| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2011 年 7 月 27 日 星期三  |
| 與Evvus之初次約會 |
分類: 美容 |
當收到通知被選中參加Evvus皇牌療程, 內心不期然感到興奮
好快就收到Evvus既職員打電話黎預約安排與專業醫生面談作一次免費皮膚諮詢(價值$500)
Marketing同事Stephanie係電話中介紹Evvus係香港及九龍區均設有醫學美容中心, 由於係九龍區工作關係, 我就選擇左位於旺角朗豪坊辦公大樓四十八樓(全層)與醫生見面, 地點相當方便!!
一出升降機, 就見到.........
 
親切有禮既接待員先為我作簡單登記, 然後引領我到接待區填寫顧客服務咭, 一坐低, 茶水姐姐已為我送上熱飲一杯, 好細心呀!
治療中心面積十分寬闊(全層), 集團其下品牌Reenex及MD Skin Solutions係左手面, 而Evvus就係右手面! 環境十分優美, 裝飾比人感覺舒適, 身處四十八樓, 望出窗外, 美景盡收眼簾!! 
係我欣賞緊美景既同時, Marketing同事Stephanie已經黎左, 作自我介紹後, 就帶領我先參觀呢間醫療美容中心.........
係參觀中心既同時, Stephanie介紹Evvus係NEO DERM集團旗下4大醫學美容療程中心 : dermes, reenex 及 Elyze既其中之一, 共設分店17間, 座落港九地標商廈。而只有Evvus 設有駐場專業皮膚醫生, 服務全程由同一醫生負責, 給你百份百信心保證!
左手面呢2間, 就係療桯房, 係面積適中既白色房間裏, 裝修簡潔, 放置了不同既醫療美容儀器!
而右手面就係化妝間, 比客人接受完療程後整理返儀容先離開 (真係夠晒體貼!)
而呢間就係抽血室, 接受ACR細胞再生療程既客人就會黎呢度作抽血及用儀器提取血清!
而呢間一望就知係影相室, 職員會係客人接受療程前及後先影幅相做記錄 (遲d我都會係度影返張相架...哈!)
大致上參觀完畢, Stephanie就帶我去見醫生啦
今次為我作皮膚諮詢服務既係劉醫生(由於醫生不能出鏡, 因此無影相!)
劉醫生先詢問我關注自己皮膚咩問題, 然後就用右手面呢個工具為我作皮膚檢查, 之後認為我比較適合接受ACR細胞再生療程, 再講解療程原理, 過程及效果如何, 有問題歡迎即時提出, 一一解答! 席間仲提醒我最好接受療程前一個星期做多d運動, 食多d抗氧化食物, 要足夠休息就最好啦, 好等之後提取血清時更能活躍細胞!!
Bye Bye劉醫生後, Stephanie再為我詳細介紹ACR細胞再生療程(可睇以下圖片)
  
得到Stephanie進一步作詳細既講解下, 令我對ACR細胞再生療程既認識程度由初步了解提升到大致明白啦.................唔該晒Stephanie!!
最後預約埋接受療程日期及時間, Stephanie送埋我出升降機大堂, 就結束呢次與Evvus既初次約會啦, 期待下一次與劉醫生和Stephanie既見面!
再續........................................
睇完以上介紹, 係咪都想同專業醫生見見面呢? 只要click入以下呢條link作登記, 就可以得到一次既免費皮膚諮詢服務一次(價值$500), 仲有$2,000美容療程現金券!
首30位登記及完成皮膚諮詢服務, 再醒你$25 Starbucks Coupon!!
http://www.evvus.com.hk/edm/201106/CBLOG0611A/Form.aspx?ref=CZTYL0711V
|
| 2011 年 7 月 21 日 星期四 |
| 訂左啦@書展, 仲有明星睇! |
分類: 未分類 |
一年一度既書展終於開始啦, 聽人話係書展訂閱雜誌, 價錢平之餘仲有唔錯既迎新禮品! 由於今年有free既入場門券(慳返$25....哈!), 一於入去啦............
未入去前, 過左尖沙咀訂埋九龍酒店月餅券先, 之後再行返過天星碼頭坐小輪過會展, 途經海港城.............比我見到佢地.......
古天樂..........真人真係好黑架...哈!
(台下樣)
(台上樣)........有返d笑容!
楊千嬅...........................真人唔算肥喎!
(台下樣)..........仲有師兄...劉浩龍!!
(台上樣)
睇完明星...............................出發去會展啦!!
主打要訂雜誌, 排左成一粒鐘先訂到, 好彩同排前面既女仔吹下水, 時間都算易過!
一齊睇下有咩禮物........
ELLE福袋一個
 
自選迎新禮物 - 到我時已經無咩選擇啦!! 不過只係呢2樣禮物, 已經抵銷返訂閱年費啦...............哈哈哈.....!!!
ELLE Club會員, 再額外送多個Tote Bag @ Vivienne TAM
書展同場加映 :
"才子" 黃貽興, 好多人排隊拎簽名!
 
分享完畢!!!! |
2011 年 7 月 15 日 星期五  |
| 為你呈獻.........POND'S明效透白防曬日霜試用報告 |
分類: 美容 |
淨白肌膚, 邊個唔想擁有?
但有時發現身邊膚色較白既朋友, 面上既斑斑比起膚色較深既為明顯, 有時都幾煩惱架!!
要淨白肌膚既同時又想淡斑, 有無可能呢?
今次有機會試用呢款 :
旁氏無瑕透白系列 flawless white
POND'S明效透白防晒日霜
售價 : $99.9
賣點 :
全新VAO-B3無瑕白皙複合因子
係咩黎架？
V係Vitamin E，係抑制UV引起黑色素�H大功臣；
A係Allantoin，可以修護受損肌膚。
O係Optics遮瑕微粒，即時加強美白效果；
B3係Vitamin B3專利成分，負責阻擋肌膚表層形成黑色素！
功效 :
明顯美白肌膚, 帶來自然白晳的無瑕光彩
淡化色斑和瑕疵
滋潤肌膚, 柔嫩光滑
SPF15及PA++, 隔離UV紫外綫
適合所有肌膚類型
粉紅色透明膠蓋配磨砂玻璃樽身, 外型幾討好!
一打開膠蓋, 傳來陣陣清新幽香花味! 唔會太濃!
淡粉紅色半乳霜質地
質感幾透薄, 爽身, 頗易推開, 唔會有"立"既感覺!
右面係搽上後, 皮膚即時變得有明亮及有光澤!
並非首次接觸旁氏既產品, 之前都有用過佢既潔面產品, 感覺尚可!
今次試用呢款防曬日霜, 朝早返工前就用佢, 搽後感覺有少少乾, 所以我會先用補濕乳霜打底先, 咁就無問題! 膚色稍為白淨少許, 但都可以接受, 唔會同頸有2節色! 家下日日太陽伯伯都同我"Say Hello!", 只得SPF15似乎略欠足夠保護, 要另外再加防晒上面, 若然防晒系數可以加大少少就會好d!
至於淡斑方面, 由於使用時間短, 未見有改善情況出現, 要再用多d時間先知!
此系列除了以上透白防曬日霜, 仲有其他產品, 又或者跟佢以下步驟護膚, 美白淡斑成效可能會快d見到................hee...hee...
|
| 2011 年 7 月 4 日 星期一 |
| 香滑肌膚, 由Bourjois帶給你! |
分類: 身體護理 |
夏天一到, 又係手手腳腳見天既日子, 係街上見到唔少女士齊齊以背心, 露背衫同熱褲上陣, 確實係養眼! 但有d就只可以遠觀, 何解? 原因係一近睇就會發現身體上有粒粒(只怪唔注意身體護理, 只著重面部), 咁就真係扣晒分啦..............
面部我地會做磨砂, 但身體其他部份好多時都會被忽略, 要靚就要靚到底...........今次有機會試用Bourjois呢2樣身體護理產品, 岩晒夏天時份用, 一齊去睇下.........
排毒美肌磨砂沐浴乳 (Detox Body Scrub)
($78/250ml)
成份 :
葡萄微籽 - 去除老化角質之餘, 更能排毒抗氧及清潔毛孔
檸檬果肉 - 含豐富維他命C, 有助傷口復元及修補細胞, 更能美白及淡化暗瘡印功效
不含防腐成份, 通過皮膚學測試
法國製造
打開樽蓋倒出黎, 已經聞到檸檬果肉香薰味道, 當堂醒一醒神!~
磨砂粒子使用時唔會令你感到粗糙, 但又做到磨砂效果, 一邊沖涼, 一邊做埋磨砂, 慳返唔少時間同金錢!!
加水起泡後, 味道稍為減淡!
用完過水後, 皮膚仍然留有少許香味, 膚色變得明亮又滑手, 讚!
沖完白白, 第二朝起身出街, 都唔想滿身汗味, 變成"味女", 咁就要試埋佢先啦!
柑橘抗菌止汗劑 (Net & Frais Deodorant)
($68/200ml)
成份:
柑橘精華 - 有效保持肌膚一整天清爽感受
抗菌配方 - 有效預防細菌滋生, 有效持續24小時止汗防臭
不含酒精, 防腐及苯甲酸成份, 通過皮膚學測試
同樣法國製造~
有效24小時止汗防臭
一噴落液下位置, 感覺好冰涼( 朝早用後成個醒神晒!), 濃郁既柑橘香味就散發出黎(開始時都唔係好頂得住), 好彩一陣過後就無咁強烈!
呢隻止汗劑, 有別於之前用果d, 唔會有粉末留係液下, 無色只有香味, 唔會整污嘈衫!
朝早用完出門口, 係office經過大半日時間, 香味仍然keep到少少係度, 但止汗方面就似乎未算有效!!
總括黎講, 較為喜歡支排毒磨砂沐浴乳, 用後確實令皮膚變得滑滑, 感覺上同身體做深層清潔咁, 毛孔清潔左, 暗粒都生少左啦!! 咁著背心出街, 都無有怕啦!!
|
| 2011 年 6 月 24 日 星期五 |
« | 138 | 139 | 140 | 141 | 142 | 143 | 144 | 145 | 146 | 147 | »
|
