一早，約左金吉比相佢。
我早左出門口，佢就遲左。
幸好還趕得切返工，不過真係超趕。
Check grooming，真係唔明，
化到咁都唔得，我地之前咩都唔攪，
只係塗eye shadow都得啦！
要求多多.............唇膏唔夠色？唔係掛？
算啦，食完飯先算lu~~
無啦啦，唔見左把酒刀，好傷心呀！
你去左邊呀，快D出返黎啦..........
唉！新Captain要求每人一本簿、一支筆、一把酒刀。
簿，帶左不過無用過；酒刀，失蹤不過都無用過。
呢2樣野，係沙田返左咁多場，我都無用過，無端端又要人地帶.........
最慘係，你無要我帶，我就帶左。你要我帶既時候，竟然唔見左。
今日返工，頗清閒！
我間房D客，接近成點鐘先黎，但3:30就走。
日本人，幾驚佢地唔識英文呀！
好彩每枱都有幾個識，仲有2個識中文。
Total16人，男一枱、女一枱，好大男人主義。
佢地每人食左2左右，就收手食甜品，超好做。
又唔食淨野，成日既垃圾，都只係裝左1/4個垃圾筒仔。
有係要fill野飲，頭盤d碟用都未用過，就出左去拿食物。
慳返，又少樣野做。
日本人真係好有禮貌！
有人被cut鐘，cut3:30←前所未有咁早！
抹銀器，有咁快得咁快，為求早一點攪掂，
Cut我鐘，可以返永光。
我返左咁多場，一次都未試過Cut鐘，
係咁啦，放過我一次啦！
其他同學仔，個個都爭Cut鐘，
比一次機會我都好掛..........
結果，早左1個鐘放工。
慘.........4條6...........
豈有此理，我今日做錯咩，要比4條6我呀？
我今日一d都唔亂，咩都做足晒。
又無做錯野，你竟然比4條6.......刻薄........
係做Western Restaurant以來既新低.........
平時最少都4條7啦，好既時候4條8添，8899都試過！
唔公平！唉........一直以來比分，都係超級唔公平架啦！
我地4個抹銀器，一齊Cut鐘。
3個熟手+1個生手，大部份野我地3個熟手做晒。
竟然我地仲低分過個生手！
人地就有4條7，我同另一個就只有4條6~~
原因就只是大家跟唔同Captain！
一路我地都係Eric比分架啦，無端端殺出多一個Captain........
Eric都諗住比全7我地架，點知一番轉張紙，有人一早比左分！
佢都打左個"突"，愛莫能助..........
者係有人唔跟我地工作表現比分啦，我地都未做完野，
有人就一早比左分我地，亂咁比，佢作落去架！
新黎就以為自己大晒咩，個分對我地好重要架！
我地唔係為返工架，係「實習」黎架，佢究竟知唔知架！
有人偷食，高分過我地；阿姐偷懶，又高分過我地。
之前一樣分，我地都話忍到呀，而家亂咁比分，點忍呀！
超灰..........下次做頭段好過，寧願比d唔做野既阿姐點，
都唔想對住個亂比分既人..........一天辛勞，就好像白費了一樣！
返到永光，哈哈，小羊剛剛走，係大門碰面。
開會..........「耶穌同你say哈囉！」
晚飯，聽左好多可以話恐怖，但又令人有一反感概既野！
人，怎可以去到咁邪惡既地步！
死亡，原來是這麼近...............
朋友，竟可以在一瞬間就此消失於世上...............
可愛、溫暖既世界中，亦帶著冷漠、邪惡既一面！
| 
