終於有時間打日記啦！
日記的野唔打住，打左D迫切d既先。

今日New牙報數27人，剛剛到目標。

敏欣：Queen、Tony、王玉婷、張簡輝、李慧玲+Friend、王慧婷、
ˉˉˉ周嘉欣+3個Friend、朱曉恩、梁子俊、王嘉敏、溫翰明

Ben：梁詠儀、楊言之、李淑儀、劉永聰、吳志洋 (欠"蚊"未搵到)

星雅：張子東、羅美雁 (另有1個waiting)

Pauline：莊偉俊 (努力中，尚欠1個，就到好well)

今晚我地一定要好好祈禱
1. 唔好有飛機
2. waiting+未搵到的，要盡明天的早上，把握時間，搵埋佢地
3. 為到一班仍在努力中的弟兄姊妹祈禱
4. 約好d新人時間、地點 (特別為到敏欣、玉清、遙，因為要一個人，接10幾人)
5. 最重要係要感謝上帝，比我地有27人

哨牙報數：34人
鋼牙報數：未報完數，暫時24人 (加油呀，我地要3cell一齊達到目標！) 
大板牙報數：截至10點，114人 (尚欠6個咋，努力呀！)

「有人靠車、有人靠馬，但我們要提到耶和華我們神的名。(詩20:7)」

又是這樣了，為什麼會連打日記的時間也沒有！
天天與Report, presentation & Assignment為伴！
不過，說真的，今天重拾了久違了的感覺！ 太好了！

又是後補............

今日好曳曳呀...........
竟然做堅持唔到，做左大部分大專/大學生都會做的，但又不太好的事。
之前仲話今個Sem唔會咁架麻，點知..........
等我之前仲口口聲聲同同學仔、吉昌講，我唔會再XX添，衰左！
算左，不過對於一個大專生來說，都唔算好衰。
事關我諗over95%的大專/大學生，都試過，特別係返8:30的時候。

初頭仲以為今日要交report添，昨晚3點才訓。
今朝又一早起身，趕report~~
點知趕趕下打比同學仔，先知原來明天先交........
超級無奈！等我仲因為趕呢份report，先XX添..........
結果返到學校9:30，上Front Office~~
之後去左美心食左個豐富的早餐，但當午餐。

終於上英文啦，原來大家份report都未做完，
有d同學仔先做左1/3，有d仲未做過！
因此，我地班的班長，就同Lenny講，唔夠時間做。
Lenny又好好咁，比我地改到Thu先交，太好啦！
咁我就唔駛擔心今晚做唔切啦，否則我諗今晚我會無得去街。

又係break啦！
突然Elena問起，普通話個presentation，大獲！
掛住做個report，唔記得左個presentation！
算啦，拿拿臨做過份啦！好彩最後都趕得切！
presentation完，自己都覺得可以頗滿意，只不過係讀錯幾個詞語者。
係無預備過的情況下，算唔錯架啦，哈哈！
上IS & Ｏps，又係教powerpoint~~
今次又要做功課，但可以下星期一3:00前交！
powerpoint者，easy job，只要諗好個Topic，就好快可以做完。

終於放學啦！
打比Cindy，決定今次去旺角啦！
有Cindy同我去旺角行街，就唔駛驚迷路啦，哈哈！
一去到，就去行基道，仲遇到生命的導師添。
行完之後，就過花園街的炳記牛牛食野。
好味道，食到好飽呀，hehe~~
食完之後，就一齊過左花墟買野。
有d野好難搵，仲要又平又正的，就難上加難。
好彩最後都買到，但有d真係唔知邊到先有得買。
有無人知呀？
分別係一個大魚網，同埋一d又平又大果d篩！↓如下

...........

跟住就去左一座我唔知乜名的商場，行左一陣。
8點半鬆d就一齊搭地鐵返屋企 lu~~
又係好開心、滿足的一天！
雖然今日去唔到麗怡屋企，麗霞又要趕功課出唔到黎。

P.S  原來本書名叫做《耶穌十二門徒》，我真係記得煒濤話果時本書係Cindy的，
       算啦，下次問Cin姐借！

真係好耐無試過啦，今日真係好開心！
可以返到崇拜，太好啦，多謝上帝。

不過我今日又遲到啦 ，真真真係無下次架啦！
昨晚較返完工超支力，較鬧鐘的時候，只係一心諗住，
之前約Cin姐，通常都約7:15係坑口等，所以就下意識地記住7:15出門口。
點知今朝出門口，先發覺有d野唔岩，點解好似咁趕既。
計計下先知，原來我記得今早cell祈禱會，但就下意識地記錯出門口時間。
一日都怪自己懶，記住果個時間就果個時間，無計清楚..........
所以吉昌打黎比我的時候，我才搭緊van仔落將軍澳。
我今朝真係未訓醒，懵下懵下咁，初時聽電話的時候，仲以為自己趕得切，
再睇下錶又唔係好岩，但個腦又未轉得切，總之就........唉！

返到崇拜，好滿足呀！
返崇拜，真係太美好！
可以盡情咁唱歌讚美上帝！
完左崇拜，就教唱受苦節崇拜的新唱。
聽第一次的時候，真係呆左，首歌好難唱。
同埋真係估唔到佢淨係教副歌，我同祺峰都話，彈左咁耐，
斷估都唔係前奏掛，但點解無人唱的。
之後就Cell聚左5分鐘，就上6/F家祈禱會。
講左少少有關佈道會當日的安排，終於有少少概念。
真係要快d plan好果日的安排啦，淨返11日咋。
重要搵多d同學仔返至得，努力呀！

祈禱會後，已經好肚餓啦，今朝無食早餐麻！
之後小羊去五十嵐先，導師助導遲少少去。
食完飯，比Michell勁考我IQ題。
唔係掛，我IQ題好差個播，點知比我答中左幾條，哈哈！
餓死boey啦，事關我個飯係最後先到，佢就等埋我先食，多謝你陪我，哈哈！

之後就返書院團會，今日的團會好像特別長，到5點先完。
祺峰分享，題到之前入豬欄，雖然果段時候，我中五，
唔係到，但之後聽紅人講返，真係有血有淚。
記得果時團達唔到人數目標，比導師鬧。
仲要罰無班房團會，成日除崇拜外，唔可以坐。
果時導師要入豬欄，紅豆個團名，成個星期都唔嗌得，連口號都唔可以。
比人罰要畫臉，導師係喊住咁同我地畫。
以前我果cell真係成日比助導鬧架，10次有9次都係因為人數！
達唔到目標，就必定無獎。
人少的日子，團會公佈的時候，大家都低下頭，唔敢出聲。
點知又比助導鬧，話人少者，但唔可以連士氣都無埋。
團連續3個星期都唔到目標，唔到目標不特只，有時仲要係全家第尾果團。
果時麗怡、樹亮仲鬧，話當係佢地的結婚一週年禮物啦，最後一個星期達到目標比佢地睇啦！
結果，果個星期，紅豆成為仰望之冠。由第尾變到第一！
當你付出過之後，你會好享受得勝的滋味。
無錯，麗怡、樹亮永遠都係紅豆的一份子。
佢地結婚，就好似紅豆結婚一樣；佢地有左小B，就好似紅豆有左一樣。
唔好漏左允呈←名名副其實的紅豆妹
我地果時話，第二時小呈呈大個之後，可能會係現在的其中一個小羊，做佢既助導都唔奇。

團會之後就落左canteen，有d人走，有d人就留係到唱歌、彈結他、打波......
美好的一天.................~^u^~

P.S  "強"原來我唱到低8度，易唱好多~~
我都亂曬龍，究竟我之後係咪唱高左呢？
今日唱歌，明顯聲到未開..........
音又捉得唔準，連唱"夢想"都甩bit，大獲！
千祈唔好無進步不特只，重要退步呀..........
比Ellen知道就慘啦............
真係要比心機練下歌先得！