今天放假,2:00pm出了去大圍同小阮、小玉、LINA、桐桐和亨亨踏單車。我們沒有踩去大尾篤只去到＂大埔海濱公園＂，我在那裏映了好多相，因為這公園的環璄和園林景觀很美麗、怡人；尤其它的塔的設計好獨特∼∼！！！（大部分都用木造成的。）我們休息完後，就踩返大圍租單車的地方＂亞運＂交車了；然後我們一齊搭火車轉地鐵去調景嶺打羽毛球，而LINA就在油塘回家了。（少了個人一齊打羽毛球添∼！）
我們先上去小玉的家，等佢哋沖涼、換衫後，阿錡上了來，之後我們帶埋羽毛球＆球拍去了＂吉野家＂食晚飯（我以後都唔會再食嗰個甚麼三文魚蟹子飯啦！！唔好味∼！！）食完飯後，我同阿錡先去猜波，而佢哋就上樓抖了一陣，細ＤＥＥ係我同阿錡猜猜吓波時來了。今晚打羽毛球的人有我、阿錡、小阮、小玉、小玉的妹、細ＤＥＥ、阿君、桐桐和亨亨。
今晚我不小心被地上的黑色車油積滑倒，膝頭擦損了，好在有阿君由她藍田的屋企拎膠布出來，真係多謝她！！
今天去了好隔涉的地方見工，係紅磡再入面的土瓜環，屬於九龍城區呢，仲花了＄２３撘的士呀∼！！！竟是以前公司的客呢，見工失敗，就算請我，我都唔做啦，太遠了。夜晚返屯門同陳朗廷、徐霆峰、廖敬文慶祝徐霆峰的生日，在置樂的＂泰皇居＂食任食火煱，我有些不適，所以放底錢早走了。
今日去了ＴＨＯＭＡＳ的髮型屋剪頭髮和上勞工署的網站揾工。
今晚我去了調景嶺同小玉、小阮、阿錡、小菩、阿DEE、君君（冇郁過）、桐桐、阿君和亨亨一起打羽毛球。每次同呢班人玩的時候，我都覺得自己好似同他們一樣變返成班一齊讀書的小學生（咁當然啦∼！呢班人中本身只有我同阿錡係同校，而且以我的年紀最大），大家都玩得好開心，把煩惱拋諸腦後；真係好開心有班咁善良和單純的顆伴∼！！！
可是…打打吓，無啦啦有班唔知邊度嚟既約有三十人的黑衫童黨來了，他們都坐在欄邊，沒有做甚麼動作，我們都打了一陣，我主張唔洗理他們，繼續玩（因為嗰度係公眾地方，就算我們被人趕走，都應該係被巴士公司趕走先啱；幾時到班蛋散蝦蝦霸霸？！）；但大家都因＂安全最緊要＂而決定了離開。（竟然被比班仆街坐在欄邊，就破壞了我們的歡樂時光呀∼∼∼！！）
在地鐵時，我同阿錡和阿ＤＥＥ討論到底應不應該走呢個問題，到最後我都同意了他們認為要走的方案；因為他們始終人多，而且就算自己唔怕亦都要顧住其他人不要受到傷害；離開後再在安全的地方打９９９，叫警察逗嗰班人，咁樣可以不用受傷之餘，又可以對付班人呢∼！！！！！（佢兩個的方案比較明智的，因為都要顧及屋企人的感受呢！！！）
今天１：００ｐｍ我去了尖東見工，結果呢份工竟然係＂宏利保險＂旗下的＂宏星＂，他們是賣基金或其他投資產品的。我既然去到咪填埋份好詳細的ｆｏｒｍ和聽吓佢哋講乜；呢份工在時間上係好吸引，因為只要達到目標的話，你喜歡放幾多日就幾多日；可是金融的產品係唔係你話賣就賣呢？！
我有想過如果我有心做的話，我一早已做了；冇做呢類工作係因為呢類工話有底薪，其實之後會追返你錢，係冇底薪之下好冇安全感呀∼！！因為自己都要比屋企和支出；有ｄ事唔係想做就做，也要想想後果的！我亦都有想過係咪我個人的信心問題和被過去的失敗所影響呢？（一想到這點，我都覺得這班人能夠在市場上生存到今時今日係好好本事！！）
至於星期二叫我返的工，雖然是有底薪的，但要賣部吸塵機成兩萬蚊一部；兼要ｃｏｌｄ ｃａｌｌ嗰班人幫我約到，我先至可以上人家的屋企做試範，好似好唔實際、虛無飄渺呢！！！所以我會話我至今仍未揾到工囉∼！！！！！！！
冇計啦！只好努力再揾過啦；又要揾到份時間合自己心水的，真係好因難。
唉∼！又唔可以長時間唔做嘢。
（大部分都用木造成的。）我們休息完後，就踩返大圍租單車的地方＂亞運＂交車了；然後我們一齊搭火車轉地鐵去調景嶺打羽毛球，而LINA就在油塘回家了。（少了個人一齊打羽毛球添∼！
）食完飯後，我同阿錡先去猜波，而佢哋就上樓抖了一陣，細ＤＥＥ係我同阿錡猜猜吓波時來了。
今晚我不小心被地上的黑色車油積滑倒，膝頭擦損了，好在有阿君由她藍田的屋企拎膠布出來，真係多謝她！！
咁當然啦∼！呢班人中本身只有我同阿錡係同校，而且以我的年紀最大），大家都玩得好開心，把煩惱拋諸腦後；真係好開心有班咁善良和單純的顆伴∼！！！
）
