| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2011 年 10 月 14 日 星期五  |
| "端正肌膚", 由Impress帶給我! |
分類: 美容 |
星期六既下午, 最岩做咩? Shopping? High-tea?
多謝Maggie既邀請, 出席係La Serene Cafe @ SOGO舉行既Impress 茶聚, 有咩好得過一路high-tea, 一路感受高貴護膚品既質感呢? 哈..哈....
現場已經放置了今次茶聚既主角
Brightener
Lotion I/II
Emulsion I/II
Cream Excellent
話明茶聚, 又點少得一望已經令人流口水既精美茶點呢......
而係坐位前面, 已經有一set今次介紹既主角係桌上, 稍後就有機會親身感受!
之後就由今日既mc + 傳譯, Karman介紹專程遠道從日本過黎既椎原老師出場 (椎原老師皮膚素質都好好呀!)
椎原老師以投影片向我地介紹Impress品牌理念及策略 :
"端正肌膚"不單停留在肌膚表面, 更講究內在品格與佇立美態能否給人留下深刻印象
不論肌理, 彈性, 通透感, 當美肌應擁有的條件皆被滿足之時, 就是肌膚自身擁有達至"端正"的力量!!
聽完介紹, 就可以親身感受下主角既質感啦!!
1. Brightener
2. Lotion I (清爽型)
3. Emulsion I
4. Emulsion II
Cream Excellent (昂貴價錢呀.......一盒價值$4,800!!!)
功效 : 高濃度面霜重煥肌膚柔滑彈潤光采 (晚間使用)
未搽過咁貴價錢既面霜呀, 搽完皮膚即時充滿光澤
有好既護膚品, 都要懂得點用........................椎原老師就教我地點樣塗搽方法先更加吸收
現場仲設有皮膚測試機比我地作皮膚測試, 分別有皮膚類型,水份,毛孔....等類別
而最特別既就係有角質層測試(呢個真係未試過喎....哈!) 測試完畢後, 每人仲會有份PRINT COPY送返比我地!
品牌分別送了每人一份禮物包
等我逐一試下先...............
1) Cleansing Cream
可作卸妝之用, 先捽開至透明乳狀便可過水, 卸妝效果令人滿意!
2) Creamy Soap
加水起泡就可以開始洗面, 潔淨力令人滿意! 用後皮膚變得柔軟嫩滑!
3) Brightener A
倒落化妝棉上, 以打圈方式向全面抺, 之後輕輕按壓!
抺後化妝棉出現少許灰黑, 帶走含黑色素的老掉角質後, 皮膚變得亮澤!
4) Lotion II (滋潤型)
倒適當份量於化妝棉上, 由中心方向外抺, 皮膚變得充滿水份, 為之後搽既乳液作好準備!
5) Emulsion II (滋潤型)
用完化妝水後, 就可以搽埋乳液啦! 質地柔滑容易推開, 為皮膚補充大量水份!
由卸妝(1)去到乳液(5), 皮膚變得自然有光澤, FEEL到滋潤之餘但又唔會覺立, 摸落去仲滑滑tim!!幾岩秋冬季用, 而全個系列產品, 都帶有清幽花香味, 使用時令人身心得到舒暢, 吸收程度都好D啦.....
|
| 2011 年 10 月 13 日 星期四 |
| “Reenex「膠原自生」” - 第一步 (CPS) |
分類: 美容 |
不經不覺, 結左婚都快張接近3年啦, 稱謂都由"小姐"變為"太太", 俗d既就會叫"師奶"!!
相信你問十個已婚女士, 有九個都唔希望比人用"師奶"去形容自己既外表
可能你會話搽返d適合自己年齡既護膚品咪得囉.....都岩既, 但呢個可能只係治標既方法, 要治本, 可能需要到佢.......醫學美容療程!
近呢排無論係電視/美容雜誌都會見到呢句 :
"一個療程, 三年不老"
聽到係咪好吸引呢? 至少吸引到我.........哈!
好開心有機會去到位於朗豪坊48樓既reenex醫療美容中心接受Reenex高效膠原自生系統皇牌療程 (共4項療程分3次進行)
美容中心面積寬敞, 裝飾明亮簡潔, 由48樓高處望下, 可望到對岸景色(雖則天公有點不造美, 落著雨!)
作簡單登記後, 我就坐於呢個咁環境優美舒適既大堂, 一路享受茶水姐姐為我奉上既熱茶一杯 (好服務呀!), 一路睇住枱上放置既時裝美容雜誌! 過左一陣, 今日為我進行療程既治療師 - Chris就出現啦!
Chris帶領我去到Analysis Room內先進行皮膚分析, 確定我是否適合進行CPS更生活膚療程
先用儀器放大我既皮膚50倍, 話我知我既皮膚屬於底層嚴重缺水, 角質層都比較厚, 所以就算每日搽各種不同護膚品於面上, 皮膚底層既真皮層都仍然無辦法吸收到養份
之後再用呢幅去解釋CPS更生活膚療程可以點樣幫到我 :
利用由甘蔗提煉而成的 CPS 水基酸，有效溶解肌膚老化角質層，促進新陳代謝，令肌膚回復28日更生週期；並豐厚活性表皮層，提升保濕鎖水力，令肌膚回復水油平衡的健康狀態。
配合獨有專利緩和因子，能調和水基酸的滲透速度，令療程溫和不刺激，敏感肌膚亦適用。
功效：
改善暗啞、粗糙、油光、暗瘡、缺水、色斑
講解完畢, 係時候去治療室進行CPS啦................
先為我卸妝, 然後清潔面部
於面部掃上CPS 水基酸，溶解肌膚老化角質層 (有d"拿拿地"既感覺, 但可以接受)
3分鐘過後 (有timer計住, 唔可以靠估!), 就以中和液噴射於面部, 中和CPS 水基酸!
之後, 以mini fan 為我進行cool down
徹底抺走晒CPS 水基酸後, 給皮膚"享受"返個水份面膜, 緩和返之前咁"刺激"既體驗! (舒服呀...!)
|
| 2011 年 10 月 11 日 星期二 |
| Biore深層卸妝油 - 精明的選擇 |
分類: 美容 |
出席完 Biore深層卸妝油見證日後, 每人都各自拎左佢地返屋企, 係時候測試佢地既卸妝效果如何啦!!
今次測試, 搵黎以下化妝產品幫手 :
眼影
眼線筆 (Solone 防油防水)
眉筆
1) 卸妝啫喱 ($49.9/100g)
測試效果 :
眼影 : 完全被卸去
眼線筆 : 仍然存在
眉筆 : 大部份被卸去
2) 高效眼唇卸妝液 ($55.9/130 ml)
水油2層, 使用前記著要先搖均!!
倒落棉花, 靜待5秒鐘後輕輕一抺!
測試效果 :
眼影 : 完全被卸去
眼線筆 : 大部份被卸去
眉筆 : 大部份被卸去
3) 卸妝潔面乳 ($29.9/120 ml)
取適當份量, 加水起泡後就可以開始卸妝, 之後過水便可! 清面卸妝可同時進行, 方便!
測試效果 :
眼影 : 完全被卸去
眼線筆 : 完全被卸去
眉筆 : 完全被卸去
用完皮膚無出現繃緊情況!
4) 深層卸妝油 ($69.9/150 ml)
呢款卸妝油獨特之處就係濕手都用得!
泵2-3泵份量, 輕輕捽幾捽, 之後再過水便可!
測試效果 :
眼影 : 完全被卸去
眼線筆 : 完全被卸去
眉筆 : 完全被卸去
5) 卸妝潔面棉 ($55.9/1盒)
1盒有46片
粉紫色膠盒, 分開盒子, 就會見到密封包裝既卸妝棉!
撕開密封封條, 放返入盒內便可!
只需輕輕一按中間白色圓點位置便可打開蓋, 單手都搞掂!!
測試效果 :
眼影 : 完全被卸去
眼線筆 : 完全被卸去
眉筆 : 完全被卸去
無需再過水, 皮膚唔會有唔乾淨感覺, 帶出街用就最方便!
呢五款卸妝產品, 各具特色, 測試效果顯示卸妝效能表現出色, 只有卸妝啫喱未能卸除防水眼線筆! 以咁親民既價錢就有此效果, 而效果仲可比美貴價卸妝油, 你識點選擇架啦?!
|
| 2011 年 10 月 10 日 星期一 |
| 真係O喎.....Orgins Plantscription悅肌再生系列 |
分類: 美容 |
上完Origins Plantscription悅肌再生工作坊後, 每位都有機會親自體驗2位悅肌再生系列主角
好心急...好心急呀, 睇完之前既實證效果, 好想我都能夠成為一份子, 究竟得唔得呢? 
全新Plantscription悅肌再生眼部修護霜 ($420/15 ml)
主要成份:
利用最新的天然抗衰老要素及科技, 以主要成份"非洲長青木"(Anogeissus榆木樹), 刺激眼部肌膚的天然微纖維蛋白組織增生, 提升眼部肌膚彈性, 回復無紋緊緻!
更特別加入有"長壽菌"之稱的康普茶(Kombucha), 當中的茶多酚具有抑制制醣化作用, 並具抗氧化及清除游離基的功效, 能預防衰老!
修護霜的高效成份性質溫和和安全, 能彌補現今醫學界未能使用強效處方抗皺產品於敏感脆弱的眼部肌膚之不足!
清爽易吸收既gel-cream質感, 唔洗驚會出油脂粒!
使用前 : 眼肚位置出現乾紋
早晚使用, 以一粒黃豆份量搽於眼部位置, 加以輕輕按壓!
使用日數 : 超過1星期
呢款眼霜一搽乾紋即時減淡, 滋潤度都幾高但又唔會令你覺"立"!
由於使用時間偏短, 緊緻提升方面未見有顯著效果, 但能夠即時解決眼部乾紋問題, 作為急救之作都用就係不二之選!
要抗皺既地方除了眼部, 當然唔少得全面啦..............
Plantscription悅肌再生精華 5ml 試用裝 2支
Plantscription Anti-aging Serum悅肌再生精華，有效狙擊以下四大歲月問題：
○ 顯著減淡皺紋及幼紋
○ 提升及收緊鬆弛輪廓
○ 緊緻及改善膚質
○ 提升光澤及擊退暗啞不均
點解可以咁神奇？
因為這瓶精華素以「非洲長青木」（Anogeissus榆木樹）為主要成份，在非洲西部生長，屬溫帶植物，數量稀少珍貴但生命力強。自古以來非洲迦納原居民會在樹幹及樹葉中萃取精華，用作天然的療傷藥及抗菌劑!
Origins與法國University of Strasbourg的植物學家攜手研究, 發現呢種強效既植物成份能刺激肌膚天然微纖維蛋白組織(Fibrillin)增生, 佢係一種能保持肌膚緊緻及富彈性既醣蛋白(Glycoporotein)!
上圖 : 貨裝 ($540/30 ml)
下圖 : 質地清爽帶有獨特"Origins" 產品香味
早晚洗完面後, 拍過爽膚水後就直接搽上面!
睇下........! 好快就皮膚吸收, 搽完感覺皮膚變得滑滑, 仲帶有光澤 tim....!
虎紋位上既紋理變得唔明顯, 好似被"填平"左咁.........
絶對唔"立", 對之後再搽面霜唔會做成負擔!
PS : 全球已經有120萬人感受過Planscription悅肌再生精華的抗皺神話
87%認同顯著減淡眼紋及皺紋 |
| 2011 年 10 月 7 日 星期五 |
| 給皮膚品嚐紅石榴! |
分類: 未分類 |
讀書時期, 已認識The Body Shop呢個英國品牌, 用過唔少佢既產品, e.g. Eye-gel, Blue Corn Mask, Cucumber Water...... 遇岩有朋友到英國, 仲會搭單幫我"入貨tim
E...........又有新品發佈喎, 仲要係緊膚系列tim.......岩晒!
The Body Shop®的Natrulift 有機紅石榴緊膚系列，就以這款「超級水果」來作主要成份，透過冷壓法擷取有機紅石榴精華，生產過程中並無採用任何化學物質，並充份利用紅石榴的果籽、果肉及果皮，發揮激活膠原蛋白再生，及有助提昇肌膚細胞鎖水的功能。全面發揮天然抗皺功效，呵護肌膚不刺激！
76%試用者表示，用肌膚感覺更緊緻、更均勻剔透。
今次試用既係店內重點推介既紅石榴緊膚精華素
蘊含有機紅石榴籽油及滋潤蜂蜜，質感輕柔及容易吸收，有助改善肌膚彈性及補濕度。於使用補濕產品前塗上，能令肌膚更有彈性及得以提昇。
容量 : 30 毫升
售價 : HK$ 339
紙袋內有10包 x 1.5 ml既紅石榴緊膚精華素 試用裝
一包份量可以分早晚各使用一次
使用方法 :取適量精華素, 輕柔地向上推及向外塗抺於面上, 最後以手指輕拍面! 避免觸及眼部肌膚!
質感輕柔, 容易被皮膚吸收, 塗搽期間, 仲聞到少少怡人香味!!
精華素被皮膚吸收後, 紋理變得減淡, 摸落仲feel到柔滑感!
補濕感亦覺可以, 之後再搽返原用乳霜, 亦唔會加重皮膚負擔!
至於緊緻效果方面, 可能使用日子比較短, 暫時未見顯著效果! 若然能夠長時間KEEP住使用, 再配合面部按摩器, 相信可以更有效提昇皮膚自然光澤!
有興趣既朋友, 不妨一試!! |
« | 137 | 138 | 139 | 140 | 141 | 142 | 143 | 144 | 145 | 146 | ... | 147 | »
|
