬豬唔會嬲bb架啦~係咪>~<"跟住我地慢慢又由海旁果邊行返灣仔送佢返屋企樓下~
行到世紀酒店附近有個天橋~我地係果邊唔捨得老婆仔走添丫~又行到返到屋企樓下又係咁~唔想佢走~真係好唔捨得既...!跟住見8點45分通都差唔多收工~
所以我就行左去接埋佢~去到公司順便幫手下撿野咁~9點幾打埋比軒一齊坐返柴灣食小小野~因為佢係天后果邊返學夜校上堂~同通走人收工~行左去坐8P巴士~
軒就係維多利亞果邊泳池位上車~一齊坐返柴灣~落車後去返老地方間野度食~佢兩個今日食粥~我食雜果刨冰....d料仲多過前兩次...真係勁...!用軒電話影埋相~
因為我部電話無電了!真係好味丫~同老婆仔傾電話一陣收線~11點幾老婆仔再打黎傾左陣~我知佢唔開心我無早d返屋企陪佢傾電話添~!/.\"同通~軒食到11點幾埋單走人~
11點28分打比老婆仔傾左幾句話我返到屋企打比佢~不過佢話沖完涼先打比佢~返到屋企爸都訓左媽同阿寶沖緊涼~阿哥未返~跟住我就沖涼啦~
12點出到黎打比老婆仔傾電話~一路傾到12點45分收線~同老婆仔傾電話講開情人節朱古力~老婆仔話上年都有整開比佢d契阿哥食朱古力~
唔通係我古老?@@但我始終覺得整朱古力...呢種咁好既口福...應該只比情人...!而絕非朋友可享之也...!

 今日訓到11點半先知醒起身~老婆仔本來放工就係12點架啦...但好多野都似乎係天意...因為....我11點半起身即刻沖涼換衫就出門口12點~去到地鐵站坐到銅鑼灣落車~
行左上世貿12點半等老婆仔~去左上面換左8蚊打機玩左陣~老婆仔打黎啦~我叫佢換埋衫就上黎搵我啦~之後好快就見到老婆仔啦~我地係世貿度影左貼紙相丫~
好多都好令令丫~好鍾意~好開心~同老婆仔一齊影添>"<我地去左坐8P巴士返柴灣~跟住去左漁灣樓上食野~我叫左牛肚河加底~飲凍檸蜜~老婆仔就雲吞牛肚河~
飲忌廉~正丫~~另外仲買左5蚊雞翼尖食添~食完我地就返左屋企啦睇陣電視訓陣~3點幾4點幾表姐阿媽一路個個都跟住出硒街~
我同老婆仔訓醒左4點20分起身整理下換返衫~老婆仔幫我熨件衫添丫~錫硒豬豬老婆仔~大約4點50分我地出門口行左去樓下藥房點知無開~因為去買奶粉做生日禮物丫~
我地行左去雲德居附近d藥房買左一個奶粉百幾蚊唷...@@跟住無買野包住佢=_=就咁拿膠袋叫老婆仔入起佢放落老婆仔個袋度算~因為好趕時間啦本來約左5點去到架~
跟住我同老婆仔行左去坐地鐵~去到將軍澳打比媽佢話等埋ｅ媽一齊行去喎~落左將軍澳地鐵站同老婆仔行陣睇陣野~e媽黎左出到地鐵站b出門口媽企左係馬路對面等我地~
跟住就跟媽上去間私人會所到啦~老婆仔應該好鍾意下....其實真係唔錯既好地方....!上到去5點半多d~過左陣就開始食野~人都齊~有d人都唔太識既~其他都係我地d表姐表哥都有黎啦~
爸媽咁樣!一路食野到6點幾~又一路有d片睇~又有好多相相添~遲d同老婆仔都會咁樣嗎?>~<"到左7點幾鍾左右姐夫拿個蛋糕黎~家姐佢地訂左個新款燭台~勁型...成朵花咁會開放~
真係好令~仲影左相相添~成個蛋糕好似為我設咁囉= =因為勁多芒果成個芒果蛋糕黎...!好味~跟住到8點左右我地就開始走啦~送埋份禮物比姐夫~
跟住各人一齊走~同媽爸表姐~表姐男友~細表姐~e媽~老婆仔同我一齊去左坐地鐵返去~我同老婆仔陪媽佢地由鰂漁涌度轉車去銅鑼灣~表姐佢地就由北角轉~
媽爸佢地同阿寶返屋企~我同老婆仔?漁涌轉去銅鑼灣線~去到北角站見到表姐佢地兩個上車囉= =哈哈~一齊坐到銅鑼灣就分開行~我地去時代~上左好似係8樓度~
又係d影貼紙相薄既地方~就剪返d貼紙相同埋張佢過膠~老婆仔擺得好令令唷~好鍾意~放左係銀包度~之後我地就行返灣仔啦送老婆仔返屋企樓下~
跟住我就約左通係8P站等一齊返柴灣~因為佢岩岩放工~果時9點左右~返到柴灣返到屋企樓下通話想請我食野食埋糖水先走~去到見到有粥食好似唔錯~
又食開呢一間已經認得我地~肯比本來10蚊一碗細碗既~但佢地比我地用15蚊買勁大碗...真係好大~勁好食既叫做柴魚花生淡菜蠔粥~正丫....食完10點幾~
同通各自返家~返到屋企玩陣電腦就去左沖涼~夜晚同老婆仔傾埋電話先訓覺豬~!