| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2012 年 3 月 13 日 星期二  |
| Cosmopolitian 一出手, 真係好重手呀! |
分類: 生活篇 |
之前參加Cosmopolitian既遊戲(已忘記幾時玩過), 忽然收到得獎通知..............勁驚喜呀, 多謝HUBBY相助代為領獎!!
禮品為Beauty Happy Box，包括：Za 鬈翹美目睫毛液、AQUA LABEL 膠原保濕水(200ml)、Majolica Majorca 炫彩魔法眼線液、UNO 極速修護保濕液(160ml)、ettusais唇部修護精華、專科 乳潤化粧水(200ml)、TSUBAKI修護潤澤洗髮露(550ml)、SUPER MILD 草本清新洗髮露(600ml) 、護髮素(600ml)及修護髮膜(200ml)、Aquair 涵水滋養凍蜜(100g)，總值$901
真係HAPPY呀............................
|
| 2012 年 3 月 9 日 星期五 |
| ESTEE LAUDER CyberWhite Brilliant Cells Blogger Gathering |
分類: 美容 |
最近係電視/雜誌廣告都經常見到ESTEE LAUDER全新CyberWhite Brilliant Cells產品廣告, 重點介紹新成員全能細胞亮白盈潤晚霜及Extra Intensive BB Creme Multi-Action Formula SPA 35/PA+++
今次好開心有機會出席於ESTEE LAUDER Beauty Centre所舉行既CyberWhite Brilliant Cells Night Bloggers Gathering
雖然外出天氣忽然又凍左d, 但一入到去會場, 見到藍天沙灘, 椰林樹影既佈置現場, 即刻好有Summer Feel呀...........
配合現場環境, 品牌向每位出席者先送上草帽及花環 (好有心思呀!!)
仲邀請左2位外國男Model, 一身沙灘裝束打扮, 令室內氣溫再升高d呀...哈
由於害羞關係, 無同佢地影相........
仲送上有關產品資料比我地進一步了解!! (體貼咪就係咁囉!)
擺設左一系列CyberWhite Cell既護膚品
當然唔少得化妝品啦........^^
之後就見到靚仔化妝師Leo到場(現場氣溫又再升高d啦.....哈)
向我地介紹今次gathering既3位主角.......
先出場有.........CyberWhite Brilliant Cells Full Spectrum Brightening Essence
第二位出場就係新加入成員CyberWhite Brilliant Cells Night 全能細胞亮白盈潤晚霜
兼且教我地每晚使用時既手勢(如下), 更加令產品發揮功效, 只需每組動作重覆3次就ok, 輕鬆方便!
(由額頭開始至頸部既淋巴位作完結)
之後就介紹埋另一位新成員Extra Intensive BB Creme Multi-Action Formula SPA 35/PA+++ 亮白防曬調色底霜
即場向我地示範塗搽技巧 :
先取出大約"五毫子"份量於手上, 用掃於T字位, 顴骨, 下巴位置加重BB Cream份量, 其餘份量就平均塗搽於面上!
有需要既就再重遮瑕膏
然後再加上碎粉定妝 (手勢以180度滾壓式上粉)
跟著以上方法, 就可以使輪廓更突出, 妝容變得自然貼服啦!!
又學到野啦! 哈....
黎到呢度, 品牌仲安排職員為我地利用全能細胞亮白盈潤晚霜作手部按摩 (好豪呀!)
雙手得到前所未有咁滋潤呀.......好柔滑呀!!
只係雙手體驗就點足夠呢? 品牌送給我地每位一袋試用產品, 比我地返去細心感受使用於面上既威力, 試用報告待續............................
CONTACT ME : [email protected]
|
| 2012 年 2 月 29 日 星期三 |
| Nice to "Meet the Power Couple" by CLINIQUE |
分類: 美容 |
2月22日, 三條"2"........."宜" "識新朋友".....?!
我既答案係 : 梗係................仲一次過識到幾位"新朋友"tim....
好高興有機會出席Clinique "Meet The Power Couple" 發佈會, 地點位於飽覽靚景既The One (位置相當方便!)
Harlans@The
係門口作簡單登記後就進入會場啦...........
今次發佈會既兩大"主角"已經靚靚咁展示係會場
仲有支"特大"既Even Better Clinical Dark Spot Corrector 勻淨科研淡斑精華, 梗要同佢影返幅靚相啦.....
又點少得佢呢? Even Better Makeup 勻淨科研粉底液 SPF15/PA+++
全套10隻色既粉底液任我地試用, 我就當然急不及待, 讓親切又專業既工作人員為我挑選適合我膚色既型號啦!!
發佈會現場以白色為主題 (最愛面前既白色繡球花), 時間都差唔多, 各blogger亦已安座最佳位置準備發佈會既開始! 枱前亦已放置1 Set試用產品, 方便我地一路聽介紹, 一路可以感受有關產品既質感!
見到一身白色打裝既靚女MC出場, 就知今次既發佈會正式開始 :
於1968年創立CLINIQUE品牌，推出護膚和彩妝產品，所有產品全部通過過敏性測試，百分之百不含香料。產品滿足各種不同肌膚類型的需求，由一流的皮膚學專家研製發明。
之後有請Clinique Marketing同事為我地介紹呢對"Couple", 先介紹 Even Better Clinical Dark Spot Corrector 勻淨科研淡斑精華 (HK$520/30ml) (HK$730/50ml)
集合三大特點:
1) 臨床實驗證明, 持續使用12個星期後, 效果媲美醫學專用配方, 顯著減淡色斑達58%
2) 專利CL-302複合劑以先進技術從植物提煉而來, 証實明顯能均勻膚色達53%, 令肌膚變得更明淨光亮
3) 蜚聲國際, 嬴取達61個世界性獎項, 更創下每11秒鐘全球售出一支的紀錄
咁吸引....., 更要即場體驗下啦 (質感水凝, 輕輕係皮膚上打圈, 瞬間已被皮膚所吸收晒!! 皮膚即時變得明亮有光澤........)
好東西梗唔好比佢停......之後到另一位主角出場啦 Even Better Makeup 勻淨科研粉底液 SPF15/PA+++ (HK$230/30ml)
產品特點 :
即時遮瑕同時護膚
第一款由皮膚科醫生研發的粉底, 將勻淨科研淡斑精華的護膚科技延伸至粉底液, 不單即時遮蓋惱人的色斑, 同時有效改善色素沉澱而引致的膚色不均!
高效淡斑成分
包括活性維化命C複合物(Highly Active Vitamin C Complex) 及維他命E(Vitamin E), 能擊散積聚增深膚色, 及預防未來色素加深, 將各種因日曬, 黑斑, 老人斑及暗瘡痕跡遺留於面上的瑕疵一一拭除, 呈現更明亮完美的膚色!
柔滑亮澤妝容
專為亞洲肌膚研製共十種不同色調, 適合混合性偏乾至油性類型的肌膚, 同時蘊含礦物成分, 提供中至高度遮瑕效果, 肌膚即時顯得柔滑亮澤!
2月24日起於各Clinique專門店及專櫃發售
工作人員為我挑選 #65 Neutral, 試上手質感幾幼滑細緻, 易推開^^
呢支粉底液, 提供中度至高度遮瑕效果, 若果想重點修飾黑眼圈, 暗瘡印或色斑, 可以用埋呢盒即將會係三月推出市場既遮瑕膏
(只需用手指微溫於所需位置上輕印, 就可以輕易遮蓋瑕疵, 而且仲唔乾, 用於眼肚位置就唔怕會出現乾紋啦!!)
識左呢幾位"新朋友"後, 靚女MC仲請到品牌化妝師 Miranda同靚女Model為我地示範利用相關化妝品, 化出一個自然又吸引人既妝容啦, 期間仲同我地分享一d化妝小貼士!
只需數分鐘就完成妝容啦, 睇下Model樣子幾咁明亮照人!
身處The Harlans, 又點會少得美食呢? 多謝品牌細心既安排, 味道唔錯呀! 哈....
除左有好味Tea Set, 仲有東西玩.........每人都有1隻"蛋殼"植物, 仲可以發揮你既美術天份, 用顏色筆幫佢扮靚^^
最後, Clinique仲送上禮物包給每位出席者, 包括 : Even Better Makeup 勻淨科研粉底液 SPF15/PA+++ (#65 Neutral) 及 Almost Lipstick 柔滑透亮唇膏 (Luscious Honey) (共有6款顏色選擇)
開心既時間過得特別快, 期待下一次既Event............
想要詳細產品資料, 可登入品牌網站
http://www.clinique.com.hk/
CONTACT ME : [email protected]
|
2012 年 2 月 23 日 星期四  |
| 排毒美顏寶(外用篇) <BIOTHERM WHITE D-TOX> |
分類: 美容 |
較早前有機會可出席Biotherm "WHITE MAGIC" FROM THE DEEP 發佈會, 但早已有約去唔到..............哭!!
但仍然有機會試用兩款美白系列產品...............................笑!!
再一次繼續我既美白工程...........................................再笑!!
WHITE D-TOX Whitening Essence (全能光感美白精華)
$550/30ml
Biotherm結合超過兩個世紀的專業知識發展美白排毒技術, 集兩大功能於一身!
全新配方含有活性複合物: 強大抗氧化能力Venuceane元素及有自然美白能力的掌狀紅海藻萃取液Palmaria P.和Acty
使用方法 : 用點塗方式輕柔塗抺直到均勻覆蓋臉部和頸部
粉紫色乳霜質地, 塗上手推開時都算簡易, 但輕微有乾緊感覺
使用後 : 膚色變得更均勻, 明顯被修飾過, 毛孔位置變得無咁明顯! (建議搽好補濕面霜打底先, 咁乾緊感覺就消失啦!)
作為一支隔離底霜, 有SPF 30 PA已足夠出街用, 遇著唔想化妝日子, 只搽呢支都可修正膚色, 又有防曬功效, 咁都唔錯呀~~
有左呢set"排毒美顏寶", 美白工程繼續努力....................
CONTACT ME : [email protected]
排毒高手 :
Venuceane元素在肌膚表面有助於消除因環境毒素(污染, 污濁空氣, UV等)所刺激引起的肌膚暗黃, 令表皮細胞淨化排毒, 將暗啞皮膚上的黑色素殘留物和毒素均一掃而空!
美白聖手 :
Palmaria P. 掌狀紅海藻萃取液及Actyl C以達至雙重美白排毒新勢力, 有助於消取毒素和色斑所形成的灰色面紗! 掌狀紅海藻萃取液是取自大西洋的東北和西北海岸的野生紅海藻發現的𧗠生物, 含豐富蛋白質, 維生素和礦物質, 能阻截皮膚內的黑色素細胞的黑色素上流, 淨白肌膚!
每次只需2-3下就足夠我全面!
質地水凝, 延展性不俗, 輕易被推開, 感覺幾舒服, 唔擔心對皮膚造成負擔^^
使用約2星期, 皮膚色澤變得較勻淨! 去暗黃效果唔錯! 但仍未能擺脫美白產品一般補濕持久度欠佳既評價, 建議之後使用補濕度較高既面霜/乳液!
肌膚內部問題初步被解決, 咁梗加要做好外在保護功夫, 想即時改善面色+防曬功效? 咁就要用埋佢啦...............
WHITE D-TOX Bright-Cell correcting make-up base (SPF30 PA++)
修顏隔離霜 (30ml)
含BRIGHT-CELL復合物和色彩調和因數, 輕薄質地更易於推開, 打造自然通透的膚色, 可令後續彩妝貼合肌膚
含光譜Mexoryl SX 和XL UV防護網, 給肌膚每日的UV防護, 更有植物精粹對抗污染淨化肌膚
備有6種色澤
今次使用既係.................柔光紫 (功能 :勻衡潤色)
|
2012 年 2 月 17 日 星期五  |
| 按摩+美白+潔淨, 一次過滿足晒我!! |
分類: 美容 |
打開美容雜誌, 美白產品既宣傳廣告已經佔據左不少頁數, 係時候"提醒"我地要展開新一輪"美白工程"啦
展開"美白工程", 首先由潔面開始..........今次有機會率先試用SOFINA ALBLANC既新美白潔面產品, 真係未使用, 先興奮呀.......^^
SOFINA ALBLANC White Create Massage Pack 美白按摩面膜
蘊含美白有效成分"洋甘菊ET", 潤白活性成分及多種有效護膚成分, 包括尤加利精華, 白樺樹精華及柚子精華, 有效抑制黑色素訊息"內皮素"傳遞！防止黑色素形成, 保持白晳素肌!
透過按摩, 能打通淋巴及促進血液循環, 徹底去除內外污垢, 令肌膚變得明亮, 成就光亮潤澤的動人素肌!
使用方法 : 每天使用一次 (微香性, Cream狀質地, 好易推開)
唧咀設計, 方便衛生!
使用份量 : 5蚊銀份量便可
如下圖按摩手法 (只需1-2分鐘)
之後停留係面上3-5分鐘便可過水𨑳
使用前 : 膚色比較暗啞泛紅同有黃氣!
使用後 : 膚色明顯比較均勻, 無咁暗黃!!
只需一個過程, 清潔同時進行美白, 慳返唔少時間, 而且用完皮膚唔會覺好乾!
使用左三星期, 膚色未見明顯變白, 但覺去暗黃效果唔錯! (哈...咁都幾好呀!)
唯獨係作為一支日常清潔產品, 價錢若果可以親民些就更好啦!!
想進一步了解SOFINA產品, 就要click入以下網址 :
web.sofina.com/hk
每支容量 : 125g ($420)
 |
« | 130 | 131 | 132 | 133 | 134 | 135 | 136 | 137 | 138 | 139 | ... | 147 | »
|
