今日中午，自己一個出左深水埗買野。
中途，竟然繼巴士阿叔後，又一鬧劇。
乘MTR，去到彩虹時，有一個阿姐與其友人上左車。
當時這位阿姐，拿著一個美味既蛋糕，好享受咁係車廂到食。
有一位乘客阿叔見到，即刻係到好大聲咁話。
乘客阿叔：小姐，你唔係呀，係到食雪糕。
地鐵阿姐：呢個係蛋糕黎架，唔係雪糕。
阿姐朋友：佢唔食野會暈架。
乘客阿叔當然唔接受這個理由啦，就繼續話。
地鐵阿姐當然就唔理佢，仲要繼續慢慢享受佢既蛋糕。
為左避開果個乘客阿叔，佢2個就行前左少少啦。
但個乘客阿叔就越話越大聲，誓要講到個阿姐唔食為止。
到左鑽石山，果地鐵阿姐，終於忍唔住，衝左過黎，
係個乘客阿叔面前，用晒粗口咁鬧佢。
個乘客阿叔又好有原則咁答，你用粗口鬧我，但係我係從不用粗口的。
我原本心情好好既，剛剛才與星雅講完電話。
但被他們這樣一嘈，乜mood都無晒。
落車好過，無眼再睇落去，只覺得好煩。
最後只見到，個阿姐朋友，扯返個阿姐走咋。
唉..........真是現今的世代邪惡！
點解經過巴士阿叔事件後，D人仍然唔能夠"經一事、長一智"架？
就係咁，帶住無乜mood的心情，去左呢個深水埗棚仔啦！
嘩！好多款布呀，乜色都有，又發現一個寶藏啦！
之後就去左食lunch，再去埋德祥買野。
深水埗真係一個買手工材料既天堂呀，正！
接近6點，返左書院去信格拿東西。
回家lu~~ | 
