| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 2支搞掂"曬" |
分類: 身體護理 |
女性除左怕肥, 仲怕咩呢?  咪就係怕曬黑囉!! 一但曬黑左, 都唔知要搞幾耐先會變返白, 都咪話唔頭痛!!
既然係咁, 就一定要做好防曬準備! 今次等我介紹呢個防曬新品牌比你地啦
Ocean Potion防曬產品系列迅速發展的主要原因，在於優質產品、物超所值和創新理念。1980年至1990年初，Ocean Potion古銅助曬和防曬乳液已添加豐富滋潤配方，提供皮膚多倍水份滋潤，讓您無懼日間陽光。至今Ocean Potion擁有全系列防曬和助曬產品，包括古銅助曬系列、防曬系列及曬後滋潤系列。
其下防曬商品皆通過美國皮膚防癌基金會(Skin Cancer Foundation)認證, 可有效阻擋紫外線, 並降低其對肌膚的傷害。
呢支就係抗衰老防曬乳SPF70
HK$89.5/3OZ
除左有防曬度70外, 仲有其他度數選擇
特點如下 :
牙膏型包裝, 揭蓋式設計, 單手就可以開蓋, 方便簡單!
白色乳霜質地, 充滿香橙味(似積及橙餅果隻香味呀..哈)
質地幾輕薄, 而且無其他高度數防曬產品咁厚身難推! 皮膚亦唔需要長時間就吸收左!
推勻後, 膚色較為白左, 但可以接受, 唔會過份偏白!
搽後就去左行西貢睇龍舟比賽, 當日時晴時雨, 氣溫又高, 睇左一陣已經汗流浹背(好彩佢係防水防汗!), 玩左半日, 返到屋企都發覺皮膚稍為曬紅左少少, 都幾OK喎!!
既然皮膚有d發熱及發紅現象, 咁係時候要出動佢啦.............
曬後護理產品 - 蘆薈啫喱
HK$79.5/8.5oz
100%純蘆薈啫喱
成支綠色透明樽身, 視覺上已經比我涼快舒緩既感覺!
 
產品特點 :
半透明綠色Gel狀
質地輕易推開, 有輕微香味!
搽於皮膚後, 感覺幾舒服水漾, 唔會有"痴立立"既感覺!皮膚表面變得有光澤! 咁大支又價錢相宜, 搽均手腳都唔肉痛啦!
夏天有左呢對護理產品, 咁就可以放心同陽光玩遊戲啦! YEAH~~~
|
2011 年 6 月 16 日 星期四  |
| 2011 年 6 月 8 日 星期三 |
| 修完真係唔同d既!~ |
分類: 身體護理 |
早前收到電話通知, 中左Sina Ladies月份獎品, 禮物係就手部護理或美甲服務
正呀! 最鍾意就係修甲, 一於做呢樣啦...........
地點就係位於銅鑼灣既TIARA NAIL啦!
全店面積唔算大, 的的式式啦!
做腳部療程既就係呢度進行
使用甲油當然唔少得essie同OPI呢d熱門之選啦, 而且顏色選擇都幾多, 我既選擇困難症又出現啦! 哈...
想要多d美甲裝飾? 當然無問題啦, 呢d都係由美甲師親自設計架!
好啦..........開始進行修甲啦.......!!
枱上放滿各式各樣工具!
修甲前....................oh...搞到我都無心機搽甲油!
首先就浸軟d甲邊死皮先!!
然後開始修甲型, 剪死皮, 搽指甲護理液, 最後就搽甲油啦!
美甲師手勢都幾好, 奈何態度有些少COOL, 唔多說話!
係老闆娘既幫助下, 我選擇了essie既呢支紅色, 岩晒summer時搽! 睇下, 修完之後, 係咪靚好多呢?
多謝收看! |
| 2011 年 5 月 27 日 星期五 |
| 非一般洗面方法之潔面膏 |
分類: 美容 |
洗面 - 係每日必須進行既護膚程序之一! 但究竟我地每日洗面, 皮膚係咪真係變得乾淨呢? 
答案 : 梗唔係啦!! 如果係既, 咁就唔需要有深層清潔面膜啦!
若果擔心深層清潔面膜刺激過頭, 其實可以試下佢.........
Esthederm無粒子滲壓深層潔面膏
法國製造
價錢：$336
容量：75ml
適合任何皮膚(包括敏感性皮膚)
具深層潔淨及軟化角質功效，用後毛孔明顯暢通，同時清除黑頭 及收細毛孔，去除老化角質，使皮膚回復光潔亮澤。
白色膏狀質地
使用方法：潔面及印乾後，取約 1元 份量，輕輕在皮膚上打圈按摩，直至潔面霜轉為白色及有黏手感覺，即可以清水洗淨。
油性 、暗啞皮膚每星期用2~3次，中性 、乾性皮膚用 1~2次。
呢排天氣熱, 面上出油多左, 每星期用2-3次! 呢款深層洗面膏既使用方法好似"潔面/卸妝油"咁, 要乾手乾面用(但要潔面後!) 質地都幾易推開, 係面上打圈按摩大約2分鐘就開始有黏手感覺, 過水都容易, 用後皮膚唔會覺繃緊(有別於深層清潔面膜, 用完皮膚會好乾, 要即刻用返個補濕面膜!)
用完發現毛孔乾淨左之餘仲變得細左d(可能因為無左d污物係毛孔內! 哈....) 暗粒都比之前出少左! 唔想刺激皮膚但又想有深層清潔效果, 呢隻可以考慮下!
|
| 2011 年 5 月 24 日 星期二 |
| 無痛向黑頭Say Goodbye? |
分類: 美容 |
想皮膚健康, 好多人都知要食多d士多啤梨
但當"士多啤梨"+"鼻" = 士多啤梨鼻, 相信無人會想要!! 但現實呢樣野, 無話你唔想要就可以唔要! 因此坊間亦都有唔少"去黑頭"產品, 有黑頭貼, 去黑頭面膜, 但往往呢d使用時都會有痛楚!
得知以下呢種產品可以聲稱"無痛去黑頭", 究竟係咪咁使得? 一於試下先.......
產品介紹: b.liv Off With Those Heads (blackhead sebum gel)
由cellnique研發，調和茶樹精油與金縷梅萃取物，軟化毛孔堵塞物，還原人體自然油脂分泌，溫和無刺激，讓你無需痛苦擠壓，在14天內輕鬆和頑固黑頭、暗瘡說再見，讓你脫離士多啤梨鼻一族! (字面睇都好吸引下喎.... )
產地: 新加坡
成份及功效:
茶樹精油:控制 減少粉刺及暗瘡滋長、去炎消腫、殺菌抑菌
金縷梅萃取物: 預防黑頭粉刺形成、平衡油脂分泌、緊緻毛孔
蘆薈萃取身: 消炎滋潤、修復受傷的暗瘡印和疤印
薄荷精油: 高效潔膚功能、改善油性皮膚問題
$360/30ml
使用方法:
1)每天早晚徹底潔膚後使用
2)每次用量為2-3滴黃豆大小份量
3)塗抹在T-ZONE或出現黑頭粉刺部位
質地:透明啫喱狀
呢款產品搽上後, 由於有薄荷精油成份, 感覺幾冰涼(幾岩呢個天氣用!)
啫喱質地, 搽上後都幾快被皮膚所吸收, 但開始有少少收緊feel, 唔會有"拿"既感覺! 等佢完全被皮膚吸收後, 就可以照常用返精華素/面霜!
用左大約10日, 期望佢可以幫我溶解鼻樑上既黑頭(呢度真係好難搞!)但發現黑頭仲仍然係度 ! 而鼻頭同鼻翼位置, 黑頭/油脂浮上面層, 比較容易清走佢, 咁都算幫到手清到部份黑頭既!
|
« | 138 | 139 | 140 | 141 | 142 | 143 | 144 | 145 | 146 | 147 | »
|
(之前都有出文介紹過!)
