繼續post相先，今次到post野食！

↑Menu 2 的 Dessert，叫「Warm almond Puff」！

↑Menu 2 另一靚靚 Dessert，叫「Sundae Specialty」，係又靚又好味，見到都流晒口水！

↑叫做「Creme Brulee with seasonal fruits」，係Menu 3架！

↑都係Menu 3的Dessert，叫做「Peach Melba」！

↑Menu 1-5都有的香噴噴麵包！

↑Menu 6的Desserts，個名叫「Huckly 'Blueberry'Flnn's Cheesecake」，係Ling & Ta 整架！

↑一隻比書包還大的火雞，係Menu 6架！叫做「Roast Tom Turkey」，正呀！

以上全部食物，都係由我果班整架，係咪好正呢！
仲有好多架，不過上堂唔比影相，所以無影到。
上面果D，都係我地班D同學仔，偷偷地影。
事關大家都覺得好靚，好有滿足感，忍不住要為它們留幅遺照，先捨得食

↑中間的是教我果班英文的Lenny，好好人架！

↑大家上Food Production，著晒廚房衫個樣，係咪個個變晒大師父呢，哈哈！
不過欠Chole，佢果日無返！

↑係啦，係啦！中間果個，就係Mr. Dominic Chan 啦！我地話，佢今次都算最受歡迎啦！
比我地班纏住佢，要影相。平時要有人纏佢，都幾難，哈哈！
雖然我地成日講佢上堂唔放過我地，不過都真係教到我地野既.........

↑今個Sem，最後一次著waitress衫啦！
前面左下角果個就係Mike啦，佢上堂，幫我地預備好多野架！
右上色果個係Mr. Raymond Chan啦！佢好勁架，我地成班都好鍾意上佢堂！

↑其中一次，我地餐樓的setting，係咪好靚呢！我地整架！

↑仲有一幅，我地次次setting，都有d唔同架！不過呢2幅係同一個Menu，所以一樣！

放住咁多先，下次放野食！

今日出餐，我係負責stewarding，即洗碗。
無咩呀，只是很想出去餐樓玩下。
好野，竟然有咁既機會。
係剛剛開始的時候，stewarding要出去幫手，直至Main Course先入返去。

今日Mise-en-place好麻煩。
原本D枱set好晒，但receptiontist話2C要轉人數。
D枱要郁過..............
但大家郁完，2C有D同學上到黎，先知佢地無轉過。
只是Comunication Break Down，唔係掛！
到最後，我地都無轉返正確的比佢地，算啦！
大家都知道，這是很麻煩的。

幫完手，就入返去lu~~
一入去，比Germaine叫我幫一幫Runner~~
好野，連Runner都可以試埋。
今日的Runner要羅個Oblong Tray之餘，仲要羅埋個架，有難道架！
但我好順利咁出左，好野！

激死我啦，同細Wing負責洗碗。
初頭無乜野做的時候，佢都有做既。
但到最尾，最多野做的時候，佢竟然走左去食野、去玩、去傾計！
仲要出緊餐的時候，傾電話，唔係呀？

我一個人做到就快死啦，好彩霞姐幫我咋。
否則實"Lum"檔~~
我竟然完全唔出聲，忍佢，唉...........
我知道co-team比分係公平架！
謝謝各位同學仔，我都係完左operation先知。
原來佢地有D同學仔都睇唔過眼，幫我同左co-team講，
話細wing唔做野，得我一個做。
結果Lok & Germaine都話過佢，但佢竟然...........唉...........
算啦！唔講啦！做好自己本份，就是了！

今日如常上堂，但Customer Service仍然是無左！
早上就多了一堂，F & B 的 Menu 6 P & O Presentation~~
不錯呀，仲要好攪笑。
Rachel 你好得意者！
放學話要Training，但我呢個stewarding當然唔駛啦！
但都留低練左陣，不錯！

之後就同Elena去左Sogo，睇下買咩禮物比Ling，但最後都買唔到。
回永光開會了，原來3場團契，都是今天。
真係估唔到，連呢個"兇殺案"都出埋。
好似之前係得精英團+大陣仗玩過。
雖然我負責預備過，但就真的仍然有點一頭無緒。
對上一次，是一個得騎呢的兇殺案，我竟然是兇手...........
我諗吉昌應該都玩過，他是精英的麻。
啊！新助導當然都玩過啦！

原本今日諗住去搵下工，暑假返。
但最後都因為落大雨，唔想出街，所以無去到..........

到最後，當然都要返工...........
又無帶酒刀添.............
今日師姐考試，唔返。
原本細妹過左黎，但因為大家都唔識開單，
最後就轉左家姐過黎。

今天，好多人呀，但就無人開酒，好野！
不日轉左新ar 頭，大家都............，哈哈！
家姐就係好狼死呀.........
推銀器終於甩左身，有仔推啦，Yeah！

超級準時地放工，但鎖匙在細Wing到...........慘！
明明個Locker係我架麻！
結果又要等多15mins..........