起身，1號風球已經落左，個風黎得快，走得快。
今日中午，去同伯父、伯娘薦行，佢地今晚就返瑞士啦。
又唔知幾時先再見面啦，下次可能連嘉豪都變埋大隻佬，哈哈。
食完飯，就拿拿臨趕返書院練舊曲新詞，不過最後都係遲左20分鐘。
唱得算是好左dd，終於有返少少拍子感。但都係果句，應該可以更好，比心機呀！

約左Ella、波子6:15pm，係Time Square。
不過攪下攪下，6:15pm先可以係書院走，同阿超趕去銅鑼灣。
去到都快7:00pm了，竟然仲食得切麵。
去到伊館，剛剛好7:30pm。
讚美之泉~~
個個都話好正，不過唔知點解，我好似投入唔到咁......

約左小怪、星星佢地，係旺角中心食早餐。
那裡來的？到最後都係要睇MTR裡面既地圖......
約時間約到亂七八糟，到底係7:30am、8:00am，定係8:15am？
昨晚明明confirm左係8:15am，等我仲以為自己準時。
點知7:50am先收到電話，又話改左8:00am，飛都飛唔切出去......

今日跟星星，潮洲~~
順利升上中六，Good！
再同飛機德去YWCA，下午2點就可以返書院了。
今日佢地去晒攪d手續既時候，我就係到同佢地d家長傾計。
認真來說，今日同家長傾計既時間，仲長過搵學校既時間。

返到黃大仙，去大家樂買左個Tea食，好味道。
其實我話就話讀緊酒店呢科，不過對於一d未聽過既課程，我都唔係好清楚。
有時候，真係好驚比錯意見。
其實都只係上網睇清楚個課程資料，得出黎既結論咋，希望無比錯意見啦。

無野做，而又要等晚上去土瓜灣，同阿爺、伯父佢地食飯。當係同伯父、伯娘薦行。
所以就同左秋筋、嘉莉一齊走，陪左嘉莉去買書。
買買下，竟然掛左1號風球。買完就送埋嘉莉去搭車，再行下九龍城。
收到電話，因為阿爺唔肯出黎，所以改左明天中午先替伯父、伯娘薦行。
Hehe，終於比我買到個合眼緣既銀包啦。
最後就行返新堂返大堂祈禱會~~

今日原來約左11點返去Rehearsal，不過我係完全唔知醒。
唔係Yoyo打黎，我仲訓緊......= ="，也許是昨晚整書簽整得太夜了。
首舊曲新詞我都係昨晚凌晨12點先收到，基本上無唱過。
聽就聽左好多次了，不過驚嘈住阿妹訓覺，所以無唱出黎。
今日一唱先知道出事，又一首男人歌......
唱得奇差，連我自己都完全接受唔到。
盡左力就話者，但我知道係唔止咁的，應該可以更好。
仲話將最好既獻比上帝wo，咁差點可以比上帝，所以好唔開心。

Rehearsal完左，就同左Yoyo上7/F，找找開Cell資料。
差唔多時間，又等唔到星星，所以就自己一個出左去食野。
吉野家既下午茶真係好抵食，$14就有大大碗牛肉飯。
之後就返去中五祈禱會，不過6:45pm都未開始，所以最後都無參加到。
落左去Hall Reheasal，但好多人都未到。
結果大家就係到玩，哈哈，來一個大兜亂。
文仔、我彈琴，Sandy走左去打鼓。
玩到一半都未整人，唔浪費時間啦，練下歌先。
到最後等埋2個中五才開始，早知係咁我地都可以上埋去祈禱會。

Rehearsal完，就行落九龍城，找屋企人、伯娘、伯父。
黃珍珍也~~個粉絲好好味，其他野食就一般。

原本今日同學仔們去Mega Box溜冰的，不過臨時取消了。
所以成日都無出去，留左係屋企。
初頭仲諗住，可能要返書院練舊曲新詞，不過無人通知，所以無返到去。

好野，今日比我無端端，整返好部Printer，以後就有Printer用啦！
Yeah，今次真係要比個叻自己先！^ ^

今日崇拜好多人返左黎呀，除左我、榮、華豬、珊、Yoyo、星星、家朗、高志恆、燒雞之外，
仲有明慧、文浩、威，還有一個新人。之後仲有遲返既楊國偉、源盛、余肇龍。
就快多人過星期六了......

家祈之後，食Lunch食到2:30pm~~
挑戰長頸鹿Cell，大家都要比心機呀！
Cell聚，剛巧子樂經過，邀請佢買團衫。
不過子樂話，睇下我地Cell今個星期點先，竟然無人夠膽出聲......
我地要有信心呀，當然要加上大家既努力啦，一定得架！
唔可以比人問2句，就咩信心都無晒呀！
中五放榜既講座~~

晚上，團去斧山道嬉水~~
平時都唔覺，我覺大三團咁少女仔的。
今日計埋都係得5個女孩子，包括導師助導。
不過當然啦，有部分因為要跟話劇，所以無黎到。
珊+Yoyo，有事要走先。最後指天椒就只有我一個女仔。
不過其實隔離Cell，都係得Ella一個女仔，加埋小怪，就係咁多了。
斧山道d滑梯真係好短，有機會真係想試下去將軍澳泳池玩下呀！
係斧山道入面，遇到敏欣+佩琳。

嬉水完，都已經9點，沖埋身9:30pm閃人。
去山林道找屋企人，同佢地同埋伯娘一家食火鍋。
好好味，不過都好貴咁。