今日又好大頭蝦咁，忘記了帶八達通，仲要連幾蚊散子都無......
結果上左Van仔先發覺，自己無錢比，得張$100......
最後只好誠實咁同司機講啦，但最後竟然得到一個我意想不到的答案。
佢好好人咁話唔緊要，叫我下次見到佢先入返。
係果一刻我真係好意外，而且好努力咁記住佢個樣，記住下次入返。
不過我都好懷疑，自己係唔係記得佢個樣。
點都好啦，總之下次要記得入返啦！
今次已經係我第3次，上左車先發覺自己無$$了......
前果2次，就話遇到非常好心的乘客幫我入，今次就遇到了好人司機。
感謝神!!!

因為Club Mgt Test既關系，好多人都掛住溫書，無返到學。
就算返左既，E-tourism堂佢地都寧願去圖書館溫書，都唔上堂。
最後E-Tourism成級，都只係得18個人上堂......

測完先發覺，Club Mgt都係吹水科來的。
真係可以聽阿Sir講，唔背都OK~~
不過上堂就一定要留心聽書，要懂得活學活用。
阿Sir成日話係Common Sense，但又成日嚇我地一定要睇書wo~~
雖然吹左好多野，不過唔知係咪佢想要既野。

今日除了是感恩節之外，
亦是阿細結婚既大日子，
而且是星星、阿Sa攞十份一的日子，
及惠君升家員的日子。
還有，是我返教會7週年的大日子呢！

今日又係未停過，中午連飯都未食，只係食左一片包。
婚禮原本2:00pm開始的，不過新娘子到2:20pm都未見人。
新郎只能乾等，差d比我地迫佢跳舞架啦，不過好彩呢個時候，新娘子終於出現啦。
演藝部除了獻詩之外，仲有跳舞呢，好靚呀！
婚禮完左，相都只係影左一幅，就要趕返書院......
等影想期間，又去左找允呈、允心玩。
允心好肥DoDo，仲好乖，邊個抱都唔喊的。
巡遊Rehearsal不斷跳，再加無乜食過野，都幾攰o下。

太好啦，太好啦，感謝神！d阿Sir, Miss終於肯讓步了。
而且我果幾組，都抽到好日子Presentation，唔駛堆埋一堆。

19/11  Club Management Test
27/11  F&B Test
30/11  Club Mgt Assignment+Rooms Division Assignment
03/12  F&B Assignment 3 Presention
04/12  Marketing Presentation
07/12  Marketing Assignment+E-tourism Assignment+E-tourism Presentaion
17/12  F&B Assignment 4 Presention
18/12  Rooms Division Present
20/12  交演譯稿

最後，今日既Marketing Phase Test，我係完全地失敗......

好驚，越來越近月尾，就越來越忙。
餘下的11月+12頭，還有3個Test+5份Assignment+4個Presentation......
會做死的......我地話下星期，分分鐘日日放學，都要留低傾project......
另外，還有百週年、葛福林、Cell聚、小組聚資料、開Cell資料、感恩節筵席......
上帝呀，求你加力，讓我有力量面對。
我唔想樣樣野都做得唔好，好想兼顧到所有野，有可能嗎？

另一方面，個個同學都話只是測驗功課都忙到癲，無時間做其他野。
根本無人肯去17/11 & 2/12......
只好見大家都咁忙，多一點關心佢地啦......希望比佢地知道主耶穌愛佢地啦......

哈哈，現在身在LRC，等一陣7:30pm同工做街佈。
坐左係到成個鐘，都唔發覺原來陸熟一直都坐左係對面。
若不是他起身走人，我諗大家還是發覺唔到。