| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2012 年 5 月 9 日 星期三  |
| 黃金+魚子醬........愈出愈豪既B.B.霜 |
分類: 美容 |
打開柜桶, 發現自己既美容產品中, 都有若干數目都係韓國品牌, 新加入既就有佢..................HANSKIN
HANSKIN黃金魚子醬營養B.B.霜
容量 : 30ml
韓國製造
含有魚子醬, 甘草, 尿囊素等各種植物性複合成分和營養成分, 淨化皮膚, 令皮膚具有彈性
另含大豆發酵提取物, 葡聚糖, 起到保持滋潤和供應營養的作用, 是多重功效型性BB霜
唧咀設計, 只需輕輕一按, 容易控製份量
乳霜質地, 清爽唔立, 易於推開
塗均後, 右手面既皮膚膚色變得均勻, 青筋色變得唔明顯, 可見遮瑕能力唔錯!!
試上面後效果 : 膚色較為平時"白晢"少許, 但唔算突兀, 而毛孔亦被遮蓋少許!!
唯一係搽呢支B.B.霜前, 要打夠足夠補濕面霜底, 以補不足, 改善面油出現情況!!
contact me : [email protected]
|
| 2012 年 5 月 3 日 星期四 |
| 韓國美白新勢力 - nblife24 |
分類: 美容 |
韓國女生皮膚比人一種亮白柔滑既印象, 全頼皮膚質素良好, 無需誇張妝容, 主打自然裸妝都一樣迷倒不少男生!
睇雜誌知道, 好多韓國女生都偏愛選用自己國家出產既美容產品, 唔知以下呢支, 又有幾多韓國女生支持呢................
講緊既係Nblife24
Nblife 24 - Natural Beauty Life 24
韓國純天然有機護膚品品牌
今次試用既係Vitamin-C緊緻美白精華素
$359/50ml
韓國製造
啡色玻璃樽
把純維生素以穩定的狀態轉換, 提升肌膚吸收能力, 研發用最佳的濃度各酸度使皮膚吸收
無添加有害化學成分, 含純天然成份, 無防腐劑, 無人工色素,無化學合成添加劑, 敏感肌膚都可安心使用
滴管式設計, 方便衛生
每次取2-3滴便可足夠塗抹面部
透明液態質地, 感覺幾清爽, 輕輕塗抺已經好快被皮膚給收, 散發香橙氣味
使用方法:
適用於晚間潔面後使用
早上使用亦可, 但要之後使用防曬產品, 因為Vitamin C成分會感光!!
使用前 : 眼肚對下位置有偏黃色素
使用後 : 偏黃位置有淡減效果, 毛孔細緻少許
呢支美白精華素, 對我黎講美白效果尚未見到, 但去黃效果就見到啦, 使用期間有陣陣香橙味, 幾特別!
一支有成50ml, 每次只需2-3滴, 都好耐用呀, 絶對合乎經濟原則~~
想了解多d呢個韓國純天然有機護膚產品品牌? 可以登入 : www.nblife24.com
contact me : [email protected]
|
2012 年 4 月 28 日 星期六  |
| Neutrogena White Vitality |
分類: 美容 |
今日佛誔, 帶來多一天的假期, 早上十一時既旺角新世紀廣場已經人頭湧湧, 我都置身其中, 就係為左出席Neutrogena最新 美白產品WHITE VITALITY推廣會
產品代言人樂基兒小姐既靚靚宣傳燈箱, 大家應該唔會陌生啦?!
現場設有較早時100位BLOGGERS分享自己使用美白產品既經驗, 之後再轉用Neutrogena WHITE VITALITY既產品用後感
今次推廣會既主角- WHITE VITALITY ESSENCE
1支就可以擊退1年頑固色斑, 口號夠晒吸引.............
呢位笑容親切既靚女, 就係品牌既PR宣傳同事, Belle 負責今次推廣會既司儀工作
簡單介紹今日既推廣會活動內容後, 就請出之前已經體驗過ＷＨＩＴＥ ＶＩＴＡＬＩＴＹ產品既星級Bloggers， Berry同Babyalpha同我地分享下佢地既美白經驗
美容產品既功效高低問題，最好就梗係由皮膚科醫生為我地解答，大會邀請左何醫生講解點樣選擇一支真正高效既美白產品，綜合有３點：
１）要有大型皮膚測試結果
２）注意產品能否刺激皮膚細胞自我增生
３）產品主要成份
聽完何醫生既講解後，司儀再請出雜誌網站編輯Ｆa為我地分享佢既美白之談，原來有調查結果顯示，男性係比較喜歡皮膚白晢既女士架，咁唔怪之得美白產品市場咁大啦！！哈..........
為左打破美白假象，大會鼓勵我地將一些認為無真正美白效果既產品棄掉
活動完畢前，大會送上試用產品給出席者，試用文？！ 當然係待續啦..........
現場仲設置皮膚測試機，想了解自己皮膚狀況及體驗ＮＥＵＴＲＯＧＥＮＡ既各式產品？ 就要記住係５月１日前黎到呢度推廣會場啦！
|
2012 年 4 月 27 日 星期五  |
| 用1 次, 滑7日? |
分類: 身體護理 |
又再一次收到i-more通知, 有機會試用美髮產品, 而今次既品牌係..........DOVE!
新產品 : 2 步深層鎖護精華
售價 : $ 59.9
成分 : 含「髮絲纖維修護」因子，深入滲透髮芯纖維，修護受損部分，為髮芯注入養分。
Dove「修護鎖科技」， 在修護髮絲後瞬間鎖住修護養分於秀髮上，令秀髮順滑不易打結展現光采，用後無需清洗。
功能 : 以 「先護後鎖」的嶄新護髮概念，從外而內的深入髮絲纖維，定位追蹤修護受損的髮芯部份，並鎖住修護養分於秀髮上，一星期用一次，秀髮便能持久柔軟順滑長達 7 天。
STEP 1 : 先修護
4支 x 15ml
白色乳霜質地, 蘊含清香氣味
使用方法 : 洗頭及護髮後使用，輕輕在髮絲按摩 3 分鐘，再以清水沖洗。
STEP 2 : 後鎖護
4支 x 5ml
透明油質地
使用方法 : 塗於半乾的髮絲，無需沖洗，然後即可如常造型。
對比相片 :
「先護後鎖」呢個護髮概念, 確保頭髮養份得以全面注入髮芯部份, 只需每星期用一次就滑足7日, 頭髮得到明確改善效果!
以前要護理頭髮, 都要專登去salon搵人整, 但現在已經有不同既家用護理頭髮產品出現, 確實方便又便宜!
想效果再好d???可以用埋洗髮露及護髮乳 
CONTACT ME : [email protected]
|
| 2012 年 4 月 25 日 星期三 |
| 美式新滋味, 華岸帶比你!! |
分類: 飲飲食食 |
上星期六, 天公造美, 無落雨外, 居然仲有太陽, 莫非太陽伯伯都想同我一齊參加呢個派對?
講緊既派對就係由elle同富豪東方酒店所合辦既華岸酒吧餐廳美式新滋味派對
地點當然就係華岸酒吧!
第一次黎呢個地方, 趁派對未開始前, 梗要四周圍影下相啦
四周圍佈置都好配合美式酒吧主題
由於酒吧正式開放時間係下午五點, 所以當日人客唔太多, 環境都幾舒服, 係呢度黎個Happy Hour應該相當唔錯
時間岩岩好, 影完相, 呢個美式新滋味派對就開始啦.....................
酒店公關細心地為我地每位出席者送上今日試食既菜單
wow.................上菜啦.............
先黎個沙律先................開下胃嘛~~
鷄胸凱薩沙律
蔬菜爽脆, 配以嫩滑鷄肉, 加埋面包脆粒, 口感唔錯!
第二樣就係新奧爾良蟹餅
一上桌就已經聞到炸物香味, 切開就見到份量十足既新鮮美國蟹肉, 一啖就滿口都係蟹肉, 充滿鮮甜蟹肉味呀, 配以大廚以鮮芒果打成既醬汁, 相得益彰呀, 誰都搶唔到誰既味道, 但又好夾喎!
香口食物真係食開就想食, 美式食物中, 又點少得呢款招牌拼盤呢?
拼盤內包括香辣惹味既香辣雞翼, 煙肉及芝士釀製既焗釀薯皮, 香脆粟米片
配以四款特式滋味醬, 食住外脆內軟既炸芝士黃金條................oh! 食唔停口呀..............!
第四款食物, 一於轉一轉, 試下意大利雲吞
用新鮮蕃茄製成既醬料已經完全"遮掩"左主角 - 意大利雲吞
每隻雲吞都漲卜卜, 睇下你咩"內涵"先......................啊.....原來係新鮮菠菜混合埋芝士, 配以清新蕃茄醬, 幫助化解膩感!! 唔錯!!
酒店公關係呢刻叫我地記住留返少少肚, 因為壓軸食物....................迷你三重奏要出場啦
呢款迷你漢堡三重奏包括迷你安格斯牛肉漢堡, 日式雞肉漢堡及英式炸魚漢堡!
賣相已經好吸引, 每款外型可愛趣緻, 我已經急不及待要試下味道啦, 食漢堡, 首選梗係要牛肉啦...............
哇.............一咬真係不得了, 肉質好有牛味, 而且juicy到爆(請留意碟上既並唔係茄汁, 呢d係肉汁黎架!!!)
真係好好味...........................本來已經好飽既我都好快ko左佢啦!!
康哥向我地介紹今次既食物, 全部都係每日新鮮製造, 例如意大利雲吞, 餡料自家製就唔在講啦, 連塊雲吞皮都係自己整架, 誠意十足! 仲有就係咁好味既迷你漢堡, 件安格斯牛肉點解可以咁juicy? 原因係份量選用9份肉加1份脂肪, 哦....咁唔怪之得啦!
睇到呢度, 有無發覺好似少左d野咁呢? 係咩? 當然就係甜品啦..............(呢個係bonus黎架, 個menu係無架! 哈.........)
我地睇中以下幾款........................
New York Cheese Cake - 芝士味相比起其他地方既無咁濃, 但賣相都幾吸引!
Apple Tart - 呢個真係誠意推介, 一上桌已經聞到好香既焗物味, 一食滿口香甜蘋果味, 但又唔太甜, 再配以雲厘拿雲糕一齊食...................................UM.......肥兩磅都抵呀!!
食埋個甜品, 我已經飽到預計晚餐都會食唔落呀.................
今次派對, 除左堂食外, 原來仲有精美曲奇禮盒一份加折扣coupon送比我地一眾bloggers, 真係又食又拎呀................多謝晒^^
食下傾下, 咁又渡過左一個美好既星期六下午, 真係要多謝ELLE同富豪東方酒店既細心安排呀...................
contact me : [email protected]
|
« | 127 | 128 | 129 | 130 | 131 | 132 | 133 | 134 | 135 | 136 | ... | 147 | »
|
