昨晚我9點鐘睇完紀曉嵐~
諗住係廣告時間入房小睡5分鐘..再睇tv~
點知...唔使30秒...天昏地暗....睡著了~~
起身已係1點-.-...仲要係媽媽電話打黎先醒....一訓就16個鐘=0=
真舒服~~~
但tv就無睇lu....><
算...起碼解決了我呢個禮拜既失眠問題....但可能只係昨晚太累~~~
anyway....我起身後2點半先落樓食我既"早餐"^^~
落到去.....竟然有3個伙計同一時間問我食咩~
呢個叫我食唔知咩飯...果個叫我食干炒牛河~~
可能係我落得黎太多啦....佢地都估到我大概鐘意叫咩食(其實當時我想食特餐2算lu~)
不過見佢地咁好...就選擇左食干炒牛河~
點知我發現果時已經係2點40分了...應該過左午餐時間40分鐘....無午餐了..
照計要成30幾蚊就食到-.-..點知佢地當番午餐時間既價錢比我...果然舊客係著數d咁啵~~
一落左單果個叫我食干炒牛河既人就話"我即刻入去炒比你食"
跟住就消失左lu...無出廚房...嘩...我唔係著數到咁呀....仲有其他客嫁啵..
點知仲勁....我個時同緊一個伙計同一張枱..我地兩個人坐...佢正在食飯左...食左一半~~
果時岩岩我杯凍奶茶黎左...佢就同我講話"你等等"...跟住就走左入去廚房~
我以為佢有野做...無得食住先啦...點知我又見到個個話即刻炒比我食既伙計走番出黎做野啵...
點知...過左一陣....佢拎住碟干炒牛河出黎比我...跟住佢繼續食...
嘩....我一個客竟然能夠動用3個伙計...突然覺得好好...成個貴賓咁....好開心...
街坊街理既生活..真係好好....仲令我有點感動添...
|
