今日一早起身返晨更，暑假真係無幾可咁早起身。
晨更之後去左金牌食早餐，之後就要開始忙碌既一天lu~~
一係無野做，一係一整日d野都排到密質質。
10:00am Cell聚
1:00pm 余肇龍毅進派左成績表，答應了陪佢去報學校。
初頭仲以為得佢一個，原來仲有2個同學仔。
但佢地要遲黎，所以就同左星星去行福音書局。
行到一半，就打比阿珊問下買左燒雞份禮物未，點知都仲未買。
阿珊話無錢，所以推推下，又回到我自己身上。
燒雞都唔鍾意睇書，所以我係唔主張買書比佢架。
星星就話佢可以幫手買，還掂我今日都唔得閒，就由佢去買啦。
見到余肇龍之後，就陪左佢去YMCA & 白英奇，攪到成4點。
再去尖沙咀攞團衫，好彩余肇龍去幫我攞咋。否則得我同翹翹，實好死。
未夠鐘，又無食Lunch，所以去食個Tea先去攞團衫。
攞完團衫，返書院果程車好攰了，訓著左。
返到書院，都6:15pm了。休息左一陣，7:30pm返新堂，青年團同我地練歌。
9:00pm 練完歌，就去九龍城找屋企人食晚飯。
返到屋企，都成10:30pm了，好攰。
一報完數就訓著左lu~~ | 
