| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2011 年 8 月 12 日 星期五  |
| 洗"白白"!! |
分類: 美容 |
一出街, 不期然會受到紫外線/環境污染等外在環境因素而對肌膚造成傷害
而每日帶給面部肌膚最享受既時刻就係洗面............. , 望住鏡子自己潔淨既面部, 心情都變得舒暢
挑選潔膚產品, 除左注重潔淨能力時, 如果有埋其他功能(如美白, 抗氧化, 補水)就very good啦.......
呢輪無論係美容雜誌/網站, 都會發現佢既踪影............NATIO - 全效嫩白系列 (純正天然石榴及維他命C精華, 締造亮白剔透膚色)
今次試用係系列中既其中一名成員
Renew Radiance Foam Cleanser 全效嫩白泡沬潔面膏
售價 :＄116 容量 : 100g
源自澳洲
蘊含維他命C精華, 有效減淡幼紋, 為肌膚補充水份; 豐富石榴精華具強效抗氧化功效, 可抵抗外在環境對肌膚造成傷害
當中薰衣草油及玫瑰天竺葵油有效抗炎及促進肌膚細胞再生
揭蓋式設計, 簡單方便!
使用方法 : 早晚取適量在微濕肌膚上打圈按摩, 再以清水洗淨
白色膏狀, 帶有微香, 感覺令人relax
加水後容易推開
容易產生泡沬, good!
洗面時, 聞到微香(薰衣草味), 令我感到relax! 性質溫和, 不刺激皮膚, 無敏感情況出現! 潔淨力都算ok, 用後皮膚變得亮白, 過水都容易! 就算無即時拍上保濕水, 都無繃緊感覺! 
此系列尚有其他成員 : 日霜, 晚霜及眼霜
詳情可到呢度了解 :
www.natio.com
莎莎獨家發售
|
| 2011 年 8 月 10 日 星期三 |
| 開餐@The Live House |
分類: 飲飲食食 |
選擇一間食店, 除左食物水準外, 環境同服務都好重要! 朋友介紹我去位於彌敦道(近富邦銀行)既 The Live House, 一於去試下!
由大街上要行落一層就到, 面積唔算好大, 但裝修幾特別, 係一間 PUB & RESTAURANT, 以"鼓"作為"櫈, 方便客人HAPPY HOURS時吹水......
另設有"舞台", 每逢星期一/三就會有LIVE BAND, 聽講氣氛都唔錯! 據聞老闆仲係一名鼓手, 唔知幾時會即興表演一番呢?
我地今次黎既目的唔係HAPPY HOUR, 而係食晚飯, 就叫左呢個"二人套餐" ($298)
食完餐湯後.................西蘭花帶子湯 (唔記得影相!), D帶子打到變"茸", 混入西籣花, 感覺CREAMY但又幾鮮甜!!
先黎"炸芝士薯條伴酸忌廉" (酸忌廉係自家打, 唔係用現成貨架!), 薯條熱辣辣, 配上冰凍酸忌廉, 好開胃呀.........
呢個係"送"既炸魚柳, 配以沙律醬, 味道普通啦! 不及炸薯條好味!!
 
我地選了.....卡邦尼長通粉, 份量都幾足呀, D汁香滑又CREAMY, 加埋烟肉同磨菇碎, 長通粉軟硬適中............好快就比我地KO左一大半啦!!
跟手就到"西冷牛扖"出場啦, 配以洋蔥汁燴薯仔, 七成熟既肉, 幾JUICY, 唔會"嚡"口! SO NICE~
食到呢度, 我已經變左"大肚婆"啦....................好飽呀...!!
差D唔記得有杯餐飲........................為左食埋甜品, 我就要杯熱檸茶消下滯啦!
甜品係香滑雲呢拿雪糕配朱古力醬.....................為呢餐劃上一個頗完美既句號!
睇下呢個餐廳LOGO, 都係個"鼓"黎架, 可見老闆真係好喜愛打鼓!
呢度仲歡迎各位包場舉行私人派對, 有興趣既可以考慮下
|
| 2011 年 8 月 9 日 星期二 |
| 取之身體, 用之面部 (總算沒有白抽的血!) |
分類: 美容 |
好緊張.....好緊張呀.................咩事咁緊張? 皆因今日放工後, 就會再上位於朗豪坊辦公大樓48樓既Evvus接受ACR細胞再生療程(價值$8,800)
於接待處作簡單確認預約後, 親切有禮既職員"阿翠"(協助今次療程)就帶領我去抽血室, 等待姑娘幫我抽血!
係未抽血前, 姑娘先為我作一份身體健康狀況評估, 確定我現時身體狀況是否適合接受療程(態度好認真, 唔係你比得起錢就一定會幫你做!), 接著解釋同意書內容之後, 簽完名作實就開始為我抽血啦! OH........我望見以下呢set抽血工具, 心跳開始加速啦......(實在好怕痛呢!)
獨立包裝, 保證衛生!
姑娘見我咁驚, 就搵埋"阿翠"入黎陪我(好細心呢!), 又同我傾計分散我注意力, 不得不讚姑娘手勢確係好, 真係唔痛同好快手就抽完啦! 抽完既試管, 仲即場係你面前填寫返你既姓名同會員號碼, 保證唔會用錯別人既血! (讚!)
之後"阿翠"就帶我去影相室, 為我用Bioderma落妝水卸妝後影返幅"療程前"相片!
然後再去"療程室", 躺下來舒舒服服咁洗面後再進行2次消毒面部皮膚
消毒完畢後, 就到劉醫生出場啦...........即係代表療程即將開始!!(我個心跳又加速啦.......)
係未開始前, 等我介紹下以下呢2樣係咩東東啦..................
上圖 : 黃色既就係"血清"啦, 陣間就係用"血清"作為今次療程既材料!!
下圖 : 就係用呢支"槍", 以微針導入"血清", 刺激皮膚細胞!!
係正式進行療程前, "阿翠"會再比次支"血清"我望望, 核實姓名同會員號碼都係屬於我既先開始, 100%保證唔會用錯別人既"血清"!!
好啦.......家陣已經肉隨砧板上........黎啦!! 劉醫生.......開始啦!!
劉醫生先係下巴位開始, 比我感受先, 聲音好似"衣車"聲咁, 呢個位置又可以接受喎, 唔算痛! 跟住開始其他位置啦.......
面頰位 : 比下巴位置較少許痛
腮邊位 : 完全唔痛
眼肚位 : 少許痛 (要死頂一陣)
額頭位 : 最痛, 可能有骨關係 (真係死頂........為左靚!)
打晒成個面部後, 劉醫生再重點係毛孔位置比較大既地方(面頰位置)encore!!
見到嘛? 我個面已經佈滿紅點(其實係針孔), 皮膚亦都紅晒, 好嚇人呀!
打左大約15分鐘就完成啦, 再等5分鐘比皮膚再吸收多d"血清", 之後"阿翠"為我搽上Gel Cream, 好等皮膚盡情吸收水份(由於皮膚面有針孔, 搽時面部感覺好"拿"呀....)!
"阿翠"仲細心提醒我當晚只要用清水洗面便可(怕潔面乳會刺激傷口引起痛楚), 仲比埋水份護理面霜(4日份量)我返去塗搽, 切記要做好防曬功夫!!
做完第二日訓醒, 紅印已經淡退一大半, 但針孔仲仍然存在, 搽上水份護理面霜時, 仲仍然有"拿"既感覺, 但摸落去皮膚有彈性, 毛孔變得比較細緻, 搽埋防曬霜就出門口返工啦!
(Evvus職員係第二日再來電詢問皮膚有無任何不適 (好有責任感!!)
到了第五日, 紅印已完全退晒, 而針孔印亦已康復, 毛孔比較粗大既地方確實明顯收細(相中可能唔覺, 但自己照鏡時就知!) 膚色比之前變得均勻, 觸感變得更有彈性, 呢d就係因為皮膚細胞再生所得既效果? 未試過真係唔信, 做一次已經咁有效果, 確實係勁! 
療程後, 每日望鏡時見到自己既皮膚有所改善時, 心裏十分感謝今次有此難得機會接受ACR細胞再生療程! 若然價錢可以親民些少, 就perfect啦!
Click 入以下呢條 Link, 醒你價值$2,00現金券及由專業醫生皮膚諮詢服務一次(價值$500)
http://www.evvus.com.hk/edm/201106/CBLOG0611A/Form.aspx?ref=CZTYL0711V
|
| 2011 年 8 月 5 日 星期五 |
| 今次係........1支搞掂"曬"! |
分類: 未分類 |
太陽高掛, 酷熱天氣警告持續發出, 熱到人都無咩心機.......... ! 夏天既美容產品, 買得最多除了係美白系列外, 都要數防曬用品啦!!
某日午飯後行開屈臣氏, 比我發現呢支包裝可愛既防曬噴霧, 望望價錢($89.9), 一於帶囧城?.....哈!!
Deary美白水感防曬噴霧 (SPF 50 PA+++)
Deary 媞爾妮是台灣名氣美容品牌，屬統欣生物科技公司其下品牌之一，在身體及臉部保養品領域開發專研，給肌膚最佳的呵護! 統欣生物科技於2010榮獲美妝保健生技業台灣第一品牌殊榮。Deary 以有機草本原料，配合獨特研發技術，加創新高質物料，為每位女生提供美容流行產品，其面膜銷售更是台灣連鎖便利店排行第一，其他產品包括身體潤膚、沐浴系列及臉部面眼膜護膚系列，仔細呵護妳的全身肌膚! Deary 進駐香港市場後，繼續深受大家喜愛!!
有機歐薄荷美白水感防曬噴霧，提供全天候的防護、修護、溫和美白及長效防曬的弁?lt;span style="color: black">。
主要成分及幼?lt;img src="http://l.yimg.com/mq/i/icon/16/15.gif" alt="" />
法定美白成分SAP維生素C磷酸鈉
- 溫和美白肌膚
英國土壤協會有機認證歐薄荷PLUS+
- 透涼舒膚，舒緩鎮定，天然清香
橄欖葉萃取精華
- 富含植物多酚，幫助肌膚抗氧化
露珠草萃取精華
- 使肌膚舒緩，以降低熱天的不適感
簡單噴霧設計 (搖均後於距離皮膚15公分即可使用!)
一噴皮膚即時感到冰涼效果(炎夏用...爽呀!)
質地清透，貼心的噴霧設計簡便易用，細細支(50ml)方便帶出街補搽，適合用作身體防曬護理，絕無添加化學防曬劑，減低肌膚刺激，適合敏感或脆弱肌膚使用。使用後，皮膚表面彷似有層保護膜，一陣過後，就會被皮膚所吸收!!
呢支防曬噴霧水感冰涼，防曬效能令人滿意SPF 50 PA+++)，唯美白效果暫時未見到! 但以咁親民既價錢有此幼纂A值得回購!! |
| 2011 年 8 月 1 日 星期一 |
| 櫻花吻在我的臉上 |
分類: 美容 |
天氣咁熱, 濕度又咁高, 衫都盡量著少d (可以的話....哈!)
面上的皮膚都想比佢透下氣, 唔想搽咁多野上去! 護膚品都有多功能, 搽一樣就有多種效果.......幾好呢!! 咁化妝品方面呢? 有時連粉底都唔想搽, 但又想有好面色??........腦海即時諗起 BB Cream!! 無錯............. 呢個都係其中一個懶人方法, 但始終都要加上碎粉先有更好效果!
有無d再簡單方便d既產品呢?? 朋友就介紹左以下呢支比我試啦......
裸妝新寵兒∼ KilaDoll 櫻花美肌嫩白霜
台灣上市3個月熱賣超過5萬支哦！
適用於臉部、身體、手臂、腿部等，只要輕輕一擦，全身都可呈現自然粉嫩肌膚!
產品特色：
>>> 智慧型的保養品
利用保養品製造技術，質地細膩，輕薄透氣感，不阻塞毛孔，不刺激肌膚，達到保養兼潤色效果！
>>> 潤色
萃取自北海道櫻花中的成分，當擦拭於肌膚時，能自然透出天然櫻花般的粉嫩好臉色，彷彿如影隨形隱形蘋果光，淡淡清香，天天透出自然薄透完美糖瓷素顏美肌，各膚色肌膚都很適合。
>>> ALL IN ONE 全方位
輕輕一擦立即吸收，肌膚展現晶瑩剔透，不掉妝、不殘留不會阻塞毛孔，即使敏感肌、任何膚質皆可輕薄完妝，潤色效果持續一整天, 只要一瓶 隔離、潤色、保濕、遮瑕，一次完成。
>>> 24小時滲透保養
含傳明酸、玻尿酸、.. 等嫩白保濕成分, 將營養成分快速滲入肌膚，讓肌膚保濕保水透亮，自然透出亮彩光澤，除了能修飾肌膚原色、遮瑕、修飾粗大毛孔外，天天使用，肌膚一天比一天更白皙，一天比一天更水嫩，白天晚上都適用。
>>> 防水防汗防掉色
因為沒有粉，所以不易脫妝、浮粉、妝龜裂問題，也不會沾到衣服、手機．．等；防水效果，夏天悶熱之季不會因汗水造成尷尬的妝容。質地細膩，輕薄透氣感，不阻塞毛孔，不刺激肌膚。
容量 : 30ml
 
質地 : 粉紅色乳液狀, 有輕微花香味!!
雖則係乳液狀質地, 但搽於皮膚上, 要推一段時間先算均勻!!
右手面係搽上嫩白霜, 膚色明顯白, 唯遮瑕方面能力不足!
而且保濕方面效能都唔足夠, 出現乾紋, 建議要先搽上補濕面霜打底先!
總括而言, 此產品比較適合膚色唔太深既女生使用, 否則會出現面頸2隻色 !
每次只用好少份量, 薄薄地搽一層已足夠!!
同埋此產品不含粉, 無需落妝, 都算方便!!
想知更多, 可以click以下網址:
http://www.enid.com.hk/ |
« | 138 | 139 | 140 | 141 | 142 | 143 | 144 | 145 | 146 | 147 | »
|
