Jason、Stella結婚，又點可以唔記呀。
見證住佢地2個既婚禮，一生一世的承諾，又進入到人生另一個階段了。
愛，是上帝給我們一份最好最特別既禮物！
佢地2個既婚紗相，真係好特別，全部都係外景，連小輪上面影既都有。
當中真係盡顯左Jason果份不羈既性格，還有La姐既溫柔。
雖然只是一點點的祝福，但只要連繫上大家之間的一份情誼，就變得一點也不簡單。

《愛的故事》
沒有驚天動地，沒有迴腸盪氣，平淡裡交織的愛卻更細膩。
從最初的知己，到此刻牽手一起，承諾一生一世不捨不棄。
愛的故事在今天展開新一頁，眼淚掉了，只因有無限的喜悅。
送上這一闕歌，祝福的音韻千億夥，願點點的灑落在你倆的心窩。

最獨特的感謝，只有他倆的父母獨享的一段感謝！
「願您此生得救，是我祈求。」多期望這一天的來臨，盡道出很多人的心聲。

《手》
凝望父親一雙粗糙寬厚手，為我遮風擋雨，養育我辛酸都不息不休。
凝望著母親一雙纖巧溫暖手，為我傾出所有，照料我獻盡愛晝夜無休。
從出生到這天不知經幾多春與秋，父母兩雙手交織了平實與造就。
成就我倆牽手於這刻結成佳偶，效法父母無私的擺上，讓一家得祝福、保守。
深盼基督一雙恩手，捉緊您，賜您得救。讓您信靠一生，風雨無懼未會顫抖。
深盼主恩在您裡頭，祝福您，同行眷佑。讓我緊握主手，為您代求。
傾這一生為您侍候，天家裡，仍然似舊。願您此生得救，是我祈求。

今次婚禮，影左好少相咋，無計啦，坐唔正中間麻。
好好笑，La姐班學生出去影相既時候，無人肯企Jason果面。
還有小呈呈，今日樹亮竟然主動比我抱小呈呈。
今次係我第二次抱小呈呈咋，難得麗怡、樹亮咁放心比我抱。
不經不覺，佢又大個女左，又重左。
雖然佢仍然係無乜出聲，cool cool地，但每次見到佢都好興奮。

↑新朗哥Jason、新娘子Stella

↑伴娘儀仔仔

↑黎多張，加埋P~

↑小呈呈喲，真係好得意！

↑大三團

↑組長珊 & Sa

↑著靚靚既星雅

↑細助導 & 全全，11月就到細助導結婚啦。

↑牛牛 & 聲波，還有攝石人家朗。

 
↑魏祺祺係唔係曳曳呢，塊面拉到長左，哈哈！

原本話早上同阿爺飲茶的，不過佢地越攪越晏，所以最後我都無去。
今日終於可以去書展啦，最後一日。
自己一個去，有自己一個好；同朋友去，有同朋友去既好。
自己去勝在鍾意睇幾耐，就睇幾耐。
今天與書為伴，又可以睇好多書啦！

晚上去機場，送嘉聲機，呢個大隻佬要返瑞士lu~~
去左 Terminal 2，去伴嘉聲買Hello Kitty耳環。
買買下，竟然變左各位女仕們睇衫，哈哈！
去潮樓食，好差。呢一餐，簡直係一餐用黎騙鬼佬既潮洲菜。
起係機場，未免有點兒，令香港呢個美食天堂失色。
個滷水裡面d腸，竟然唔係紅腸，係司華力腸。
個津白係爽的，平時人地係浸到軟晒，好好味架麻。
個蠔仔粥，似蠔仔湯多d；而個蠔烙，就似煎蛋+日本Pizza，上面竟然有木魚絲。

最後，大隻佬就飛去左啦。
唔知幾時會再返黎呢，下次會唔會變左肥佬呢？哈哈哈！

今日考埋最後一科，我都話唔好信Dominic架啦，佢無理由咁好死。
到最後成份卷都無出過，好彩無信佢。
有問題架，考親呢科都腸胃炎，冷汗都出埋呀......果一刻感覺好辛苦......
放學原本想去書展，不過肚痾，係無可能去到架啦。
出觀塘租碟睇，順便伴屋企人食飯。
好肚餓，但完全唔想食野，最後都係迫自己食左碟菜。
一食完，就出事啦。想嘔，好彩最後都無。
回家大覺訓！