| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| BB 狗 |
|
由於BB狗插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。 | |
|
2006 年 12 月 2 日 星期六  |
| 06年12月2日 星期六 夜晚一齊打邊爐 |
朝早6點幾同老婆仔醒左,7點幾我就打返公司請左假,跟住到老婆仔打返公司請假,之後我地就再訓過,一訓就成12點幾先起身~跟住通賢丫佢地都醒硒,
敏就7點幾醒左~佢男友果時已經走左~敏話自己7點幾醒左自己一個到而家架啦喎~我同老婆仔醒左過左去搵佢~一齊係房睇佢地d舊相~都幾多相喎@@
跟住一路到通同賢醒~梳洗下咁就一齊去食野大約2點幾啦~一齊落左去灣仔d茶餐廳,入到去就坐低叫野食~個個叫硒得返我同賢~都唔知食乜好~
突然有個侍應埋黎換左餐牌~呢張牌d野仲平仲正= =哈哈~佢地想食都唔得~我同賢就叫左個洋蔥雞排~我飲凍檸樂~老婆仔就叫左麵食~飲凍奶茶~
食飽飽埋單走人~行左去格離有間賣VCD賣歌既店啦~咁岩播緊首歌幾好聽喎~通就企左係度睇~跟住過一陣我地都返左去睇~敏就走左返屋企先~過左陣我地睇完~
買左想聽果隻碟丫我~敏打比老婆仔話無key返屋企~哈!跟住我地就一齊返去老婆仔屋企啦~返到去老婆仔同佢地打機...敏去左玩電腦...我又唔太岩玩果d game...
所以無玩到~又唔想悶!好想老婆仔陪我落街既,不過佢始終都諗佢都打機架啦...!跟住就自己出街~行果時佢都無諗住跟埋黎啦...所以自己出左去~行左過世貿玩~
換左20蚊玩左8蚊左右咋...!一路都3點至5點其間,老婆仔都有打返比我既,不過我有一兩次都無聽到,到左5點幾聽左老婆電話,講通同賢約埋我地三個人係油站等去買打邊爐既野,
跟住我地三個就行左過去灣仔玩具街果邊啦,有個街市,買旦旦又有菜咁樣啦,跟住買好硒再去左惠康買野飲~跟住我地就返老婆仔屋企啦,返到去就開始整野撿野咁~跟住入房玩下丫~
大約8點半左右先開始整好個爐開始,我同老婆仔仲有時間沖埋涼添,跟住就大家一齊開始食野,仲大家一齊影相添~之後9點半就睇黑超特警組,老婆仔話未睇過 - -
不過格離做緊花木蘭老婆仔又想睇喎~不過都睇黑超特警組啦!賣廣告果時就禁左去睇下花木蘭既~一路食到成11點幾~敏就落街搵佢個男友接上黎...
跟住我地就撿野~攪惦硒到通賢沖涼~我同老婆仔就摺花紙~佢要幫學校摺~要係星期一交丫~所以幫下老婆仔手~唔想佢咁辛苦,一路到左2點幾就同老婆仔同埋佢地睇電視~
除左阿通訓左外~跟住到左3點啦~我同老婆仔都訓左入面間房~通同賢訓出面間房地下~敏同佢男友訓入面間房既第二間~~~睡....!
|
| 2006 年 12 月 1 日 星期五 |
| 06年12月1日 星期五 買左件老婆仔好鍾意既衫衫 接老婆仔放學 係老婆仔屋企訓 |
朝早7點半老婆仔打黎同我傾電話傾到佢落車就收線啦,跟住我就再去訓左陣,10點幾通打黎同我傾左陣~講公司d野,跟住我就訓唔著,見到雪send個訊息黎囉~
咁我就比返個好冧既訊息比老婆仔~佢都話好冧喎~kaka~我就去左玩陣電腦~11點幾啦玩到~阿寶同阿寶換衫要返學~12點媽同寶就走左~
我就再訓過~12點15分表姐返黎又要我開門比佢~佢男友都黎左~跟住我再訓~12點半媽打黎~傾完收線一路訓到1點幾啦~打比老婆仔無人聽,
跟住到1點半老婆仔打返黎比我~傾完佢就上堂啦,我就沖涼換衫整衫~今晚去老婆仔度訓~正!到左2點幾我就出門口啦,3點上8P到銅鑼灣落車去左大家樂格離有間賣衫既~
買左件尋日老婆仔睇到好鍾意既紫色衫~好彩最後一件都比我買到= =尋日睇到突登見到佢鍾意但無買到今日比左個驚喜佢~跟住去左坐巴士23A~
4點到老婆仔學校附近樓梯位,拿住d衫勁重...又多野呢~跟住4點15分老婆仔出黎啦~歐佩詩都係一齊出黎~跟住我同老婆仔去左坐5號巴士~詩都一齊坐~佢返工~
我地就到灣仔落車,上左去老婆仔屋企啦~通同賢今晚都應該會一齊黎~之後我同老婆仔返到無耐~嘉敏都返到黎了~玩下電腦,敏又打下機咁~大約6點幾鍾~我地就落左街食野,
去左海旁果邊間麥當勞食野丫,叫左2號餐加四件雞翼~<--我既~老婆仔叫左四件雞又粟米湯咁~敏就豬柳蛋漢堡包餐變左豬柳漢堡= =慘慘~老婆仔叫錯左丫~~食飽飽我地一齊去左萬寧＊買左安全套＊先再返老婆仔屋企,
我同老婆仔睇電視,敏就自己出街去玩~跟住睇陣電視到9點半琪有個同學仲有佢同學個朋友今晚要上黎訓喎~兩個女仔黎既TB~
好似話因為要聽日返工比較近喎唔知屋企有咩事要黎咁掛!跟住10點幾阿通同阿賢都黎啦~叫佢地買左蜜瓜豆奶飲,點知買左六盒 = =叫佢買兩盒咋~
跟住我同老婆仔落左去接佢地上黎~又話唔識上又乜咁~佢地係自己睇唔到間野係邊唔識上黎= =最後比佢地搵到係邊因為樓下個管理員唔係度,
我同老婆仔去左接下接佢地丫~上到去果兩個TB既女仔都去左入房訓覺~有時大家就打下機,我就玩下電腦咁丫~到左夜晚嘉敏都返黎~仲帶埋佢個男友黎添@@
跟住夜晚玩玩下咁~12點幾我地就一齊玩牌~勁正...!大家都好開心,玩到成2點幾先開始唔玩啦~個個準備入硒房訓覺,敏同佢男友去入面間房訓,
我同老婆仔訓電腦房出面果間訓床~通同賢本來一個訓地下一個訓上格床架...不過佢地玩完牌都未訓去左打機~玩完又話賢輸左要同阿通一齊訓所以佢地兩個一齊訓左係地下= =~
我同老婆仔本來係房都訓左咁制架啦~~老婆仔訓左~點知比通同賢一入黎嘈醒左,我一路都訓唔返= =所以嘈返佢地傾計~~最後....差唔多5點幾先訓=.= |
| 2006 年 11 月 30 日 星期四 |
| 06年11月30日 星期四 接送老婆仔跳舞 夜晚同老婆仔二人去左大家樂打邊爐添 |
朝早老婆仔無打黎,因為尋日同老婆仔傾到2點幾講左好多心事同埋發生左咩野咁,佢唔開心所以朝早無打比我,我10點起身去左沖涼換衫跟住10點半就出門口去左銅鑼灣中央落車,
去聖保錄門口搵師傅學車啦~,11點學到12點半完~跟住同老婆仔玩陣訊息,本來想去搵佢食lunch,不過時間唔係幾岩同埋我比左訊息話上去搵佢反應唔大~呵呵~
可能以為我講笑啦~跟住老婆仔打黎同我傾電話~傾左陣就收線,我就上左世貿玩左12蚊槍game,之後就走啦,去左坐8P巴士返柴灣,返到屋企沖個身~舒服舒服~
玩陣電腦都成3點了~突然諗起老婆仔今日放3點20分~即刻換返衫之後出門口比訊息老婆同佢講係銅鑼灣二期等,我就去左坐8P巴士~老婆仔打黎話佢而家想返屋企換衫先,
跟住我就去到灣仔落車,四圍行下街咁,好悶=.=!3點45分到灣仔...老婆仔4點15分打黎~約左係灣仔油站對面間麵包店等,見到老婆仔都開心硒啦,悶咩鬼呢~呵!
跟住同老婆仔行左去吉野家食飯飯,買左個牛肉茶加兩串金菇牛肉,老婆仔話自己整都得啦~我都係咁講~呵~貨不對版...咁鬼細舊..!跟住食飽飽同老婆仔傾計~
之後就出左去行陣街街~去左明鏘壽司店果邊附近有間賣髮夾既野咁,老婆仔買左包~同埋買左把梳添~跟住時間都差唔多了~我送老婆仔到學跳舞附近,跟住我就走左~
行左去世貿玩12蚊~玩完6點半左右,一出世貿行左陣街街咋~6點40分~老婆仔打黎了~跟住我就行過去返鵝頸橋啦~佢去左萬寧睇野等我,咁我去到接佢~跟住就一齊再行返銅鑼灣~
去左大家樂打邊爐~老婆仔話好肚餓~上到大家樂老婆仔話我地一人一個火鍋~我諗佢一定食唔硒,所以我話買一個啦~買左個肥牛雜錦鍋跟住凍奶茶,另外買多杯可樂添,
大家樂好多人丫~~買完就同老婆仔一齊食啦~一路食到一半老婆仔都飽飽地啦~好彩無買兩個咋~哈哈~都估到架啦~老婆仔都話我你了解我既話都知我食幾多野既~呵呵~
食飽飽就同老婆仔走啦~行返灣仔~成8點半了~行到去世紀酒店後面條街我地攬左陣先走添~今日好多野講丫同老婆仔~傾極都無乜停咁~真係好啦~
跟住我就返坐8P巴士返屋企,返到去玩陣電腦,10點10分~唔記得左今日有賭場風雲睇= =...跟住見做到一半都廢事睇...唉!跟住老婆仔10點幾打黎~同我傾左陣收線,
跟住佢話食完西瓜打黎~勁耐都無打返黎啦= =跟住夜晚就同老婆仔傾電話~玩陣電腦就去訓覺啦! |
| 2006 年 11 月 29 日 星期三 |
| 06年11月29日 星期三 心裏始終有點煩亂困擾 同老婆仔一齊放工 |
朝早7點半老婆仔打黎同我傾電話傾到佢落車收左線,跟住係電話傾果時佢話一陣頭兩堂無堂上喎@@所以話打比我~跟住果然9點幾老婆仔就打黎同我傾左陣~
跟住我想cut又唔想cut咁因為有d眼訓了,好累...最後傾左陣就收左線,之後到左11點我就起左身~表姐咁岩想入廁所沖涼= =我叫返佢出黎比我先~因為我好趕,
12點要學車,所以即刻飛落床去左沖涼換衫攪惦硒11點半就出門口啦,去坐8P巴士到銅鑼灣中央落車行去聖保錄,學到1點半完左~好想玩一玩先返工,所以上左世貿,
本身有6蚊幣~換多兩蚊玩左8蚊~今日本身返工返4點既~我提早左返,大約2點幾就返到super三文治公司啦,阿通做左陣就走啦= =好似我接佢力咁,
比左訊息老婆仔,跟住一路做野到4點15分我食野,打比佢傾電話~打左兩次無人聽,跟住過左陣佢打返黎比我話佢岩岩先出學校門口咋,佢話校長要佢幫手包裝d野喎= =
比左兩卷野佢拿返屋企幫手做...好慘..!跟住4點半左右老婆仔返到公司了,一齊做野,到9點就收工啦,心入面好多野想同老婆仔講~但係又唔知點講,
基本上都唔知點講出口,講左出黎自己咪又係小器咁款,管得多個老婆仔都覺得自己好煩,唔管佢又覺得自己好似唔關心佢,好難控制...近呢一兩個星期對老婆仔態度明顯差左,
其實自己都知道~但始終控制唔到,聽日就放假啦,學完車自己行下街睇下野清靜下,希望可以諗得通...~我真係好愛佢...~我唔想因為自己成日諗野,
攪到對老婆仔既態度變差!!講返收左工先~之後我地兩個去左灣仔地鐵站~本來想存錢既~點知果部機唔得~我地諗住臨走就去灣仔匯豐d機果邊入,
之後我地去左卓悅~老婆仔買左野~跟住我地去左對面間kFC買左十件雞,<--全程無主動拖老婆仔...大腦控制我唔想拖佢...無主動同佢講野傾計...小腦控制左我唔想傾計...
都唔知自己係度諗乜野~真係白痴!我地食kfc~食完就去左坐丁丁坐一個站到灣仔匯豐機度諗住存錢既時候,老婆仔話張卡唔見左,搵左好耐之後打去報失,
最後發現張卡掉左係卓悅= =卓悅度有人報失左~張卡而家取消左~要拿過張新既了~!跟住我就同老婆仔返到屋企附近,就走人了~去左巴士站~見到8P咁岩走左,
又好累,所以有8號黎~照上左去坐,跟住10點半返到柴灣,返到屋企就沖涼,出黎玩陣電腦,11點45分先食飯,12點20分打左比老婆仔傾左陣,夜晚就去訓覺了好累了...! |
| « | 9 | 10 | 11 | 12 | 13 | 14 | 15 | 16 | 17 | 18 | » | |
