一早就同麗霞出左樂富，事關大板牙約9點。
見咁早就到左樂富，我果團約9:45am，所以就去左麥當當買早餐食了。
點知去到麥當當門口，竟然遇到高志恆、余肇龍、強。
原來佢地約一齊食早餐，所以就順理成章，同佢地一齊買外賣食啦。
好耐無食過麥當當既早餐，好好味呀！^u^
大家都幾準時，大部分人9:45am都到左。
9:50am就已經齊人了，除了......Yoyo......
唔試過，又點知趕唔切呢......
搭旅遊巴，一齊唱歌仔、玩遊氣。
點知去到科大附近，司機叔叔轉錯左入西貢市中心呢。
我話比佢聽行錯路又唔信，最後入到西貢戶外康樂營先調頭。
去到大三、大將就一齊玩遊戲。
BBQ的時候，我都係忍唔住食左2舊燒雞腎，真係好好好好味！
仲有2舊煨雞腎+1舊煨豬排。
哈哈哈，朱小小重嚴重過我，不過都係同我一樣，覺得雞腎好味到停唔到口。
無計啦，鬼叫我地都係Emily既小羊咩，佢次次都係煮好好味既雞腎，
真係令到我地都愛了吃雞腎。
死完就玩，玩完又食，中途仲出有去食左舊菠蘿冰，曳曳添。^^"
發現自己係完全唔識放風箏的......
哈哈哈，隻飛箏係我手上，係完全飛唔起架。
合照完就返新堂，傾左陣野，就返書院Rehearsal~~
不過今日，聰掛住做功課，所以遲左返黎。
可能係因為遲左開始的關系，Re到成10點呢。
真係好攰了，食埋飯就回家了。
點知......又收到同學的E-mail，星期二send出去既野，
竟然等到今日先黎話要改......呆左......
又睇唔明佢想改乜wo，明天又要返永光，何來有時間改？
星期二大家坐定定傾既時候，又唔出聲。
今日只剩下最後一日，先黎講，大家既powerpoint正常都做晒啦。
On MSN問，大家又只係應一句起兩句止。
結果等左半小時，都係決定唔等啦，真係好眼訓了。
| 
