朝早5點45分起身~換衫攪惦6點鍾叫醒哥起身~打比老婆仔點知唔通=.=跟住打比佢家姐個電話~比埋訊息~都無人聽~跟住我出門口落到樓再打比佢家姐手提~
跟住都無人聽~格幾秒佢家姐打返黎問我做咩事~跟住我叫琪聽電話~跟住叫醒左佢話比佢聽我而家坐車黎架啦叫佢快d起身跟住收線,我去左坐8P巴士去灣仔~
到sogo打比老婆仔~話係佢屋企樓下對面間榮華等~跟住好快見到老婆仔~一齊行返公司跟住返到公司換衫~做野!到左10點就同老婆仔一齊食飯飯~
10點半繼續做~到1點就收工換衫~同老婆仔行左去銅鑼灣買左件衫衫送比佢^.^"老婆仔聖誕節第一份禮物聖誕快樂!跟住再行左去銅鑼灣地帶買野~
買完同老婆仔行埋街街~跟住就去左坐8號巴士返柴灣啦~8P太多人!落左車經過會所見到爸~阿寶就玩緊單車~跟住我同老婆返屋企休息訓陣覺,
4點幾訓到成6點鍾~起身就去左沖涼,跟住就換衫衫啦~換左套西裝~老婆仔仲幫我打tie添~!又幫左我燙埋件衫衫~老婆仔真係好啦>~<
我換好再到老婆仔換衫衫啦~一齊著得好令令丫!之後就7點半出門口~我係1點幾係北角花園餐廳訂左位~跟住我地去左東方漁港門口到坐的士去北角花園餐廳,
跟住就上左去有位坐啦~我叫左田螺西冷牛扒,老婆仔就叫左田螺T骨牛柳~大家都要6成熟~跟住仲加20蚊要多一份田螺添...真係好好食既,我就飲紅湯老婆仔飲白湯~
食到差唔多我地就叫野飲,老婆仔飲凍奶茶多奶,我叫左杯特飲芒果橙蜜!老婆仔差唔多張張野食都影左一張相記念我地第一次聖誕節丫,又影左好多相!
食得真係好開心,又型仔型女..哈<--咁讚自己?@@"汗...!食飽左埋單走人行左去砲台山地鐵站坐地鐵去左太古,行左陣落左去冒險樂園,老婆仔仲忍唔住,
要同我換左100蚊黎玩,跟住玩左之前3千幾票~而家4千幾~仲剩左兩蚊黎掉彩虹~我中左一百票添~跟住老婆仔想換野~我地睇左好耐~跟住最後換左一隻史力奇既飾物咁啦!
老婆仔又有份禮物仔~真係開心>~<跟住老婆仔再同我行左去玩具反斗城度睇野,行左好耐~跟住老婆仔見到隻>子母<最後老婆仔都買左~又多一份聖誕禮物啦~^.^"
老婆仔開心爆!!跟住就同老婆仔去左坐82號巴士返柴灣~諗住食糖水~打左比媽問食唔食~佢唔食丫...-0-跟住我地都無食到~返到柴灣到屋企~媽見到我地著到咁令令~
都好多野講傾計添~呵呵!跟住我地入左房換衫衫啦~大約11點40分撿齊埋野~同老婆仔走人~落到樓佢有個阿哥打黎~我叫左佢聽跟住佢傾到8P站先收線,送到老婆去8P站,
車黎佢上車後~佢就打比我傾到返到屋企樓下收線~跟住我返到屋企再打比佢傾到佢返到屋企樓下收線~跟住12點15分我去左沖涼~出到黎老婆仔用左佢家姐電話視像打比我~
傾左陣收線~1點鍾我打日記~1點半打比老婆仔傾左一陣~夜晚同老婆仔傾多陣~跟住玩陣電腦就差唔多去訓覺啦! | 
