又係要返工，好眼訓．
原本昨晚諗住約cin姐今朝比相佢，但昨晚搵唔到佢，
諗住今朝早d起身撞佢，但變色龍通常都約好早食早餐。
勁唔想起身，而且要搵Cin姐，中間就會有段勁長的時間，唔知做乜。
所以，結果無去到。
8:00出門口，返到馬會就同connie去做"謂仙U"
1take過，走得，good呀！
又收到3封利是，一封安哥，一封晶姐，一封開工利早。
今日又係勁忙，癲架，簡直係初三的餘波。
歐生仲要成日都走過黎，又係唔比郁。
連supervisor都估唔到咁多人，又係咩都唔夠。
紙巾都用左2箱幾，汽水又係勁雪。
上場個ar姐，落左黎幫手；connie都黎左，
做到一半cinnie就比ar清叫返落去lu。
原本中間仲有個ar姐整熱飲架，但太慢啦，
我地要奶茶，佢就整熱啡，結果歐生忍唔住，
叫貍貓代佢，叫個ar姐入返去。
雞脾同熱狗都勁出，咩都無。
雲吞、牛腩、豬手都停過，係雙丸未停過咋。
收銀，又係咁，d野停左幾個鐘，都可以照賣。
雞脾、碗仔翅、紅豆沙、牛腩、豬手、橙汁......
5:00既時候，差d"六"死我啦！
我過Ellen果邊整熱奶茶，整完就要過中間加奶，
歐生行我前面，無端端掉返轉行，撞到我。
d奶茶平時無咁熱，今日可能係剛剛煲起，勁熱。
勁想放手，但唔得羅，倒曬落地下就慘。
好彩歐生都識做，幫我整埋杯奶茶，叫我去塗葯膏。
不過我地已經習慣，一"六"親，就插隻手落d冰水到，
更快捷、更方便、又有效，結果當然無事啦！
歐生終於發覺到呢個檔口係做到癲架！
而家先覺？遲唔遲d呀！
所以有些ar姐先唔肯做呢到咋麻...........
跟住又係數數，d數勁散，原本熊貓話可以車過車。
分好類之後，有個男仔過黎幫手，叫佢數d車啦，
佢話唔羅出黎好難數，結果入得一箱，就唔爭在入埋其他lu，
最後佢地回完布，剛剛好數曬。
熊貓咪係到問，唔係車過車既咩？
算啦，你都係見我地做得咁辛苦，先話可以車過車者。
唔緊要啦，還掂都攪掂lu，咁你地又方便d呢！
都話佢好好人架啦！^u^
跟住諗住食野，點知無乜野食，
原來班男仔食完之後，ar姐以為無人食，倒曬。
佢唔記得左我地未食，唯有食碗仔翅啦！
下次都係放係個熱櫃到先，唔咁快羅出黎，哈哈！
放工，返新堂Rm44大板牙家員聚。
一返到去竟然要抬椅，好累呀，剛剛先放工，
不過好彩張椅唔係真係咁重，而且只不過係1分鐘者。
若果係大禮堂d椅，就肯定重死lu~~
吉昌分享，你願意為身旁的弟兄姊妹承擔多一點嗎？
Panda分享左好多佢以前的好朋友，要我地珍惜眼前人。
8:30完，坐的士去左九龍城南角道洋一食日本野。
之前佢地話九龍城食日本野的，我就只諗起之前同Ellen、波子食過果間，
原本係同一間，好味。
去到仲見到劉偉業牧師+一個女仔(好似係李萍姑娘，但唔肯定，佢老婆麻......)
仲要係同佢地坐埋同一張"木台"。
Panda果木台食緊，我地先叫野食，
有燒餅，又飽肚又好味。站著吃拉麵，我地真係站著吃wo~~
原來班男仔真係好大食架，我地差不多食完，佢地仲係唔飽。
10:30食玩，大家返屋企lu。
我硬係覺得呢個情景好熟，原來之前大陣仗同工+Noel都黎過附近食，
但唔記得係邊條街，果時食完又係咁夜咁多人，一齊行返黃大仙。
今次唔同的就係我地搭車返黃大仙，再搭地鐵。
| 
