朝早5點半起身換衫~跟住約左通6點05分係我樓下等,跟住同通去坐8P巴士~打比老婆仔叫佢起身~跟住去到sogo再打比老婆仔同佢講就到啦~之後...
老婆仔去左油站對面等~同通落車一齊去搵佢~好掛住佢~跟住拖住老婆仔咁返到公司啦~未開門~等左陣經理返黎開左門~就入去換衫衫做野啦~一路做~
今日做野勁唔開心,個女經理都低低地,詳情就唔講啦~同老婆仔做野到1點收工~佢又叫我做到1點半先夠鍾~都唔知佢點計鍾數添!老婆仔換完衫就等我~
到左1點半我地一齊走~老婆仔又要去跳舞啦...好唔開心/.\!同老婆仔去左seven買左支水~係公司度拿左樣野食比老婆仔同埋一杯湯添~送老婆仔到跳舞度~
跟住我就去左坐8P巴士返柴灣~經過會所媽同阿寶都係度~媽比左件蛋撻我食~我就返上樓啦~玩陣電腦,跟住沖涼~爸媽同阿寶返黎~沖完4點左右啦~
就入左房訓左一訓~5點半起身~換衫去左坐8P巴士去灣仔~塞車丫....坐左成個鍾~6點半先去到sogo,見塞車所以落左車自己行過去~6點40分~到灣仔老婆仔跳舞附近,
打比佢~無人聽~佢打返黎用屋企打比我...我都知死火啦....因為老婆仔平時放左都會打比我~不過佢話因為無分鍾喎=-=唉...老婆仔話諗下有冇辨法出街~
跟住我就行左去集成睇下野等老婆仔電話~格左幾個字7點左右~同老婆仔傾電話佢話搵唔到家姐無咩辨法~跟住我地收左線佢去沖涼~我叫佢一陣睇下點再打比我~
跟住我就行左去新鴻基麥當勞~叫左一個4號餐加大芬達同埋蘋果批...成日無食過野,真係餓鬼死!食完8點幾~打比老婆仔無人聽~比訊息佢話我而家去坐車同埋返屋企啦~
大約8點半返到柴灣啦~睇陣電視訓左係房~9點老婆仔打黎傾電話傾左幾個字啦~用屋企傾既~跟住9點半睇賭場風雲~10點半睇完就打日記~夜晚同老婆仔傾電話跟住就訓覺啦~
今日好累了!
| 
