今日八點半度先起身，唉！放榜日都係咁…其實之前都幾有信心架，Bio Chem~之後起身整野，整好晒就同阿婷去搭西鐵喇！約左阿Bee 同埋阿鋒佢地食早餐…不過九點三我地仲係天水圍，佢地個時已經準時到左喇…真係唔好意思喇！之後去左KFC 搵佢地，佢地係度呆等左好耐…So Sorry

之後食早餐，當時見到阿鋒同埋阿Bee 的心情我都知道自己唔係好緊張，佢地真係好在乎…雖然我唔係唔在乎，不過唔知點解好似無咩放榜日應有的心情。食完之後就返去學校，已經有得拎了…入左去教堂，見到好多同學仔都拎晒！阿良行埋黎第一句就同我講，我地班Bio 無人Pass，Chem 得幾個…聽完之後好希望自己係其中一個，不過到我拎個時已經知道唔係我黎架喇！真係頂…第一眼睇落去，已經有U。之前一早已經預左自己Eng U架喇…之後睇晒自己的成績，真係唔係幾相信。點解會咁架？真係唔信…Bio 中晒Point，無理由會咁，Chem 都話可以會咁呀，最大機會係條Essay 拎唔到分，先會Fail。個時真係呆左，睇下係唔係自己張成績表！但事實真係我架…>_<

之後都無咩心情，呆下呆下…跟著周圍傾下計，個個成績都係咁上下。之後係咁傾傾傾…愈傾就愈無咁唔開心，介有講有笑添！唉~ 我真係令到好多人都對我失望，Will、Miss Leung、Miss Ma、Lo Sir…Bio Chem 我真係唔知點解會考成咁！唉…其他個兩科都唔滿意，最在意都係個兩科AL，我唔甘心點解會拎D 咁o既成績，雖然我唔係好勤力，不過都唔係太懶呀…拎U 會唔會有少少過份呢？

同佢地成班傾傾下，愈講愈興奮，之後仲話去埋唱K 添！但係阿婷個成績會可以去入High Deep，所以佢要問Miss D 意見…之後我就同佢去左銀行整野喇！都整左幾耐…然後行左去嘉城，乜鬼都未開！就行左去千色喇…行左陣就係寶島左少少野，食完見佢地仲未黎到就去左三聯睇書。無耐佢地打黎話得返四五個…都幾多人唔去。是但喇…照去！去到都唔係比想像中咁多新歌唱，加上自己又有好多新歌唔識，都唔知去睇MV 定去唱K？

五點幾就走了，有D唔舒服，去左遵理度拎野…臨走時真係好唔掂，要去廁所！Then K73 回家，返到銀座就去左食飯，拎完位就等爸媽…今次D 野縮晒水，同之前差好遠！食完就送阿婷返屋企，佢就有排忙喇，要整Jupas D 野…我就返屋企休息，睇電視、沖涼、玩電腦！

出路如何？