昨晚簡直係昏睡，唔係儀仔仔打黎叫我起身，可能我會繼續訓落去......
去玩wo，當然要來個美滿既早餐先啦，好味既熱香餅。
一早約左儀仔仔、吉昌、Panda Lo & 高毛毛，食早餐。
盧有華一早，不停咁講德文，無人聽得明，哈哈！
Join埋Panda Ng、波波、紀少云、羊，就出發啦！
好白癡，我又留低左把遮啦......結果佢地等巴士，我就返轉頭攞返把遮。
好好彩咁，又比我搵返，哈哈哈！
上到巴士，好好笑咁一齊玩辣辣壽司邊個食，之後又玩木頭公仔。
今次海洋公園之旅抵玩，因為有7折入場券。
到左海洋公園，就開始我地既大玩特玩計劃。
當然去玩最近既滑浪飛船先啦，不過排左好耐，比上次多人好多。
4個女孩子一架，勁大水花，濕晒，哈哈！反而d男仔無乜事。
太多人了，唯有揀黎玩啦。越礦飛車無開，所以就去左水母館。
入面好多鏡，一不小心，就會撞左埋去。
中午，食左個好貴既Lunch......最貴係杯野飲......
無幾耐，楊國偉、Jessica都黎埋lu，佢地開完會，就即刻過黎lu~~
玩飛天鞦韆，波波太感動了！海盜船當然更厲害啦，哈哈。
坐最後果行，好正。自從上次黎海洋公園之後，我玩咩都大膽左添。哈哈！
去搭今日中午壞左既纜車，好彩我地搭既時候無事。
過到去諗住玩氫氣球，不過好多人，所以無玩到。
去左睇熊貓，盈盈、樂樂係我見過既熊貓最活躍既2隻。
 
 
終於唔再只係見到佢地個 pat pat啦，哈哈！
去埋威威劇場，睇《熊貓一族大派對》，就搭巴士返大樹灣。
 
人人蓋了一個隱形印，要用燈照先睇到的。
夏水禮，真係勁好玩，玩泡、玩水！
哈哈哈，大家做左大細路咁，係到玩泡泡。
由細到大，都從未試過成個人比d泡泡包住架，今日終於試到。
《竹林水戰》就更加正，係真真正正既水戰。
一人一把水槍，入到去唔係一陣，就玩到濕晒lu。
敵友難分，只係見到濛查查一片，認衫唔認人，哈哈！
換起衫都已經8:15pm了，第一次係海洋公園玩到咁夜。
搭車去金鐘，再行去灣仔食晚飯。
行到去，先知間綠野仙蹤搬左，改去沙爹城食。
好味道，玩飽、食飽好滿足喲！^u^
P.S. 海洋公園纜車停頓困280人 運輸皮帶斷裂 8分鐘有驚無險
http://hk.news.yahoo.com/070828/12/2ejoa.html | 
