| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 走"油"細"孔"呀....唔該@LA ROCHE-POSAY EFFACLAR |
分類: 美容 |
曾經睇過雜誌得悉, 溫度每高一度, 皮膚就會出油多10%, 前一排連"酷熱天氣警告都"出埋, 熱到面上汗水及面油都出埋黎, 連帶出現黑頭粉刺既機會又多左................唉!
形成黑頭粉刺,皮膚表面變得粗糙, 死皮積聚在毛孔之表面, 油脂又會被堵塞在毛孔內, 咁試問點會有健康既皮膚呢?
對付炎熱出面油日子, 睇下呢對La Roche-Posay"孖寶"可唔以幫到我解決皮膚問題先
新登場�H「Mat 控油收毛孔保濕乳」 同「粉刺淨化雙效精華」
左 : Effaclar K- Anti-Relapse 每日修護精華
右 : EFFACLAR MAT 控油收毛孔保濕乳
Effaclar K- Anti-Relapse 每日修護精華
30ml 支裝
為油性皮膚所設之每日修護精華, 改善粗糙膚質,擊退黑頭粉刺。
每日修護精華，集中去除黑頭粉刺,漸進式煥膚逐步改善粗糙膚質, 疏通毛孔。活性成份LHA，控制毛孔角化，加速肌膚更新，不刺激皮膚。
不含防腐劑配方
根據盒上圖片程序, 就可開啟修護精華
白色乳液狀質地, 幾清爽易推開
每日早晚使用，均勻塗抹於面部。不致粉刺配方。可作妝前底霜。
用於毛孔比較明顯位置, 輕輕搽均, 好快已被皮膚吸收, 變得比較啞緻及毛孔細緻少許, 無敏感情況出現!
搽完精華素, 之後到佢出場啦..........
EFFACLAR MAT 控油收毛孔保濕乳
40ml支裝
控油保濕.對抗油光及粗大毛孔問題
收細粗大毛孔及調節油脂分泌同時啞緻肌膚
於問題根源改善油性肌膚2大問題 - 油光及粗大毛孔，全賴醫學皮脂調節科技:
- Sebulyse®專利源頭式皮脂調節成份，臨床研究證實抑制油脂分泌功效比鋅更佳，深入毛孔平衡油脂分泌，收細粗大毛孔。
- 清爽無油配方配合吸油微粒及珍珠岩粒子，令肌膚全日啞緻乾爽。
揭蓋式設計, 簡單易開又方便
白色乳霜質地, 都係清爽易推開, 手既紋理亦變淡, 保濕效能唔錯^^
每日早晚使用，均勻塗抹於整個面部，避免眼部周圍。不致粉刺配方。亦都可作妝前底霜。
搽於全面, 再係T字位及兩邊面頰呢d比較易出油既位置再補搽多少少
皮膚變得清爽啞緻, 比人感覺"乾淨", 唔駛油光滿面, 毛孔亦再變得細少少許!! 補濕方面都ok, 唔會feel到乾!
朝早返工用佢, 係辦工室既冷氣"庇護"下, 改善左因面上水份被抽走而出現標油情況, 面油都有出但相對黎講係減少左, 都算令人滿意^^
對抗炎夏日子, 我又多一對護膚"孖寶"啦..............
品牌相關產品網址 : www.cn.laroche-posay.hk
contact me : [email protected]
|
2012 年 7 月 20 日 星期五  |
| 擁"泡"潔我面^^ |
分類: 美容 |
每日既氣溫都超過三十度, 返完一日工回家後, 都好想舒舒服服咁卸妝洗面加沖涼, 洗走一日既汗水加油脂
作為護膚既第一步 - 潔面, 選用一隻有深層清潔效能既產品我諗都需要啦................哈!
多謝iMORE提供呢次試用機會, 令我可以親身體驗呢支深層潔面產品
SkinMedica
Purifying Foaming Wash 深層清潔泡沫
$390/147.9ml
成份 :
黑柳精華、金鏤梅提取物、鼠尾草葉精華、茶樹油。
功能 :
含水楊酸 (BHA)，油溶性質，有效深入皮脂分泌旺盛的毛孔、去除舊角質，改善毛孔粗大，防止毛孔阻塞抗敏、抗炎及有效修復發炎的皮膚，消除紅腫。
適用膚質
專為油性、暗瘡肌膚人仕使用。
呢度係一揼份量
泡沫唔屬於十分棉密, 但觸感幾水漾
使用方法
先用溫水弄濕面部，取出適量泡沬，輕輕於面上按摩1分鐘，再用清水洗淨印乾，避免接觸眼部肌膚。早晚使用。
用於面上時, 聞到頗重茶樹油味道(好彩自己都唔抗拒呢種味道)
首次使用時, 感到少少"拿拿地", 但過水後就無事, 之後再用就再無呢種感覺!
使用前 - 膚色較為暗淡, 毛孔位置被油脂污塞住
使用後 - 暗淡膚色減退, 毛孔污穢被洗走因而亦變得稍為收細左
呢支深層清潔泡沫, 潔力十分出色, 有效洗走角質死皮!
唯獨用完皮膚即時感到繃緊, 要即刻進行餘下既護膚程序!
想炎熱日子都有清新感覺, 油性、暗瘡肌膚人仕有福了.........................
contact me : [email protected]
|
| 2012 年 7 月 13 日 星期五 |
| 水蒸蒸, 保濕勁 - “Panasonic Beauty納米離子蒸面機” |
分類: 美容 |
去美容院做facial, 無論普通補濕美白護理, 抑或骨膠原增生緊緻療程, 針清服務前既"離子噴霧"呢個step都總會有, 可想而知佢既重要性! 無時間去做美容院做facial, 都可以係家中體會"離子噴霧", 我有計................只要有佢就可以^^
Panasonic Beauty - 納米離子蒸面機(EH-SA31V)
$998
以納米技術將水份子體積縮小，有效將水份送到皮膚角質底層，為肌膚真正深層保濕
釋放約40°C的柔和蒸氣，有效刺激膠原蛋白增生，改善皮膚因老化而產生的皺紋及毛孔粗大問題，同時補水控油光，令肌膚回復光采及彈性
附有一年原廠家電產品保用證, 給信心^^
兩大用途 :
1) 有效將水份送到皮膚角質底層，為肌膚真正深層保濕
2) 為皮膚進行深層清潔
打開盒就見到 :
1) 機身 (外型輕巧, 幾討好!)
2) 電源線
3) 使用說明書
部件說明 :
右上 : 插頭
左下 : 供水糟
右下 : 蒸氣出口
為免殘留雜物阻塞管道，必須使用蒸餾水/淨化過既水 (我用蒸餾水!!)
將蒸餾水倒入"加水杯"
"滿水位" (FULL) 標記 - 蒸氣可以持續約6分鐘
"半滿水位" (HALF) 標記 - 蒸氣可以持續約3分鐘
注滿水(FULL)後, 將供水槽壓入機體, 直到發出喀噠聲, 再插電源就可以開始啦........................yeah^^
咪住先...............E.......呢張黃色紙係咩東東?
哦..................呢張係隨附既"距離調節指南" (臉部應距離吹風嘴至少20公分), 以防機主第一次使用本產品時, 難以判斷吹風嘴與要暴露於蒸氣之區域的正確距離 (相當細心體貼呢!)
好啦....................開始啦!
按上滑動電源開關後, 大約15秒後就已經有蒸氣噴出 (好快手呀!!)
為確保蒸氣能完全覆蓋到臉部, 要將蒸氣導向我顎的頂部
蒸氣溫度約40度, 唔會過熱, 過程感到幾舒服 (相信冬天用時仲舒服! 哈..)
由於我將水注到"FULL"位置, 大約6分鐘後, 蒸氣會自動停止噴出, 咁就可以向下滑動電源開關, 關掉蒸氣機體
蒸完後, 尚有少許水珠停留於面上, 之後輕拍數下, 水份已被皮膚完全吸收晒! 摸落好"軟滑", 皮膚好似"飲飽水"咁........yeah!!
水分指數提升了不少!! 之後再為皮膚進行基本護理就可以啦, 相比起只靠塗搽護膚品更為吸收!
使用過後 :
從機體拔出電源線插頭, 必須讓機身單獨冷卻至少10分鐘, 從機體卸除供水槽, 再將供水槽中的水倒出
而機體內既水, 壓下機體底部既傾斜開關, 從排水口倒出水
呢部納米離子蒸面機, 迅速釋放恆溫蒸氣，使用方便快捷，機身輕巧，設計時尚美觀，操作簡易!
初步測試佢既第一樣功能 - 為皮膚保濕, 合格滿意!
至於佢第二樣功能 - 為皮膚作深層清潔.....................待續
產品資料連結: http://www.panasonic.hk/ha/beauty/index.html
contact me : [email protected]
|
| 2012 年 7 月 9 日 星期一 |
| Estee Lauder Optimizer Intensive Boosting Lotions 再生精華水系列 |
分類: 美容 |
領導全球的修護專家Estee Lauder又有最新產品要推出, 仲特意為我們舉辦美妍聚會，介紹Optimizer Intensive Boosting Lotions 再生精華水系列
Estée Lauder再創新猶特別研發全新Optimizer Intensive Boosting Lotions精華水系列，帶來肌膚修護重要第一步。全新系列三款Optimizer再生精華水，針對亞洲女性肌膚研發，為肌膚打開吸收之門，源源不絕灌注肌膚無限生命力，發揮深層滋潤作用，並倍大繼後護膚品吸收成效，提升肌膚至巔峰狀態。
全新Optimizer再生精華水系列蘊含精心研發的強化版高效翠竹複合物(Bamboo Complex)及獨家專有的AquaSyncTM離子水分導入技術, 令肌膚處於最佳吸收狀態, 倍大繼後護膚成效
(為配合竹子做主題, 現場佈置都別具心思^^)
活動先由PR Manager, Michelle歡迎我地出席呢次美妍聚會, (我地仲可以享用別注版精緻美點)
然後由品牌教育組同事April正式向我地介紹呢3款全新Optimizer再生精華水
Optimizer再生精華水系列靈感來自竹子的神奇再生力量, 這成份組合包括兩種竹子精華, 再融合多種保濕及紓緩要素, 與Optimizer的獨到功效相輔相成 :
黃金碧竹(Golden Bamboo) - 原產於亞洲熱帶及亞熱帶地區, 黃金碧竹在陽光充的環境下生長, 含豐富抗氧化物, 具修復價值, 竹荀(芽)及竹葉皆可入藥!
日本長壽竹(Silver-Edged Bamboo) - 可在森林遮蔽谷地找到, 含豐富天然類黃酮(flavonoids), 有助紓緩肌膚之效!
為左進一步令我地了解佢既神奇功效, 我地即場做左一個測試:
左手手背先塗抺Optimizer再生精華水, 然後再灑水
右手手背直接灑水
結果 :
左手手背形成一層水, 代表鎖水能力高
右手手背只有水珠, 代表水份只停留係皮膚表面
原因 :
一般水分/自來水的表面張力較高, 難令水份和活性成分滲入肌膚, 而由Estee Lauder專利過程研製獨創的離子均衡水, 則特具較低的表面張力, 極易被肌膚快速吸收, 令養份可發揮最大功效
果然神奇呀, 要即場試晒呢3款Optimizer再生精華水先 :
1) 修護滋潤 : Optimizer Even Skintone + Hydration水潤亮肌再生精華水
配方含青瓜精華(Cucumber Extract), 天然保濕因子激活技術(Ceramide Boosting Technology)及維他命C衍生物, 可極致提升保濕作用
2) 細緻毛孔 : Optimizer Pore Minimizing + Refining細緻毛孔再生精華水
配方含葡萄糖胺(Glucosamine), 鋸棕櫚精華(Saw Palmetto extract), 海藻精華(Laminaria Saccharina extract), 粗大毛孔顯著縮減, 同時有效控油, 杜絕油脂過度分泌
3) 抗皺緊緻 : Optimizer Anti-Wrinkle + Lifting 抗皺緊膚再生精華水
配方含能量提升複合物(Engergy Boosting Blend), 支援肌膚自我重建膠原蛋白
售價: $430/200ml, 特為亞洲人肌膚研創及測試
品牌特意為我地送上其中一款Optimizer再生精華水, 想要針對解決肌膚問題就可帶佢返屋企...........哎呀..............3支都各有所長, 我既"選擇困難症"又發作啦..........
最後..............................................我帶左佢返屋企
Estee Lauder香港網址 : www.esteelauder.com.hk
contact me : [email protected]
|
| 2012 年 7 月 6 日 星期五 |
| REVLON ColorStay™持久16小時眼影 - 試用報告 |
分類: 美容 |
問十個女士, 九個女士都會答你最著重眼部化妝, 皆因別人第一眼望上去都會注視眼部, 所以眼部化妝產品都分開幾種, 如眼線筆, 睫毛液, 當然唔少得眼影啦!
係炎夏日子, 無論面油及汗水都出多d, 想保持妝容持久d, 就要化妝品配合一番!!
今次試用呢款REVLON ColorStay™持久16小時眼影
16小時持久不脫色配方，防止汗水或濕氣糊掉眼妝，全天侯顯現眼妝之層次美，令眼妝16小時也仿如剛塗上時之閃亮迷人!!
採用四合一內部設計，根據不同色調之眼影配合出四個不同大小的調色板 ---
以光影部份的調色板最大，主調顏色相對較少，令用家更易掌握使用這四色組合的次序，且設計精美，時尚別緻！
每個調色板底部均有教學圖例，方便易用, 對初學者黎講易於掌握
呢款自然啡色系都幾大路, 融合質感柔滑，色澤像真度都幾高!
只需用卸妝油輕輕一抺, 已可抺走所有眼影!
根據佢既教學圖例, 完成啦............
有教學圖例跟著, 都好快就完成, 而持久度比自己用開既眼影稍為好d, 放工時眼蓋才出現"節痕", 未係真的可持久16小時!! (但又無咩所謂啦, 點會16小時都唔落妝喎.....哈!)
呢款持久眼影, 仲包括今個春夏大熱之青綠，粉橙及粉紅，令人任何時候時尚迷人, 梗有一款岩你!
contact me : [email protected]
|
« | 121 | 122 | 123 | 124 | 125 | 126 | 127 | 128 | 129 | 130 | ... | 147 | »
|
